Galasii 5:26 - Mbeti ti Nzapa - Tënë so amu fini

²⁶ E sara kuru baba pepe! E gi yanga ti amba ti e pepe, e sara kota be na popo ti e pepe!

Galasii 5:26 ပူးပေါင်းရင်းမြစ်များ

Jacques 4:16

Me fadeso, ala yeke pika kate ti ala si ala yeke gonda tere ti ala. Mara ti pikango kate tongaso ayeke nzoni pepe.

Galasii 5:15

Me tongana ala yeke sara ye tongana ti anyama, ala yeke suru tere ti ala si ala yeke te tere na popo ti ala, ala sara hange: tongaso pepe, ala yeke fâ tere ti ala kue!

1 Korente 3:7

Tongaso, zo so alu ye ayeke ye pepe, zo so atuku ngu na ndö ni ayeke nga ye pepe; me kota ye ni ayeke Nzapa so asara titene ye ni amai.

Nzoni Tënë so Luc asu na mbeti 14:10

Me tongana mbeni zo atisa mo ti te kobe, ayeke nzoni mo gue, mo duti na ndö ti ngende ti ndani si zo so atisa mo so aga atene na mo: ‘Ita, gue, mo duti kâ na li ni.’ Tongaso, fade mo ne na le ti azo so kue mo na ala ayeke te kobe so.

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”

Filipe 4:15

Ala azo ti *Eglize ti Filipe, ala wani ahinga atene, na ndembe so mbi londo lani na Masedoane, na ngoi so a to nda ti fango Nzoni Tënë, gi ala oko laa amu na mbi maboko, ala mu ye na mbi na peko ti ye so mbi mu na ala; mbeni Eglize nde asara tongaso pepe.