Galasii 5:22 - Mbeti ti Nzapa - Tënë so amu fini

²² Me ye so Yingo ti Nzapa ayeke du ayeke so: ndoye, ngia, siriri, kangango be, nzoni be, sarango nzoni na azo, mabe,

Galasii 5:22 ပူးပေါင်းရင်းမြစ်များ

Abia (Psaumes) 1:3

Lo yeke tongana keke so a lu na tere ti ngu: keke so ayeke le na ngoi ti lengo ni, akugbe ti lo angba fini lakue. Aye so kue zo ni ayeke sara ayeke ga nzoni.

Abia (Psaumes) 92:14

Lo yeke tongana keke so a lu na ya ti gbagba ti kota da ti KOTA GBIA, lo yeke kono gi na ya ti gbagba ti Nzapa ti e.

Zo ti bongbingo azo 7:8

Hunzingo mbeni ye ayeke nzoni ahon tongo nda ni; kangango be ayeke nzoni ahon sarango baba.

Jérémie 33:6

“Me fade mbi yeke sara si gbata ni aga nzoni; mbi yeke kai kobela ti azo ni, mbi yeke mu na ala gba ti siriri si mbeni sioni ye ti si na ala ayeke daa pepe.

Osée 14:8

Azo ti mbi ayeke kiri ti duti na gbe ti de ti lo, ala yeke kiri ti lu ale ti *ble, ala yeke mai tongana keke ti vinye; sango ti ala ayeke mu ndo kue tongana ti pendere vin ti Liban.

Matthieu 12:33

“Tongana mbeni keke ayeke nzoni, fade lengo ni ayeke nzoni. Tongana keke ni abuba, fade lengo ni nga abuba. Biani, a yeke hinga keke gi na lege ti alengo ti lo.

Nzoni Tënë so Luc asu na mbeti 13:9

Gbaa na ngu ti peko, fade keke ni ayeke le; tongana ale pepe, mo de ni senge.’ ”

Jean 15:16

Ala laa asoro mbi pepe, me mbi laa mbi soro ala; mbi zia ala titene ala gue ti le mingi si lengo ti ala angba lakue. Tongaso, fade Babâ ayeke mu na ala ye so kue ala hunda na lo na iri ti mbi.

Jean 15:2

Maboko ti keke so kue ayeke na ndö ti mbi si ale pepe, Babâ ayeke fâ ni azi; maboko ti keke so ale, lo yeke zi *aguruma ni titene akiri ale mingi.

Jean 15:5

Mbi yeke keke ti vinye, ala yeke amaboko ni. Zo so aduti oko na mbi si mbi duti oko na lo, fade lo yeke le mingi. Tongana ala duti nde na mbi, ala lingbi ti sara ye oko pepe.

Rome 14:17

Biani, *Kodro-gbia ti Nzapa abaa tënë ti tengo kobe wala tënë ti nyongo ye pepe, me abaa tënë ti sarango ye ti mbirimbiri, ti siriri na ti ngia so Yingo-Vuru ayeke mu na zo.

Rome 15:14

A-ita ti mbi, mbi wani, mbi hinga biani na be ti mbi so nzara ti sarango nzoni ye asi singo na be ti ala; mbi hinga so, ala hinga ndo nzoni mingi si ala lingbi nga ti mu wango na popo ti tere.

Rome 15:3

Biani, Christ agi pepe ye so anzere na lo wani. Me tongana ti so Mbeti ti Nzapa atene: “Zongango so azo azonga mo ati na ndö ti mbi.”

Rome 15:30

A-ita, na iri ti *Kota Gbia ti e Jésus Christ nga na lege ti ndoye so Yingo ayeke mu na e: mbi hunda na ala mingi ti bongbi oko na mbi ti tiri bira na lege ti sambelango Nzapa ndali ti mbi.

Rome 6:22

Ti fadeso, Nzapa azi ala na gbe ti ngbaa ti siokpari awe si ala ga angbaa ti lo. Ye so ala yeke wara na peko ni ayeke fini so a zia nde ndali ti Nzapa si na ndani, ayeke fini so angba lakue lakue.

Rome 7:4

A-ita ti mbi, ye ni ayeke nga tongaso ndali ti ala: na lege ti kuâ so Christ akui, ala nga, ala kui si ala sigigi na gbe ti Ndia awe. Ti fadeso ala ga azo ti Christ, lo so azingo na kuâ awe; ala ga azo ti lo titene e sara anzoni ye ndali ti Nzapa.

Rome 8:5

Biani, azo so ayeke sara ye alingbi na asioni nzara ti be ti ala, be ti ala kue ayeke gi na ndö ni; me ala so ayeke sara ye alingbi na ye so Yingo aye, be ti ala kue ayeke gi na ndö ti aye ti Yingo.

1 Korente 13:13

Fadeso, aye ota so ayeke ngba: mabe, ziango be ti ku ye na ndoye; me ndoye ayeke kota ahon atanga ni kue.

Galasii 5:13

Ala a-ita, Nzapa airi ala titene ala sigigi na gbe ti ngbaa. Gi ye oko, ayeke nzoni sigingo na gbe ti ngbaa ni aga mbeni ye titene ala luti na ndö ni ti sara aye alingbi na asioni nzara ti be ti ala pepe. Me na lege ti ndoye, ala sara kua na amba ti ala na popo ti ala.

Efeze 4:23

Alingbi ala zia lege titene be ti ala na yingo ti ala aga fini ni.

Efeze 5:9

Lumiere ni asara si zo aduti na nzoni be, lo yeke sara ye mbirimbiri si lo yeke tene taa-tënë.

Filipe 1:11

Fade sarango ye ti mbirimbiri so alondo na Jésus Christ ayeke si singo na ya ti fini ti ala; na lege so laa ala yeke gonda Nzapa si ala yeke sepela lo.

Kolose 1:10

Tongaso, fade dutingo ti ala ayeke lingbi na ti so be ti *Kota Gbia aye si ala sara ye so anzere na be ti lo. Ye ti peko ni ayeke so ala yeke sara mara ti anzoni ye nde nde si hingango so ala hinga na Nzapa ayeke gue lakue na nduzu.

2 Tesalonike 3:2

Ala sambela nga si Nzapa azi e na maboko ti azo ti kirikiri na azo ti sioni. Biani, azo kue laa ama na be pepe.

1 Timothée 3:11

Alingbi awali ni nga ayeke azo so ane tere ti ala, ala yeke tene sioni tënë na iri ti zo pepe, ala yeke sara ye ahon ndoni pepe, me na legeni; azo alingbi ti zia be na ndö ti ala na ya ti aye kue.

1 Timothée 4:12

Mo zia mbeni zo abaa mo tongana molenge pepe; me mo ga tapande ti azo so ama na be na lege ti tenengo tënë ti mo, sarango ye ti mo, ndoye ti mo, mabe ti mo na vurungo be ti mo.

1 Pierre 1:22

So ala yeda ti sara ye alingbi na taa-tënë, ala sukula be ti ala awe ti ye a-ita ti ala na be oko. Ala ye tere na popo ti ala na vurungo be, ala zia lege ni pepe.

1 Pierre 1:8

Ataa so ala baa lo pepe, ala ye lo; ataa so ala de ti baa lo pepe, ala ma na be na lo. Ndani laa ala yeke duti na kota ngia, ngia so ahon ndoni, zo alingbi ti tene tënë ni pepe.

1 Pierre 5:12

Silas so mbi baa lo tongana ita so mbi lingbi ti zia be ti mbi na ndö ti lo, lo laa lo mu na mbi maboko ti su nduru mbeti so ti tokua ni na ala. Mbi tokua mbeti so na ala ti mu wango na ala, ti fa nga na ala ye so ayeke taa-tënë: taa nzoni be ti Nzapa laa ala ngba daa so.