Galasii 5:12 - Mbeti ti Nzapa - Tënë so amu fini

¹² Azo so ayeke buba li ti ala so, ayeke nzoni ala fâ gi ganza pepe, me ala ga *ambaiwa ma!

Galasii 5:12 ပူးပေါင်းရင်းမြစ်များ

Tongo nda ti aye 17:14

Koli so afâ ganza pepe, fade a yeke tumba lo na popo ti amba ti lo, ngbanga ti so lo buba tënë ti mbuki ti mbi awe.”

Tongo nda ti aye 30:34

Laban atene: “Nzoni! Mbi yeda na tënë so mo tene so.”

Sigingo 12:15

KOTA GBIA akiri atene na Moïse na Aaron: “Na ya ti lango mbarambara, fade ala yeke te mapa so a sara na mama ni pepe. Gi na kozo lango ni, ala zi mama ti mapa na ya ti ada ti ala. Ti londo na kozo lango ni ti si na mbarambara lango ni, zo so ate mapa so a sara na mama ni, fade a yeke tumba lo na popo ti azo ti Israel.

Sigingo 30:33

Zo so atara ti sara mara ti mafuta so si lo zia ni na tere ti mbeni senge zo, fade a yeke tumba lo na ya ti bongbi ti azo.’ ”

Awayango-sandaga 22:3

Mo tene na ala, mo tene: “Na ya ti angoi so ayeke ga, zo so kue ayeke na ya ti *hale ti ala so aga *sioni, tongana lo gue nduru na asandaga so azo ti Israel azia nde ndali ti mbi KOTA GBIA, fade lo yeke kiri ti sara kua ti mbi pepe. Mbi laa mbi yeke KOTA GBIA.

Jean 9:34

Ala kiri tënë, atene: “Mo, a du mo si mo kono gi na ya ti siokpari, mo ye ti fa ye na e?” Na pekoni, ala tumba lo na ya ti da ti sambela ni.

Awatokua 15:24

E ma a tene, ambeni zo alondo na popo ti e, ague, abuba be ti ala si be ti ala angba na nduzu na lege ti tënë so ala tene. E laa e mu yanga na azo ni ti sara ye so pepe.

Awatokua 5:5

So Ananias ama tënë so, lo ti si lo kui. Azo so kue ama tënë ti ye so, mbeto agbu ala mingi.

Awatokua 5:9

Tongaso Pierre atene na lo: “Ngbanga ti nyen si mo na koli ti mo, ala leke na be ti ala ti tara Yingo ti *Kota Gbia so? Baa, akoli so alu koli ti mo ayeke na yanga ti da. Fade ala yeke mu nga mo ti gue na mo!”

1 Korente 5:13

Ti azo ti gigi, Nzapa laa ayeke fâ ande ngbanga ti ala. Mbeti ti Nzapa atene: “Ala zi zo ti sioni so ayeke na popo ti ala.”

Galasii 2:4

Me ambeni ita ti mvene ali na popo ti e tongana azo ti nzi, ala ye titene a fâ Tite na ganza. Ala ga ti gi ti hinga lege ti dutingo ti e na peko ti so e sigigi na gbe ti ngbaa si e ga oko na Christ. Ala ye ti kiri ti sara e na ngbaa.

Galasii 5:10

Ti mbi, mbi zia be ti mbi na ndö ti ala: na lege ti gango so e ga oko na Christ, mbi hinga so ala yeke mu ande mbeni lege nde pepe. Me zo so ayeke buba li ti ala, ataa lo yeke zo wa, fade Nzapa ayeke fâ ngbanga na li ti lo.

Ndia ti fani use ni 23:1

Alingbi zo alango na wali ti babâ ti lo pepe; so bingo buba na tere ti babâ ti lo laa.

Tite 3:10

Zo so ayeke ga na kangbi na ya ti Eglize, mo gboto mê ti lo kozoni. Tongana lo ngba daa, mo kiri mo gboto mê ti lo ti fani use. Na pekoni, tongana lo ma mo pepe, mo zia lo na gigi.

Josué 7:12

Ndani laa, fade azo ti Israel alingbi ti gbu le ni na awato ti ala pepe, ala yeke kpe na le ti awato ti ala ni. Biani, azo ti Israel ayeke ga azo so a zia ala titene a fâ ala kue ti hunzi ala. Aye so mbi ke na ala ti mu, tongana ala buba ni pepe, fade mbi yeke ngba na popo ti ala pepe.

Josué 7:25

Josué atene na Akan: “Mo sara si kpale ati na ndö ti e ngbanga ti nyen? Ayeke nzoni KOTA GBIA asara si kpale ni ati na ndö ti mo laso.” Tongaso azo ti Israel kue abo Akan na têne si afâ lo. Ala bo nga asewa ti lo na têne si ala gbi ala na wâ.