Galasii 5:11 - Mbeti ti Nzapa - Tënë so amu fini

¹¹ Ti mbi, a-ita, mbi ngba ti fa tënë na azo, mbi tene: “Alingbi ala fâ ganza?” Tongana mbi ngba fade ti sara ni, ngbanga ti nyen si azo ayeke sara ngangu na mbi? Tongana tënë ti ganza laa ayeke kota ye, tënë ti kuâ ti Christ na ndö ti keke ti kroa ayeke kiri ti so be ti zo tongana nyen?

Galasii 5:11 ပူးပေါင်းရင်းမြစ်များ

Ésaïe 8:14

Ndali ti akodro-gbia use ti Israel, lo yeke duti ndo so a zia ni nde ndali ti Nzapa, lo yeke duti têne so azo ayeke pika gere ti ala daa, kota têne so ayeke sara titene azo ati, gbanda na kuku ndali ti azo so alango na Jérusalem.

Awatokua 16:3

Paul aye ti mu Timothée ti gue na lo. Tongaso lo fâ lo na *ganza, ngbanga ti so azuife so kue ayeke kâ ahinga atene, babâ ti Timothée ayeke greke.

Awatokua 21:21

Ambeni zo atene na ala, atene: mo yeke fa na azuife so ayeke na popo ti ambeni mara nde titene ala zia lege ti ye so Moïse afa. Mo tene nga na ala, mo tene, ala fâ amolenge ti ala na *ganza pepe si ala zia ti sara aye ti akotara ti azuife.

Awatokua 21:28

Ala dekongo: “Azo ti Israel, ala ga hio si-oo! Lo laa, koli so ayeke fa ye na azo na ndo kue si fango ye ti lo ni ake azo ti Israel, ake *Ndia ti Moïse nga na kota da ti Nzapa so! Fadeso lo mu azo ti amara nde, lo li na ala na ya ti kota da ti Nzapa si lo sara titene da ni aga *sioni!”

1 Korente 1:18

Biani, tënë ti keke ti kroa so e yeke fa ayeke buba tënë na le ti azo so ayeke mu lege ti kuâ; me ti e so e yeke soo kuâ, tënë ni ayeke ngangu ti Nzapa.

1 Korente 1:23

Me ti e, e yeke fa tënë ti Christ so a fâ lo na ndö ti keke ti kroa. Na le ti azuife, tënë ni ayeke tongana mbeni ye so azo ayeke pika gere ti ala daa ti ti, na le ti agreke, tënë ni ayeke buba tënë.

1 Korente 15:30

Me ti e, ngbanga ti nyen laa na ngoi kue, e yeke gue na le ti kuâ so?

Galasii 2:3

Ataa Tite, mba ti mbi so mara ti lo ayeke greke, mbeni zo agbu lo na ngangu pepe titene lo fâ *ganza.

Galasii 3:1

Ala azo ti Galasii, so buba ti nyen? Zo wa laa aturne li ti ala, zo wa? Andaa, a fa na ala polele tënë ti kuâ ti Christ na ndö ti keke ti kroa!

Galasii 4:29

Ando, molenge so a du lo tongana ti so azo kue ayeke du na ni asara ngangu na molenge so a du lo na lege ti Yingo ti Nzapa. Laso, ye ni ayeke gi tongaso.

Galasii 6:12

Azo so ayeke gbu ala na ngangu titene ala fâ *ganza so, aye gi titene a gonda ala ndali ti ye so zo ayeke baa tongana kota ye. Azo ni aye gi ye oko: ala yeke kpe titene azo asara ngangu na ala ndali ti keke ti kroa ti Christ.

Galasii 6:17

Ti fadeso, alingbi mbeni zo akiri aso li ti mbi pepe! Biani, apeko ti ka so ayeke na tere ti mbi afa atene, mbi yeke zo ti Jésus.