Galasii 5:1 - Mbeti ti Nzapa - Tënë so amu fini

¹ Christ azi e awe titene e sigigi na gbe ti ngbaa biani. Tongaso, ala luti ngangu! Ala yeda titene a kiri na ala na gbe ti ngbaa pepe!

Galasii 5:1 ပူးပေါင်းရင်းမြစ်များ

Abia (Psaumes) 51:12

O Nzapa, mu na mbi be so avuru tarara; sara si mbi ga fini zo si mbi ngba lakue gi na lege ti mo.

Amato 23:23

Gi lege ti tene taa-tënë, ti wara ndara, nzoni wango na hingango ndo. Tongana mo wara ni awe, alingbi mo buba ni kirikiri pepe.

Ésaïe 61:1

Yingo ti Kota Gbia NZAPA ayeke na ndö ti mbi. Biani, *KOTA GBIA atuku mafuta na li ti mbi, lo tokua mbi ti fa nzoni tënë na awayere, ti kanga ka ti be ti azo so be ti ala afâ, ti tene na azo so a gbu ala na ngbaa atene, a zi ala awe, ti tene na azo ti kanga atene, ala yeke sigigi na ya ti kanga!

Matthieu 23:4

Ala kanga nengo kungba si ala zia ni na li ti azo; me ala wani, ala ye ti ndu kungba ni na maboko ti ala kete pepe.

Nzoni Tënë so Luc asu na mbeti 5:38

Me alingbi atuku fini vin na ya ti fini bozo.

Awatokua 15:10

Fadeso, ngbanga ti nyen laa ala ye ti gi yanga ti Nzapa na ziango mbeni kungba na li ti adisiple, kungba so akotara ti e na e wani, e yo ni gbaa so?

Rome 6:14

Biani, siokpari ayeke kiri ti sara komandema na ndö ti ala pepe, ngbanga ti so ala yeke na gbe ti *Ndia mbeni pepe, me na gbe ti nzoni be ti Nzapa.

Rome 6:18

Nzapa azi ala na gbe ti siokpari awe si ala ga angbaa ti sarango ye ti mbirimbiri.

Rome 7:3

Tongana wali ni amu mbeni koli nde na ngoi so koli ti lo ade na fini, fade azo ayeke iri lo wali ti gingo koli. Tongana koli ni akui awe, wali ni asigigi na gbe ti ndia ni awe; lo lingbi ti mu mbeni koli nde senge, azo alingbi ti iri lo wali ti gingo koli pepe.

Rome 7:6

Me fadeso, e sigigi na gbe ti Ndia awe, e yeke azo so akui awe ti sigigi na ya ti kanga ti Ndia si e yeke sara na Nzapa na fini kode so Yingo amu na e. E yeke kiri ti sara na Nzapa na ngbene kode pepe so Ndia ti Moïse amu na e.

Rome 8:15

Yingo so ala wara ayeke Yingo ti sarango ala na ngbaa pepe, Yingo ti ziango mbeto na be ti ala pepe, me Yingo so ayeke sara titene ala ga amolenge ti Nzapa. Na lege ti lo, e yeke dekongo na Nzapa, e tene: “Abba!”, so ti tene “Babâ!”

Rome 8:2

Biani, *Ndia ti Yingo ayeke mu fini na zo na lege ti gango so zo ni aga oko na Jésus Christ. Ndia ti Yingo ni azi mbi na gbe ti ndia ti siokpari nga na ti kuâ awe.

1 Korente 15:58

Tongaso, a-ita ti mbi so mbi ye ala mingi, ala luti ngangu, ye ayingi ala pepe! Ala ngba lakue na sarango kua ti Kota Gbia. Ayeke nzoni, ala hinga atene, kua so ala yeke sara na Kota Gbia, peko ni ayeke ngba senge pepe.

1 Korente 16:13

Le ti ala akpengba, ala gbu ngangu na lege ti mabe, ala duti tongana akoli, ala kpengba!

1 Korente 7:22

Biani, zo so ayeke ngbaa si Kota Gbia airi lo, andaa Kota Gbia azi lo na gbe ti ngbaa ni awe. Zo so ayeke ngbaa pepe si Kota Gbia airi lo, lo ga ngbaa ti Christ awe.

2 Korente 11:20

Azo ayeke sara ala na ngbaa, azo ayeke te ye ti ala, azo ayeke nzi ala, azo ayeke baa ala tongana ambumbuse zo, azo ayeke pika le ti ala, me ala yeke kanga be ti ala na ya ti aye so kue!

2 Korente 3:17

Andaa Kota Gbia ayeke Yingo; ndo so Yingo ti Kota Gbia ayeke daa, ye ti zingo zo na gbe ti ngbaa ayeke daa.

Galasii 2:4

Me ambeni ita ti mvene ali na popo ti e tongana azo ti nzi, ala ye titene a fâ Tite na ganza. Ala ga ti gi ti hinga lege ti dutingo ti e na peko ti so e sigigi na gbe ti ngbaa si e ga oko na Christ. Ala ye ti kiri ti sara e na ngbaa.

Galasii 3:25

Me fadeso, so ngoi ti mabe asi awe, e yeke na gbe ti Ndia mbeni pepe, Ndia so ayeke tongana zo ti bango ndo na ndö ti e so.

Galasii 4:26

Me Jérusalem ti yayu ayeke na gbe ti ngbaa pepe; Jérusalem so laa ayeke mama ti e.

Galasii 4:31

Tongaso, a-ita, wali so ayeke ngbaa so, e yeke amolenge ti lo pepe, me e yeke amolenge ti wali so ayeke ngbaa pepe so.

Galasii 4:9

Me fadeso ala hinga Nzapa awe – ti tene taa-tënë, Nzapa laa ahinga ala –. Ayingo so ayeke na ngangu pepe si ala yeke nga ye oko pepe so, ala ye ti kiri ti mu peko ti ayingo ni so tongana nyen? Ngbanga ti nyen si ala azo ti Nzapa, ala ye ti kiri ti ga angbaa ti ala?

Galasii 5:13

Ala a-ita, Nzapa airi ala titene ala sigigi na gbe ti ngbaa. Gi ye oko, ayeke nzoni sigingo na gbe ti ngbaa ni aga mbeni ye titene ala luti na ndö ni ti sara aye alingbi na asioni nzara ti be ti ala pepe. Me na lege ti ndoye, ala sara kua na amba ti ala na popo ti ala.

Efeze 6:14

Ala luti na nduzu! Ala kanga taa-tënë tongana kamba ti ndö ti bongo ti ala; ala yu sarango ye ti mbirimbiri tongana kazaka ti wen;

Filipe 1:27

Gi ye oko, ayeke nzoni lege ti dutingo ti ala alingbi na ti so Nzoni Tënë ti Christ afa. Tongaso, ataa mbi ga, mbi baa ala, ataa mbi ga pepe, me mbi ma atënë ti ala, fade mbi yeke hinga, mbi tene, ala ngba ti luti nganganga, tënë ti be ti ala kue ayeke gi oko si ala bongbi oko ti tiri ndali ti mabe so aga na lege ti Nzoni Tënë.

1 Tesalonike 3:8

Fadeso tere ti e akiri ayapu, ngbanga ti so ala ngba ti gbu ngangu na lege so ala ga oko na *Kota Gbia.

2 Tesalonike 2:15

Tongaso, a-ita, ala gbu ngangu, ala bata tënë so e fa na ala kozoni na yanga ti e wani, wala na ya ti mbeti so e tokua na ala.

Ahebro 10:23

Ye so e zia be ti e ti ku si e ngba ti tene tënë ni polele na le ti azo, ayeke nzoni be ti e awoko daa pepe, ngbanga ti so Nzapa ayeke bata tënë ti yanga ti lo si ye so lo mu zendo ti mungo ni, lo yeke mu ni.

Ahebro 3:14

Fadeso, e na Christ e yeke sara kua legeoko gi tongana kozo ye so e zia be ti e daa, e gbu ni ngangu ngbii asi na ndani.

Ahebro 3:6

Ti Christ, lo sara kua ni na legeni tongana Molenge ti Nzapa, lo yeke na komandema na ndö ti da ti Babâ ti lo. E laa e yeke da ni tongana e ngba ti zia be ti e na ndö ti ye so e yeke ku ni si e gonda tere ti e daa.

Ahebro 4:14

E yeke na kota wayango-sandaga so ahon atanga ni kue, lo gue ngbii lo si na le ti Nzapa kâ na yayu: ayeke Jésus, Molenge ti Nzapa. Nilaa, ayeke nzoni e gbu mabe ti e ngangu, mabe so e yeke fa tënë ni.

1 Pierre 2:16

Ala sara ye tongana azo so asigigi na gbe ti ngbaa; me alingbi sigingo ti ala na gbe ti ngbaa ni aga mbeni ye ti kanga ndö ti sarango sioni ye pepe, me ala sara ye tongana angbaa ti Nzapa.

2 Pierre 2:19

Ala yeke mu zendo na azo atene, fade ala yeke zi azo ni na gbe ti ngbaa. Andaa ala wani ayeke angbaa ti aye so ayeke gboto ala ti gue na ala na kuâ, ngbanga ti so zo ayeke ngbaa ti ye so nzara ni ahon ndö ti lo.

Jude 1:3

A-ita ti mbi so mbi ye ala mingi, mbi ye fade mingi ti su mbeti na ala na ndö ti tënë ti songo so Nzapa asoo e na ala kue so. Me mbeni ye apusu mbi ti su mbeti so ti mu ngangu na be ti ala titene ala tiri bira ti bata mabe so Nzapa amu na azo ti lo fani oko biani biani.

Aye so Nzapa afa 2:25

Gi ye oko, ye so ayeke na maboko ti ala, ala bata ni ngangu ti ku na gango ti mbi.

Aye so Nzapa afa 3:3

Mo dabe ti mo na tënë so a fa na mo si mo ma ni ando so. Sara ye alingbi na ni, zia ngbene lege ti sarango ye ti mo. Tongana mo zingo pepe, fade mbi yeke ga na tere ti mo tongana zo ti nzi, mo yeke hinga ngoi so mbi yeke ga na ni pepe.