Galasii 4:30 - Mbeti ti Nzapa - Tënë so amu fini

³⁰ Me tënë ti nyen laa Mbeti ti Nzapa atene? Mbeti ni atene: “Tumba wali so ayeke ngbaa so, lo na molenge ti lo kue! Biani, alingbi molenge ti wali so ayeke ngbaa so awara mosoro ti ya ti da legeoko pepe na molenge ti wali so ayeke ngbaa pepe so!”

Galasii 4:30 ပူးပေါင်းရင်းမြစ်များ

Jean 8:35

Ngbaa ayeke duti na ya ti da lakue lakue pepe. Taa molenge ti ya ti da laa ayeke duti lakue lakue na ya ti da ni.

Rome 11:2

Nzapa ake azo ti lo pepe, azo ti lo so lo soro ala kozoni so. Na ya ti Mbeti ti Nzapa, ala hinga pepe tënë ti Élie so adema tere ti lo na Nzapa ndali ti sarango ye ti azo ti Israel so? Lo tene:

Rome 4:3

Biani, Mbeti ti Nzapa atene: “Abraham azia be ti lo na Nzapa, nilaa Nzapa abaa lo tongana zo ti mbirimbiri na lege ti mabe ti lo.”

Galasii 3:22

Me Mbeti ti Nzapa atene, azo kue ayeke na gbe ti ngangu ti siokpari. Ndani laa, ye so Nzapa amu zendo ni, lo yeke mu ni na azo so ama na be na Jésus Christ, lo mu ni na ala ndali ti mabe ti ala.

Galasii 3:8

Mbeti ti Nzapa atene tënë ti ye ni so kozoni awe: fade Nzapa ayeke sara si azo ti amara nde ayeke ga mbirimbiri na le ti lo na lege ti mabe. Mbeti ni atene nzoni tënë so kozoni na Abraham, atene: “Na lege ti mo, fade Nzapa ayeke sara tufa na ndö ti amara kue.”

Galasii 4:22

Biani, a su na ya ti mbeti ti Ndia atene: Abraham ayeke na amolenge use; lo du oko na wali so ayeke ngbaa si lo du oko na wali so ayeke ngbaa pepe.

Galasii 4:31

Tongaso, a-ita, wali so ayeke ngbaa so, e yeke amolenge ti lo pepe, me e yeke amolenge ti wali so ayeke ngbaa pepe so.

Jacques 4:5

Tënë so Mbeti ti Nzapa atene: “Yingo so Nzapa azia na ya ti e, lo ye ni ngangu mingi”, ala baa ni tongana senge senge tënë pepe.