Galasii 4:11 - Mbeti ti Nzapa - Tënë so amu fini

¹¹ Mbeto ti ye so ala yeke sara so agbu mbi; so ti tene aye so kue mbi sara ngbanga ti ala so, peko ni ayeke ngba gi senge senge?

Galasii 4:11 ပူးပေါင်းရင်းမြစ်များ

Ésaïe 49:4

Ti mbi, mbi tene fade, mbi tene: “Mbi baa pasi na sarango kua senge senge, mbi hunzi ngangu ti mbi kue senge senge, ye ti peko ni oko ayeke daa pepe.” Andaa *KOTA GBIA laa ayeke baa lege ti nzoni fango ngbanga ti mbi, futa ti mbi ayeke na maboko ti Nzapa ti mbi.

Awatokua 16:6

Paul na Silas ahon hongo na asese ti Frizii na ti Galasii, ngbanga ti so Yingo-Vuru ake na ala ti fa tënë na sese ti Azii.

1 Korente 15:58

Tongaso, a-ita ti mbi so mbi ye ala mingi, ala luti ngangu, ye ayingi ala pepe! Ala ngba lakue na sarango kua ti Kota Gbia. Ayeke nzoni, ala hinga atene, kua so ala yeke sara na Kota Gbia, peko ni ayeke ngba senge pepe.

Galasii 2:2

Mbi gue kâ ndali ti so Nzapa afa na mbi ti gue. Kâ, na ya ti mbeni bongbi so mbi sara gi na azo ti li ti *Eglize, mbi fa na ala nda ti Nzoni Tënë so mbi yeke fa ka na popo ti azo ti amara nde. Mbi sara ni, ngbanga ti so mbi ye titene ye so mbi sara kozoni na ti so mbi yeke sara fadeso, peko ni angba senge pepe.

Galasii 4:10

Ala yeke mu ambeni lango, ambeni nze, ambeni ngoi nga na ambeni ngu tongana kota ye mingi na le ti ala!

Galasii 4:12

A-ita, mbi gbu gere ti ala, ala ga tongana mbi, tongana ti so mbi nga, mbi ga lani tongana ala. Lani ala sara sioni oko na mbi pepe.

Galasii 4:20

Mbi ye fade mingi ti duti nduru na tere ti ala, tongaso si mbi hinga lege ti tene tënë na ala. Me ti fadeso, mbi gi li ti mbi na ye so mbi lingbi ti sara na ala gbaa.

Filipe 2:16

Ala laa ayeke fa tënë so ayeke mu fini na zo. Tongaso, na lango ti kiringo ti Christ, fade tere ti mbi ayeke nzere ndali ti ala, ngbanga ti so akua ti mbi na pasi ti mbi, peko ni ayeke senge pepe!

1 Tesalonike 3:5

Ndani laa, so mbi lingbi ti kanga be ti mbi ti ku ngbii pepe, mbi tokua Timothée titene lo gue, lo hinga tënë na ndö ti mabe ti ala. Mbeto agbu mbi si mbi hunda tere ti mbi, mbi tene: wala Zabolo ahanda ala si akua so kue e sara so aga gi senge senge?

2 Jean 1:8

Ala sara hange! Tongaso, fade ye ti peko ti kua ti e agirisa na maboko ti ala pepe, me ala wara futa ti kua ti ala kue.