Galasii 3:8 - Mbeti ti Nzapa - Tënë so amu fini

⁸ Mbeti ti Nzapa atene tënë ti ye ni so kozoni awe: fade Nzapa ayeke sara si azo ti amara nde ayeke ga mbirimbiri na le ti lo na lege ti mabe. Mbeti ni atene nzoni tënë so kozoni na Abraham, atene: “Na lege ti mo, fade Nzapa ayeke sara tufa na ndö ti amara kue.”

Galasii 3:8 ပူးပေါင်းရင်းမြစ်များ

Tongo nda ti aye 12:3

Fade mbi yeke sara tufa na ndö ti azo so ayeke sara tufa na ndö ti mo. Mbi yeke deba zo so ayeke deba mo. Na lege ti mo, a yeke sara tufa na ndö ti azo ti asewa ti dunia kue.”

Tongo nda ti aye 18:18

Fade Abraham ayeke ga kotara ti mbeni kota mara so ayeke ngangu. Na lege ti lo, mbi yeke sara tufa na ndö ti azo ti amara ti ndö ti sese kue.

Tongo nda ti aye 22:18

A yeke sara tufa na ndö ti azo ti amara ti ndö ti sese kue na lege ti ahale ti mo, ngbanga ti so mo ma yanga ti mbi.”

Tongo nda ti aye 26:4

Mbi yeke sara titene ahale ti mo awu mingi tongana atongoro ti le ti nduzu; mbi yeke mu asese so kue na ala. Fade a yeke sara tufa na ndö ti amara ti ndö ti sese kue na lege ti ahale ti mo.

Tongo nda ti aye 28:14

Fade ahale ti mo ayeke wu mingi tongana fuku ti sese. Ala yeke mu ndö ti sese ni kue, na mbage ti Do, na mbage ti To, na mbage ti Banga, nga na mbage ti Mbongo. Fade a yeke sara tufa na ndö ti amara ti dunia kue na lege ti mo, na ahale ti mo.

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

Abia (Psaumes) 72:7

Na ngoi so lo ngba ti le-gbia, ayeke nzoni sarango ye ti mbirimbiri angba ti mai na ndo kue, nzoni duti asi singo na ngoi so kue nze angba ti su!

Ésaïe 6:13

Tongana zo oko na popo ti azo baleoko angba na ya ti kodro ni, fade a yeke gbi lo na wâ tongana keke ti shene wala ti terebente so a de na sese. Me nduru gere ni na agunda ni angba si ayeke tongana ngoangoa so ayeke nde si ayeke nzoni kue.”

Ésaïe 65:9

Fade mbi yeke mu *ahale na azo ti Jacob, mara ti Juda. Ala yeke mu ahoto ti mbi ti ga ye ti ala; ala so mbi soro ala, ala yeke mu ni titene aga ye ti ala, azo ti kua ti mbi ayeke duti kâ.

Jérémie 4:2

Tongana mo deba yanga ti mo na lege ti taa-tënë nga na lege ti tënë so ayeke na legeni si ayeke mbirimbiri, mo tene: ‘KOTA GBIA ayeke na fini’, fade amara nde ayeke sara tufa na ndö ti ala wani na lege ti lo si ala yeke pika kate ti ala ndali ni.

Jean 19:37

Mbeni tënë so a su ayeke so: “Lo so ala kpo lo so, fade azo ayeke baa lo.”

Jean 7:38

Zo so ama na be na mbi, ‘fade ngu so ayeke mu fini na zo ayeke londo na be ti lo ti sua’, tongana ti so Mbeti ti Nzapa afa tënë ni.”

Jean 7:42

Mbeti ti Nzapa atene: ‘Fade Mesii ni ayeke *hale ti David. Lo yeke londo ande na Betlehem, kodro ti David si lo yeke ga.’”

Awatokua 2:35

ngbii mbi sara titene awato ti mo aga tongana mbata ti gbe ti gere ti mo si.’

Rome 9:17

Na ya ti Mbeti ti Nzapa, Nzapa atene na Faraon: “Taa ye so mbi mu mo ti ga gbia ndali ni ayeke titene mbi fa ngangu ti mbi na lege ti mo si azo agonda iri ti mbi na ndö ti sese kue.”

Rome 9:30

Tongaso, fade e yeke tene nyen? Fadeso azo ti amara nde aga mbirimbiri na le ti Nzapa awe ndali ti so ala ma na be. Andaa titene ala ga mbirimbiri, ala gi ando lege ni pepe.

Galasii 3:16

Legeoko nga, Nzapa amu azendo na Abraham na *hale ti lo. Mbeti ti Nzapa atene tënë ti “ahale ti lo” pepe; a tene tënë ti azo mingi pepe, gi tënë ti zo oko: “na hale ti mo”, so ti tene Christ.

Galasii 3:22

Me Mbeti ti Nzapa atene, azo kue ayeke na gbe ti ngangu ti siokpari. Ndani laa, ye so Nzapa amu zendo ni, lo yeke mu ni na azo so ama na be na Jésus Christ, lo mu ni na ala ndali ti mabe ti ala.

Galasii 4:30

Me tënë ti nyen laa Mbeti ti Nzapa atene? Mbeti ni atene: “Tumba wali so ayeke ngbaa so, lo na molenge ti lo kue! Biani, alingbi molenge ti wali so ayeke ngbaa so awara mosoro ti ya ti da legeoko pepe na molenge ti wali so ayeke ngbaa pepe so!”

Ahebro 4:2

Biani, e nga, e ma Nzoni Tënë tongana ti so akotara ti e ama ni ando so. Me Nzoni Tënë ni asara ye oko na ala pepe, ngbanga ti so azo so ama tënë ni, ala ma na be na ni pepe.

Aye so Nzapa afa 11:15

Mbarambara *ange ni ahuru tatalita ti lo. Mbi ma akota go so alondo na yayu, atene: “Fadeso lengo-gbia ayeke ti *Kota Gbia ti e, lo na *Mesii ti lo; fade lo yeke le-gbia kpu na kpu!”