Galasii 3:22 - Mbeti ti Nzapa - Tënë so amu fini

²² Me Mbeti ti Nzapa atene, azo kue ayeke na gbe ti ngangu ti siokpari. Ndani laa, ye so Nzapa amu zendo ni, lo yeke mu ni na azo so ama na be na Jésus Christ, lo mu ni na ala ndali ti mabe ti ala.

Galasii 3:22 ပူးပေါင်းရင်းမြစ်များ

Abia (Psaumes) 143:2

Mbi yeke zo ti kua ti mo, fâ ngbanga na li ti mbi pepe, ngbanga ti so na le ti mo, zo ti mbirimbiri ayeke daa pepe.

Marc 16:16

Zo so ama na be si awara bateme, fade lo yeke soo kuâ, me zo so ama na be pepe, fade a yeke fâ ngbanga na li ti lo.

Jean 12:46

Mbi so mbi yeke lumiere, mbi ga na ndö ti dunia so. Tongaso, zo so ama na be na mbi, lo yeke ngba na ya ti vukongo ndo pepe.

Jean 20:31

Me ti ambeni ye ti kpene so a su tënë ni na mbeti so, a su ni titene ala ma na be so, Jésus ayeke *Mesii, Molenge ti Nzapa. Tongana ala ma na be, fade ala yeke duti na fini na lege ti lo.

Jean 3:36

Zo so ama na be na Molenge ni, lo yeke na fini so angba lakue lakue; zo so ake ti ma na be na Molenge ni, fade lo yeke na fini so pepe, me ngonzo ti Nzapa angba na ndö ti lo.”

Jean 5:24

“Biani, mbi tene na ala taa-tënë: zo so ama tënë ti mbi si lo ma na be na lo so atokua mbi, lo yeke na fini so angba lakue lakue. A yeke fâ ngbanga na li ti lo pepe, me lo sigigi na ya ti kuâ awe si lo yeke na fini.

Jean 6:40

Ye so be ti Babâ ti mbi aye ayeke so: zo so kue abaa Molenge ni si ama na be na lo, lo yeke na fini so angba lakue lakue; fade mbi, mbi yeke zingo lo na kuâ na lango ti ndani.”

Awatokua 16:31

Ala kiri tënë na lo: “Mo ma na be na *Kota Gbia Jésus si fade mo yeke soo kuâ, mo na azo ti da ti mo kue.”

Rome 10:9

Tongana mo tene na yanga ti mo wani, mo tene: “Jésus ayeke *Kota Gbia” si mo ma na be so Nzapa azingo lo na popo ti akuâ, fade mo yeke soo kuâ.

Rome 11:32

Biani, Nzapa asara si azo kue aga azo ti kanga ndali ti kengo yanga, tongaso si lo baa mawa ti azo kue.

Rome 3:22

Nzapa asara si azo aga mbirimbiri na le ti lo na lege so ala ma na be na Jésus Christ. Lo sara ni ndali ti azo so kue ama na be na Christ, ngbanga ti so kangbi ayeke na popo ti ala pepe:

Rome 3:23

azo kue asara siokpari awe, ala lingbi ti baa gonda ti Nzapa pepe.

Rome 5:12

Siokpari aga na ndö ti dunia so na lege ti zo oko, Adam, si na lege ti siokpari, kuâ aga. Tongaso kuâ amu azo kue, ngbanga ti so azo kue asara siokpari awe.

Galasii 3:14

Christ asara tongaso titene anzoni ye so Nzapa amu zendo ni na Abraham so, azo ti amara nde nga awara ni na lege ti Christ. Tongaso na lege ti mabe, e wara Yingo so Nzapa amu zendo ni.

Galasii 3:17

Tënë so mbi ye ti tene ayeke so: Nzapa asara *mbuki na popo ti lo na Abraham, lo leke gere ti mbuki ni mbirimbiri. Ngu ngbangbo osio na baleota na pekoni si *Ndia abaa gigi. Ndia alingbi ti mingo ngangu ti mbuki ni pepe si peko ti zendo ti Nzapa aga senge ye pepe.

Galasii 3:23

Kozo titene ngoi ti mabe asi, e yeke lani tongana azo ti kanga na gbe ti Ndia ti ku ngoi so Nzapa ayeke sara titene e hinga tënë ti mabe.

Galasii 3:29

Tongana ala yeke azo ti Christ, andaa ala yeke *ahale ti Abraham, ala yeke wara ande ye so Nzapa amu zendo ni.

2 Timothée 1:1

Mbi Paul, so Nzapa ayeda ti mu mbi tongana *watokua ti Jésus Christ titene mbi fa tënë ti fini so Nzapa amu zendo ni na e si e wara ni na lege so e ga oko na Jésus Christ.

Ahebro 9:15

Ndani laa, Christ ayeke zo ti lekengo songo na popo ti azo na Nzapa na lege ti mbeni fini mbuki. Azo so Nzapa airi ala alingbi ti wara anzoni ye so ayeke ngba ande lakue lakue, aye so Nzapa amu zendo ni. Azo ni so alingbi ti wara aye ni, ngbanga ti so Christ akui awe si na lege ti kuâ ti lo, azo so asara siokpari na ndembe so ala ngba na gbe ti kozo mbuki, lo lingbi ti zi ala na ya ti siokpari.

2 Pierre 1:4

Na lege ti aye ni, Nzapa amu na e anzoni ye ti kota ngere so lo mu ando zendo ni na e. Tongaso, ala yeke kpe lege ti sioni nzara ti sarango aye ti dunia so, asioni ye so ayeke buba azo ti dunia so si dutingo ti ala akpa ti Nzapa.

2 Pierre 3:13

Me e yeke ku fini yayu na fini sese so Nzapa amu zendo ni; fade sarango ye ti mbirimbiri laa ayeke duti kâ.

1 Jean 2:25

Ye so Christ amu zendo ti mu na e ayeke fini so angba lakue lakue.