Galasii 3:19 - Mbeti ti Nzapa - Tënë so amu fini

¹⁹ Tongaso, kua ti Ndia ayeke nyen? Nzapa azia Ndia na tere ti mbuki ni titene e hinga ye so ake Ndia. Nzapa amu Ndia ti ku na gango ti hale ti Abraham, lo so Nzapa amu zendo ti mungo ye ni na lo. *A-ange laa amu Ndia ni aga na ni na azo si mbeni zo ayeke walekengo-songo.

Galasii 3:19 ပူးပေါင်းရင်းမြစ်များ

Awatokua 7:53

Ataa so ala wara ando *Ndia ti Nzapa na lege ti *a-ange, ala sara ye alingbi na Ndia ni pepe!”

Ahebro 2:2

Tënë so Nzapa afa ando na lege ti *a-ange, aga taa-tënë. Azo so kue ake tënë ni, wala ala so aye ti ma ni pepe, Nzapa afâ ngbanga na li ti ala alingbi mbirimbiri na ye so ala sara.

Galasii 3:16

Legeoko nga, Nzapa amu azendo na Abraham na *hale ti lo. Mbeti ti Nzapa atene tënë ti “ahale ti lo” pepe; a tene tënë ti azo mingi pepe, gi tënë ti zo oko: “na hale ti mo”, so ti tene Christ.

Rome 4:15

Biani, Ndia ayeke sara si Nzapa asara ngonzo; me ndo so Ndia ayeke daa pepe, tënë ti kengo Ndia ayeke nga daa pepe.

Rome 2:13

Azo so ama tënë ti Ndia gi na mê ti ala aga nzoni na le ti Nzapa pepe, me azo so asara ye alingbi na tënë ti Ndia ni laa aga nzoni na le ti lo.

Awatokua 7:38

Na ndembe so azo ti Israel abongbi tere na benyama, Moïse laa ayeke ando zo ti tokua na popo ti ange so atene tënë na lo na ndö ti hoto ti Sinai nga na akotara ti e; lo laa lo wara atënë so ayeke mu fini na zo titene lo fa ni na e.

Jean 15:22

Tongana mbi ga fade pepe si mbi tene tënë na azo ni pepe, ka siokpari ayeke na li ti ala pepe. Me fadeso, ala yeke na mbeni tënë ti kiri na ni pepe ndali ti siokpari ti ala.

Ndia ti fani use ni 5:5

Na ngoi ni so, mbi luti na popo ti ala na KOTA GBIA ti tene na ala peko ti atënë ti KOTA GBIA. Biani, ala sara mbeto ti wâ ni si ala ma na li ti hoto ni pepe. KOTA GBIA atene:

Jean 1:17

Nzapa amu ando *Ndia na e na lege ti Moïse, me nzoni be na taa-tënë aga na lege ti Jésus Christ.

Ahebro 2:5

Biani, dunia so ayeke ga ande si e yeke tene tënë ni so, *a-ange laa Nzapa azia ni na gbe ti ala pepe.

Nzoni Tënë so Luc asu na mbeti 16:31

Abraham atene: ‘So ala ma Moïse na awayanga-Nzapa pepe so, tongana mbeni zo azingo na kuâ si ague, atene tënë na ala, ala lingbi ti yeda nga pepe.’ ”

Abia (Psaumes) 106:23

Nilaa Nzapa atene, fade lo yeke fâ ala ti hunzi ala, me Moïse, zo so lo soro lo, aluti na le ti Nzapa ti sara si ngonzo ti lo akai si lo fâ ala pepe.

Ndia ti fani use ni 33:2

Lo tene: “*KOTA GBIA alondo na hoto ti Sinai si aga. Tongana ti so lâ ayeke sigigi, lo sigigi ndali ti azo ti lo na sese ti Seir kâ. So lo ngba kâ na hoto ti Paran, lo su na ndö ti azo ti lo. *A-ange gbani gbani amu peko ti lo si lo na ala aga; lo gbu na ya ti maboko ti lo ti koli ndia so ayeke za tongana menga ti wâ.

Awayango-sandaga 15:32

So ayeke ndia ndali ti zo so mbeni sioni kobela ayeke yuru na lege ti tere ti lo, zo so ngu ti tere ti lo ti koli ayeke yuru, asara si lo ga *sioni.