Galasii 2:7 - Mbeti ti Nzapa - Tënë so amu fini

⁷ Me ala hinga atene, Nzapa amu na mbi Nzoni Tënë ti fa na azo ti amara nde, tongana ti so lo mu ni na Pierre ti fa na azuife so.

Galasii 2:7 ပူးပေါင်းရင်းမြစ်များ

Awatokua 15:12

Azo ti ya ti bongbi ni kue aduti kpoo. Na pekoni, ala ma Barnabas na Paul so ayeke fa peko ti aye ti dongo be na aye ti kpene so Nzapa asara na azo ti amara nde na lege ti ala.

Awatokua 18:6

Me so ala ke tënë ni si ala zonga lo, lo pika sese ti tere ti bongo ti lo na ala si lo tene: “Ayeke nzoni mene ti ala angba na li ti ala wani; ngbanga ti mbi ayeke daa pepe. Fadeso, mbi yeke gue na mbage ti azo ti amara nde.”

Awatokua 28:28

Paul akiri atene: “Ayeke nzoni ala hinga atene, Nzapa atokua tënë ti songo zo na kuâ na azo ti amara nde. Ti azo ni so, fade ala yeke ma tënë ni!” [

Awatokua 9:15

Me Kota Gbia atene na lo: “Gue, ngbanga ti so mbi soro koli so ti sara kua ti mbi, ti sara si amara nde, na agbia na azo ti Israel ahinga iri ti mbi.

Rome 1:5

Na lege ti lo, Nzapa asara nzoni be na mbi si mbi ga watokua ndali ti iri ti Christ, ti sara si azo ti dunia kue ama na be na Jésus Christ si ala sara ye alingbi na tënë ti lo.

Rome 11:13

Ala so ayeke azo ti amara nde, fadeso mbi yeke tene tënë na ala: mbi wani, mbi yeke *watokua ti azo ti amara nde. Mbi yeke gonda kua ti mbi ni,

1 Korente 9:17

Tongana mbi wani laa mbi soro fade ti sara kua ni so, ka alingbi ti futa mbi. Me a hunda na mbi na ngangu ti sara kua ni, ngbanga ti so Nzapa laa azia ni na maboko ti mbi.

Galasii 1:16

ti fa Molenge ti lo na mbi titene mbi hinga lo si mbi fa Nzoni Tënë ti lo na azo ti amara nde, mbi hunda wango na mbeni zo pepe.

Galasii 1:18

Ngu ota na pekoni, mbi gue na Jérusalem ti baa Pierre titene e na lo, e hinga tere. Mbi ngba na ndo ti lo lango baleoko na oku.

Galasii 1:6

Mbi gi li ti mbi gbaa na ye so ala sara so: gi hio tongaso, ala zia lege ti lo so airi ala na lege ti nzoni be ti Christ so awe ti mu peko ti mbeni nzoni tënë nde!

Galasii 2:11

Me na ndembe so Pierre asi na Antioshe, mbi ke tënë na le ti lo polele, ndali ti so lo sara ye na legeni pepe.

Galasii 2:14

So mbi baa ala yeke sara ye mbirimbiri alingbi na Nzoni Tënë pepe, mbi tene na Pierre na le ti azo kue, mbi tene: “Mo so mo yeke zuife, mo yeke sara ye tongana azo ti amara nde, mo yeke sara ye tongana zuife pepe. Asara tongana nyen si mo yeke gbu azo ti amara nde na ngangu titene ala sara ye tongana azuife so?”

Galasii 2:9

Jacques, Pierre na Jean, so azo ti Christ abaa ala tongana akota zo, ahinga atene, Nzapa amu kua so na mbi biani. Ndani laa, ala bara mbi na Barnabas ti fa atene, e na ala e yeke na beoko. E ma tere so fade e yeke gue ti e na mbage ti azo ti amara nde, ala yeke gue ti ala na mbage ti azuife.

1 Tesalonike 2:4

Me e yeke fa tënë ni tongana ti so be ti Nzapa aye, ngbanga ti so lo tara e awe si lo mu na e kua ti fango Nzoni Tënë. E yeke gi lege ti zia ngia na be ti azo pepe, me ti zia ngia na be ti Nzapa, lo so lo yeke tara be ti e.

1 Timothée 1:11

Tënë so alingbi na Nzoni Tënë so Nzapa azia na maboko ti mbi; tënë ni ayeke tënë ti Nzapa, lo so alingbi na gonda si azo ayeke tene nzoni tënë ti lo.

1 Timothée 2:7

Ndali ti tënë so, Nzapa azia mbi zo ti fango tënë nga *watokua ti lo. Mbi yeke nga zo ti fango nda ti tënë ti mabe na azo ti amara nde si mbi yeke fa nga nda ti taa-tënë. Mbi yeke tene taa-tënë, mbi yeke tene mvene pepe.

2 Timothée 1:11

Ndali ti fango Nzoni Tënë so laa Nzapa azia mbi *watokua na zo ti fango nda ti tënë ti lo na azo.

2 Pierre 3:15

Ala hinga atene, tongana Kota Gbia angba ti kanga be ti lo ti ku ngbii, andaa lo yeke zia na ala ngoi titene ala soo kuâ. Ita ti e Paul so e ye lo mingi, asu nga na ala tënë so na mbeti na lege ti ndara so Nzapa amu na lo.