Galasii 2:2 - Mbeti ti Nzapa - Tënë so amu fini

² Mbi gue kâ ndali ti so Nzapa afa na mbi ti gue. Kâ, na ya ti mbeni bongbi so mbi sara gi na azo ti li ti *Eglize, mbi fa na ala nda ti Nzoni Tënë so mbi yeke fa ka na popo ti azo ti amara nde. Mbi sara ni, ngbanga ti so mbi ye titene ye so mbi sara kozoni na ti so mbi yeke sara fadeso, peko ni angba senge pepe.

Galasii 2:2 ပူးပေါင်းရင်းမြစ်များ

Zo ti bongbingo azo 10:1

Kuâ ti avuma so ati na ya ti mafuta ti zo ti sarango yombo asara si mafuta ni abuba si akpi. Kete buba ye ayeke buba ndara ti zo na nengo ti zo.

Matthieu 10:16

“Ala baa, mbi yeke tokua ala tongana ataba na popo ti ambo ti ngonda. Ayeke nzoni le ti ala akpengba tongana ti angbo si ala duti tongana *ambipa so ayeke sara ngangu na zo pepe.

Awatokua 15:12

Azo ti ya ti bongbi ni kue aduti kpoo. Na pekoni, ala ma Barnabas na Paul so ayeke fa peko ti aye ti dongo be na aye ti kpene so Nzapa asara na azo ti amara nde na lege ti ala.

Awatokua 15:2

Paul na Barnabas ake tënë ti azo ni si papa alondo na popo ti ala ngangu mingi. Tongaso azo ti *Eglize ni abaa so, ayeke nzoni titene Paul na Barnabas na ambeni zo ague na Jérusalem ti baa *awatokua na *akangba ndali ti tënë ni.

Awatokua 15:4

So ala si na Jérusalem, azo ti Eglize, awatokua na akangba ayamba ala. Paul na Barnabas afa na ala peko ti aye so kue Nzapa asara na lege ti ala.

Awatokua 18:9

Na mbeni bi, Kota Gbia asi na Paul na ya ti mbeni ye tongana bango-li si lo tene na lo: “Sara mbeto pepe, ngba gi na fango tënë ni, mo kai pepe,

Awatokua 23:11

Na bi ni, *Kota Gbia aluti na tere ti Paul si lo tene na lo: “Gbu ngangu! Mo fa awe peko ti ye so mo hinga na ndö ti mbi na Jérusalem. Alingbi mo sara nga tongaso na Rome.”

Awatokua 5:34

Me mbeni *farizien ayeke na popo ti azo ti fango ngbanga ni, iri ti lo Gamaliel. Lo yeke wafango-ndia si azo kue aye tënë ti lo mingi. Lo londo si lo hunda titene a sigigi na awatokua ni kete si.

Rome 9:16

Nzapa ayeke sara nzoni be na zo ndali ti ye so zo ni wani aye pepe wala ndali ti ngangu so zo ni ayeke sara pepe, me Nzapa ayeke sara nzoni be na zo ndali ti so lo baa mawa ti lo.

1 Korente 1:23

Me ti e, e yeke fa tënë ti Christ so a fâ lo na ndö ti keke ti kroa. Na le ti azuife, tënë ni ayeke tongana mbeni ye so azo ayeke pika gere ti ala daa ti ti, na le ti agreke, tënë ni ayeke buba tënë.

1 Korente 2:2

Biani, so mbi yeke na popo ti ala, mbi ye ti hinga mbeni ye nde pepe, gi Jésus Christ oko, Jésus Christ so a fâ lo na ndö ti keke ti kroa.

1 Korente 9:24

Ala hinga pepe? Na lando ti awanguru, azo ti kpengo loro kue laa ayeke kpe loro ni, me gi zo oko laa ayeke wara kangu ti wen! Ala kpe loro na lege so ala lingbi ti wara kangu ti wen.

1 Korente 9:26

Ndani laa mbi yeke kpe loro, le ti mbi angba gi na ndö ti ye so mbi ye ti wara. Mbi yeke tongana zo ti kpongo gobo so ayeke pika ya ti pupu pepe.

2 Korente 12:1

Alingbi mbi gonda tere ti mbi, ataa so zo alingbi ti wara ye daa pepe. Me mbi ye ti tene tënë ti aye so *Kota Gbia afa na mbi na ya ti mbeni ye tongana bango-li si lo sara titene mbi hinga ni.

Galasii 1:12

Mbeni zo laa afa Nzoni Tënë ni na mbi pepe, mbeni zo nga laa afa nda ti Nzoni Tënë ni na mbi pepe, me Jésus Christ wani laa asara si mbi hinga ni.

Galasii 1:16

ti fa Molenge ti lo na mbi titene mbi hinga lo si mbi fa Nzoni Tënë ti lo na azo ti amara nde, mbi hunda wango na mbeni zo pepe.

Galasii 1:6

Mbi gi li ti mbi gbaa na ye so ala sara so: gi hio tongaso, ala zia lege ti lo so airi ala na lege ti nzoni be ti Christ so awe ti mu peko ti mbeni nzoni tënë nde!

Galasii 2:6

Ambeni zo ayeke daa so a baa ala tongana akota zo. – Ataa ala yeke lani kota wala ala yeke kota pepe, ngbanga ti mbi ayeke daa pepe, Nzapa ayeke gonda zo ndali ti le ti zo ni pepe. – Akota zo so agbu mbi na ngangu pepe titene mbi sara mbeni ye nde.

Galasii 2:9

Jacques, Pierre na Jean, so azo ti Christ abaa ala tongana akota zo, ahinga atene, Nzapa amu kua so na mbi biani. Ndani laa, ala bara mbi na Barnabas ti fa atene, e na ala e yeke na beoko. E ma tere so fade e yeke gue ti e na mbage ti azo ti amara nde, ala yeke gue ti ala na mbage ti azuife.

Galasii 5:7

Kozoni, ala to nda ti sara ye nzoni mingi! Zo wa laa akanga lege na ala si ake na ala ti sara ye alingbi na taa-tënë, zo wa?

Filipe 2:16

Ala laa ayeke fa tënë so ayeke mu fini na zo. Tongaso, na lango ti kiringo ti Christ, fade tere ti mbi ayeke nzere ndali ti ala, ngbanga ti so akua ti mbi na pasi ti mbi, peko ni ayeke senge pepe!

Filipe 2:29

Na lege ti gango so ala ga oko na *Kota Gbia, ayeke nzoni ala yamba lo na ngia mingi. Ala ne amara ti azo tongaso,

1 Tesalonike 3:5

Ndani laa, so mbi lingbi ti kanga be ti mbi ti ku ngbii pepe, mbi tokua Timothée titene lo gue, lo hinga tënë na ndö ti mabe ti ala. Mbeto agbu mbi si mbi hunda tere ti mbi, mbi tene: wala Zabolo ahanda ala si akua so kue e sara so aga gi senge senge?

2 Timothée 4:7

Mbi tiri nzoni bira na legeni, mbi si na nda ti lege ni awe, mbi bata lege ti mabe.

Ahebro 12:1

So gba ti azo so asara ando ye na lege ti mabe ti ala ayeke ngoro e, ayeke nzoni e nga, e zi na ndö ti e akungba so kue ayeke sara si e tambula gbaa so, e zia nga lege ti siokpari so ayeke gbu e hio hio na ya ti gbanda ti lo. E kpe loro ti mandako so e yeke na ya ni so ngangu, e zia lege ni pepe.