Galasii 1:9 - Mbeti ti Nzapa - Tënë so amu fini

⁹ E tene tënë so na ala kozoni awe, mbi yeke kiri na ndö ni: tongana mbeni zo afa na ala mbeni nzoni tënë nde na ti so ala ma kozoni, ayeke nzoni Nzapa adeba lo!

Galasii 1:9 ပူးပေါင်းရင်းမြစ်များ

Amato 30:6

Mo zia mbeni tënë na ndö ti atënë ti lo pepe. Tongaso pepe, fade lo yeke suku na mo si lo yeke baa mo tongana zo ti mvene.

Jérémie 23:16

Tënë so *KOTA GBIA so ayeke na ndö ti dunia kue atene ayeke so: “Atënë so awayanga-Nzapa ni ayeke tene na ala na iri ti mbi so, ala ma ni pepe, ala yeke handa ala handango. Atënë so awayanga-Nzapa ni ayeke fa na ala so, atënë ni alondo na li ti ala wani, alondo na yanga ti mbi, KOTA GBIA pepe.

Awatokua 18:23

So lo lango kete na ndo so awe, lo londo si lo hon na ya ti sese ti Galasii na ti Frizii ti mu wango so alingbi ti kpengba adisiple kue.

Rome 16:17

A-ita, ye so mbi hunda na ala mingi ayeke so: ala sara hange na azo so ayeke ga na tënë ti kangbi nga na tënë so asara si azo ati na ya ti siokpari; azo ni azia lege ti tënë so e fa na ala so awe. Ala zia lege ti azo ni so,

Rome 9:3

Ti be ti mbi, mbi ye fade titene Nzapa adeba mbi si mbi wani, mbi kangbi na Christ ndali ti a-ita ti mbi so ayeke azo ti mara ti mbi.

2 Korente 1:17

So mbi leke na be ti mbi tënë ti tambula so, mbi mu tënë ni tongana tënë ti ngia? Wala aye so mbi leke na be ti mbi ti sara so, mbi leke ni na lege ti anzara ti be ti mbi si gi mbi oko so, mbeni be ti mbi atene: “een” si mbeni be ti mbi atene: “ên-en”?

Ndia ti fani use ni 4:2

Tënë so mbi yeke fa na ala, alingbi ala zia mbeni tënë na ndö ni pepe, ala zi nga mbeni tënë na ya ni pepe; me alingbi ala sara ye alingbi na atënë kue ti yanga ti KOTA GBIA Nzapa ti ala.

Filipe 3:1

Tongaso, a-ita ti mbi, na lege ti gango so ala ga oko na *Kota Gbia, ayeke nzoni ala duti na ngia. Titene mbi kiri mbi su na ala atënë so mbi tene kozoni awe so, mbi yeke sara ni senge; so si asara titene ala kpengba.

Filipe 4:4

Ala duti na ngia lakue, ngbanga ti so ala ga oko na *Kota Gbia awe! Mbi kiri mbi tene: ala duti na ngia!