Galasii 1:8 - Mbeti ti Nzapa - Tënë so amu fini

⁸ Tongana mbeni zo afa na ala mbeni nzoni tënë nde na ti so e fa na ala kozoni, ataa ayeke e wani wala mbeni *ange so alondo na yayu, ayeke nzoni Nzapa adeba lo!

Galasii 1:8 ပူးပေါင်းရင်းမြစ်များ

Tongo nda ti aye 9:25

lo tene: “Deba aga na li ti Kanaan! Fade lo yeke ga ndangba ti angbaa ti a-ita ti lo!”

1 Agbia 13:18

Wayanga-Nzapa ni atene na lo: “Mbi nga, mbi yeke wayanga-Nzapa tongana mo. Andaa mbeni *ange atene na mbi peko ti tënë ti yanga ti KOTA GBIA, atene: ‘Mu lo, mo ga na lo na da ti mo, lo te kobe, lo nyon ngu.’ ” Andaa mvene laa lo tene.

Néhémie 13:25

Mbi suku na azuife ni si mbi deba ala. Mbi pika ambeni zo na popo ti ala si mbi gboto kua ti li ti ala. Na pekoni, mbi tene na ala ti deba yanga ti ala na iri ti Nzapa ti kiri ti mu amolenge ti ala ti wali pepe na awande. Ala nga, alingbi ala mu awali wande pepe ti ga wali ti ala wani wala ti amolenge ti ala ti koli.

Jérémie 23:16

Tënë so *KOTA GBIA so ayeke na ndö ti dunia kue atene ayeke so: “Atënë so awayanga-Nzapa ni ayeke tene na ala na iri ti mbi so, ala ma ni pepe, ala yeke handa ala handango. Atënë so awayanga-Nzapa ni ayeke fa na ala so, atënë ni alondo na li ti ala wani, alondo na yanga ti mbi, KOTA GBIA pepe.

Jérémie 23:36

Me alingbi ala kiri atene pepe: ‘Nengo kungba so KOTA GBIA azia na ndö ti zo tongaso laa’. Tënë ti KOTA GBIA alingbi ti duti mbeni nengo kungba na ndö ti zo? Oko pepe! Me tongana ala tene tënë tongaso, andaa ala yeke ba ya ti tënë ti Nzapa so ayeke na fini, KOTA GBIA so ayeke na ndö ti dunia kue, Nzapa ti e.

Matthieu 25:41

“Na pekoni, fade Gbia ni ayeke tene na azo so ayeke na mbage ti maboko ti lo ti wali: ‘Ala hon yongoro na tere ti mbi, ala so Nzapa adeba ala awe so! Ala gue na ya ti kota wâ so ayeke gbi lakue lakue, so a leke ni ndali ti Zabolo na *a-ange ti lo.

Marc 14:71

Tongaso Pierre ato nda ti deba yanga ti lo, atene: “Ayeke nzoni Nzapa afâ ngbanga na li ti mbi tongana mbi tene mvene! Mbi hinga koli so ala yeke tene tënë ti lo so pepe!”

Awatokua 23:14

Ala gue, abaa akota wayango-sandaga na *akangba si ala tene: “E deba yanga ti e na le ti azo kue titene e te kobe wala e nyon nga ngu pepe ngbii e fâ Paul si.

Rome 16:17

A-ita, ye so mbi hunda na ala mingi ayeke so: ala sara hange na azo so ayeke ga na tënë ti kangbi nga na tënë so asara si azo ati na ya ti siokpari; azo ni azia lege ti tënë so e fa na ala so awe. Ala zia lege ti azo ni so,

Rome 9:3

Ti be ti mbi, mbi ye fade titene Nzapa adeba mbi si mbi wani, mbi kangbi na Christ ndali ti a-ita ti mbi so ayeke azo ti mara ti mbi.

1 Korente 12:3

Ndani laa, mbi tene na ala: zo so Yingo ti Nzapa ayeke tene tënë na lege ti lo, lo lingbi ti tene sioni tënë na iri ti Jésus pepe. Tongana Yingo-Vuru ayeke na zo pepe, zo ni alingbi ti tene pepe: “Jésus ayeke *Kota Gbia”.

1 Korente 16:22

Tongana mbeni zo aye *Kota Gbia pepe, ayeke nzoni a deba lo! Maranata! – Kota Gbia, mo ga! –

Galasii 1:9

E tene tënë so na ala kozoni awe, mbi yeke kiri na ndö ni: tongana mbeni zo afa na ala mbeni nzoni tënë nde na ti so ala ma kozoni, ayeke nzoni Nzapa adeba lo!

Galasii 3:10

Me azo so azia be ti ala gi na ndö ti sarango aye alingbi na Ndia, deba ti Nzapa ayeke na li ti ala. Biani, Mbeti ti Nzapa atene: “Deba aga na li ti zo so asara ye pepe alingbi na atënë kue ti ya ti mbeti ti Ndia!”

Galasii 3:13

Christ afuta kota ngere ti zi e na gbe ti deba awe. Deba so Ndia aga na ni na li ti e, lo yo deba ni na li ti lo wani ndali ti e. Biani, Mbeti ti Nzapa atene: “Zo so a kanga lo na nduzu na ndö ti keke, deba ayeke na li ti lo.”

Tite 3:10

Zo so ayeke ga na kangbi na ya ti Eglize, mo gboto mê ti lo kozoni. Tongana lo ngba daa, mo kiri mo gboto mê ti lo ti fani use. Na pekoni, tongana lo ma mo pepe, mo zia lo na gigi.

Josué 9:23

Ti londo na lango ti laso, a deba ala awe. Ala yeke ngba lakue ti sara kua ti ngbaa, kua ti surungo akeke na ti tongo ngu ndali ti da ti Nzapa ti mbi.”

2 Pierre 2:14

Le ti ala ayeke za na nzara ti gingo awali; nzara ti sarango siokpari ayeke hunzi na be ti ala oko pepe. Ala yeke handa azo so be ti ala ade ti kpengba pepe; nzara ti warango ye ti ala ahon ti azo kue. Ala yeke azo so a deba ala awe!

1 Samuel 26:19

Fadeso, ayeke nzoni gbia, kota zo ti mbi ama tënë ti mbi, zo ti kua ti lo nzoni. Tongana KOTA GBIA laa apusu mo ti sara sioni na mbi, ayeke nzoni *sandaga so azo amu na lo ade be ti lo. Me tongana azo laa apusu mo, ayeke nzoni KOTA GBIA adeba ala, ngbanga ti so ala laa atumba mbi na kodro fadeso; ala laa ake titene mbi lango na kodro so KOTA GBIA amu na azo ti lo. Na sarango ye tongaso, ala ye ti tene na mbi: ‘Gue, mo voro ambeni nzapa nde!’