Galasii 1:7 - Mbeti ti Nzapa - Tënë so amu fini

⁷ Ti tene taa-tënë, mbeni nzoni tënë nde ayeke daa pepe! Mbi tene tënë so, ngbanga ti so ambeni zo ayeke sara titene li ti ala aga kirikiri, ala ye ti buba ya ti Nzoni Tënë ti Christ.

Galasii 1:7 ပူးပေါင်းရင်းမြစ်များ

Jérémie 23:26

Ala yeke ngba ti sara ye so ngbii asi lawa? Nyen laa asara li ti awayanga-Nzapa ni so si ala ngba ti fa atënë ti mvene tongaso so? So ayeke gi atënë so alondo na li ti ala wani ti handa na azo!

Jérémie 23:36

Me alingbi ala kiri atene pepe: ‘Nengo kungba so KOTA GBIA azia na ndö ti zo tongaso laa’. Tënë ti KOTA GBIA alingbi ti duti mbeni nengo kungba na ndö ti zo? Oko pepe! Me tongana ala tene tënë tongaso, andaa ala yeke ba ya ti tënë ti Nzapa so ayeke na fini, KOTA GBIA so ayeke na ndö ti dunia kue, Nzapa ti e.

Matthieu 24:24

Biani, fade amesii ti mvene na awayanga-Nzapa ti mvene ayeke ga si ala yeke sara akota ye ti kpene na aye ti dongo be ti handa na azo. Tongana lege ayeke daa, ataa azo so Nzapa asoro ala, ala yeke handa ala.

Awatokua 13:10

si lo tene na lo: “Mo, molenge ti Zabolo! Sioni zo ti mvene so! Be ti mo asi singo na asioni ye! Mo ke ye so kue ayeke nzoni! Lawa laa mo yeke zia ti buba ya ti ambirimbiri lege ti *Kota Gbia?

Awatokua 15:24

E ma a tene, ambeni zo alondo na popo ti e, ague, abuba be ti ala si be ti ala angba na nduzu na lege ti tënë so ala tene. E laa e mu yanga na azo ni ti sara ye so pepe.

Awatokua 20:30

Na popo ti ala wani nga, fade ambeni ayeke londo ti tene mvene ti handa adisiple mingi ti mu peko ti ala.

2 Korente 11:13

Azo ni so ayeke awatokua ti mvene; ala yeke tene mvene na ndo ti kua so ala yeke sara si ala yeke sara tere ti ala tongana awatokua ti Christ.

2 Korente 2:17

Azo mingi ayeke mu tënë ti Nzapa ti de buze na ni; e yeke tongana ala pepe. Ti e, Nzapa laa atokua e, nilaa na lege ti gango so e ga oko na Christ, e yeke tene taa-tënë na le ti Nzapa.

2 Korente 4:2

E ke tënë ti aye ti kamene so azo ayeke sara na gbe mingo; e yeke sara ye ti handa na azo pepe, e yeke buba ya ti tënë ti Nzapa pepe. Me e yeke fa taa-tënë na azo, tongaso si na le ti Nzapa, azo kue azia be ti ala na ndö ti e.

Galasii 1:6

Mbi gi li ti mbi gbaa na ye so ala sara so: gi hio tongaso, ala zia lege ti lo so airi ala na lege ti nzoni be ti Christ so awe ti mu peko ti mbeni nzoni tënë nde!

Galasii 2:4

Me ambeni ita ti mvene ali na popo ti e tongana azo ti nzi, ala ye titene a fâ Tite na ganza. Ala ga ti gi ti hinga lege ti dutingo ti e na peko ti so e sigigi na gbe ti ngbaa si e ga oko na Christ. Ala ye ti kiri ti sara e na ngbaa.

Galasii 4:17

Azo ni ayeke mu tere ti ala mingi na ala, azo ti Galasii, me tënë ti be ti ala ayeke nde; azo ni aye ti kangbi popo ti mbi na ala. Azo ni ayeke sara tongaso titene ala, azo ti Galasii amu tere ti ala kue gi na ala.

Galasii 5:10

Ti mbi, mbi zia be ti mbi na ndö ti ala: na lege ti gango so e ga oko na Christ, mbi hinga so ala yeke mu ande mbeni lege nde pepe. Me zo so ayeke buba li ti ala, ataa lo yeke zo wa, fade Nzapa ayeke fâ ngbanga na li ti lo.

Galasii 5:12

Azo so ayeke buba li ti ala so, ayeke nzoni ala fâ gi ganza pepe, me ala ga *ambaiwa ma!

Galasii 6:17

Ti fadeso, alingbi mbeni zo akiri aso li ti mbi pepe! Biani, apeko ti ka so ayeke na tere ti mbi afa atene, mbi yeke zo ti Jésus.

2 Timothée 2:18

Azo ni so azia lege ti taa-tënë awe si ala yeke tene na azo atene, zingongo ti akuâ ayeke mbeni ye so ahon awe. Na lege ti tënë ti ala, ala yeke kinda mabe ti azo mingi.

1 Jean 2:26

Tënë so mbi ye fade ti su na mbeti na ala na ndö ti azo so ayeke gi lege ti handa ala laa.

1 Jean 4:1

A-ita ti mbi so mbi ye ala mingi, tongana azo atene, ani yeke na Yingo ti Nzapa, ala yeda na ala kue pepe; me ayeke nzoni ala gi nda ti azo ni ti baa wala yingo so ala yeke na ni so alondo na Nzapa. Biani, *awayanga-nzapa mingi ti mvene amu ndö ti dunia kue awe.

2 Jean 1:10

Tongana mbeni zo asi na ala si lo fa mbeni tënë nde, ala yamba lo na da ti ala pepe, ala tene nga na lo pepe: “Nzoni gango!”

2 Jean 1:7

Azo ti mvene asi singo, ala mu ndö ti dunia kue; ala yeke tene na azo atene, Jésus Christ amu ando tere ti zo pepe. Lege so ala yeke hinga na zo ti mvene, Wato ti Christ laa.

Jude 1:4

Biani, ambeni zo ti sioni ali na popo ti ala na hondengo ni; azo ni ayeke buba ya ti tënë ti nzoni be ti Nzapa ti e ti mu lege na ala wani ti sara aye ti potopoto ti ala. Ala ke tënë ti Jésus Christ, lo so lo yeke oko Makonzi ti e na *Kota Gbia ti e. Mbeti ti Nzapa atene tënë ti ngbanga so a fâ na li ti azo ni, ngbene ye aninga awe.

Aye so Nzapa afa 12:9

A bi sioni nyama ni na gigi. Lo yeke ngbene ngbo so azo airi lo atene, Zabolo wala Satan, wala zo ti handango azo ti dunia kue. A bi lo na ndö ti sese, lo na a-ange ti lo.

Aye so Nzapa afa 13:14

Lo handa azo ti ndö ti sese na lege ti aye ti kpene so lo sara na dawa ti nyama ti kota ngu-ingo; lo sara ni na ngangu so a mu na lo. Lo tene na azo ti leke mbeni limo ndali ti nyama ti kota ngu-ingo so awara ka ti yongoro zeme si lo ngba na fini so.

Aye so Nzapa afa 19:20

A gbu nyama ni na wayanga-nzapa ti mvene so asara aye ti kpene na dawa ti lo so. Na lege ti aye ti kpene laa lo wara lege ti handa azo so awara nzoroko ti nyama ni si avoro limo so akpa nyama ni so. A mu ala use kue si a bi ala na fini le ti ala na le ti kota wâ ti *sufre.

Aye so Nzapa afa 2:2

Mbi hinga aye so mo yeke sara, na pasi so mo yeke baa na sarango kua ti mo, na kangango be ti mo. Mbi hinga so mo lingbi pepe ti kanga be ti mo na azo ti sioni. Azo so ayeke tene, ani yeke *awatokua, andaa ala yeke awatokua biani pepe so, mo tara ala si mo baa so ala yeke azo ti mvene.

Aye so Nzapa afa 2:20

Me ye so mbi ke na mo ayeke so: mo zia lege na Yezabel, wali so, ti sara si azo ti kua ti mbi agirisa lege. Lo yeke tene na azo atene, ni yeke wayanga-Nzapa, lo yeke fa lege na azo ti mbi ti sara aye ti ndumba si ala yeke te akobe so a mu na *sandaga na ayanda.

Aye so Nzapa afa 2:6

Me mbeni nzoni ye so mbi baa na mbage ti mo ayeke so: be ti mo ake sarango ye ti azo so amu peko ti Nicolas; mbi nga, be ti mbi ake sarango ye ti ala.

Aye so Nzapa afa 20:3

Ange ni abi lo na ya ti kota du ni, lo kanga yanga ni si lo kpo *nzoroko na yanga ni titene nyama ni akiri awara lege ti handa amara pepe, ngbii ngu saki oko ni ahunzi si. Na pekoni, alingbi a zi lo ndali ti mbeni kete ngoi.