Galasii 1:14 - Mbeti ti Nzapa - Tënë so amu fini

¹⁴ Na lege ti vorongo Nzapa ti azuife, amba ti mbi azuife so ngu ti mbi na ala ayeke oko, mbi hon ala kue. Mbi yeke na nzara mingi ti sara ye alingbi na aye ti akotara ti e.

Galasii 1:14 ပူးပေါင်းရင်းမြစ်များ

Ésaïe 29:13

*KOTA GBIA atene: “Azo so ayeke ga nduru na mbi gi na lege ti atënë senge, ala yeke ne mbi gi na atënë ti yanga senge, me be ti ala ayeke yongoro na mbi. Kpengo so ala yeke kpe mbi ayeke gi na lege ti ndia so azo afa na ala.

Ésaïe 57:12

Me mbi yeke sigigi na nda ti mo polele. Aye so mo yeke sara si mo baa mo tene, ayeke nzoni so, mo yeke wara ye ti peko ni oko pepe.

Jérémie 15:2

Tongana azo ni ahunda mo, atene: ‘E yeke gue na ndo wa?’, fade mo yeke kiri tënë na ala: ‘Tënë so KOTA GBIA atene ayeke so: Zo so a diko lo ti kui, fade lo yeke kui! Zo so a diko lo ti kui na ya ti bira, lo yeke kui na ya ti bira! Zo so a diko lo ti kui kuâ ti nzara, lo yeke kui na nzara! Zo so a diko lo titene a gue na lo na kodro wande, a yeke gue na lo na kodro wande!’

Jérémie 9:14

Ndani laa, tënë so KOTA GBIA so ayeke na ndö ti dunia kue, Nzapa ti Israel, atene ayeke so: Mbi yeke mu na azo ti kodro ni sengo kugbe titene aga kobe ti ala ti tengo ni, mbi yeke mu na ala ngu so sioni yoro ayeke na ya ni titene ala nyon.

Awayango-sandaga 13:16

Tongana ndo so kasa ti tere ti zo ni asigigi daa akiri aga vuru ni, fade lo yeke gue na ndo ti wayango-sandaga;

Matthieu 15:6

zo ni alingbi ti gbanzi mungo ye ni na babâ wala mama ti lo senge.’ Lege so laa ala yeke buba ya ti tënë ti Nzapa ti bata lege ti ndia ti akotara ti ala!

Awatokua 21:20

So ala ma tënë ti lo awe, ala gonda Nzapa. Na pekoni, ala tene na Paul: “Ita, mo baa, azuife saki na saki ama na be si ala mu be ti ala kue ti bata *Ndia ti Moïse.

Awatokua 22:3

“Mbi yeke zuife, a du mbi na Tarse, na sese ti Silisii, me mbi kono ge na Jérusalem na gbe ti wafango-ye Gamaliel. Mbi manda ti bata lege ti ndia ti akotara ti e mbirimbiri si nzara ti mbi kue ayeke ti sara kua ti Nzapa tongana ti so ala kue ayeke sara ni laso.

Awatokua 26:5

Azuife ahinga mbi aninga awe. Tongana ala ye, ala lingbi ti tene na mo so mbi yeke ando mbeni zo ti bongbi ti *afarizien, bongbi ti azo ti vorongo Nzapa ti e so ayeke bata ndia ahon tanga ti azo kue.

Awatokua 26:9

Ti mbi, mbi baa lani mbi tene, alingbi mbi sara kue ti mingo iri ti Jésus, zo ti Nazaret.

Kolose 2:8

Le ti ala akpengba si mbeni zo ahanda ala na atënë ti ndara ti sese so pepe! Atënë so ayeke asenge senge tënë alondo na lege ti tënë ti akotara wala na lege ti ayingo so ayeke na ngangu na ndö ti dunia so, me alondo na Christ oko pepe.

1 Pierre 1:8

Ataa so ala baa lo pepe, ala ye lo; ataa so ala de ti baa lo pepe, ala ma na be na lo. Ndani laa ala yeke duti na kota ngia, ngia so ahon ndoni, zo alingbi ti tene tënë ni pepe.