Galasii 1:10 - Mbeti ti Nzapa - Tënë so amu fini

¹⁰ Mbi yeke gi lege fadeso titene azo agonda mbi? Oko pepe, mbi ye titene Nzapa laa agonda mbi. Mbi yeke gi ti ga nzoni na le ti azo? Tongana mbi yeke gi fade titene azo agonda mbi, andaa mbi yeke zo ti kua ti Christ pepe.

Galasii 1:10 ပူးပေါင်းရင်းမြစ်များ

Matthieu 22:16

Ala tokua ambeni disiple ti ala na ambeni zo ti kama poroso ti Herode ti tene na Jésus: “Wafango-ye, e hinga so mo yeke tene gi taa-tënë, mo yeke fa taa-tënë na ndö ti lege ti sarango ye so Nzapa aye; mo yeke sara kamene ti le ti zo pepe, ataa zo ni ayeke na kota ndo.

Matthieu 28:14

Tongana tënë ni asi na mê ti govoronere, fade e laa e yeke sara titene be ti lo ade si e yeke sara titene ala wara tënë pepe.”

Matthieu 6:24

“Zo oko alingbi ti sara kua na amakonzi use pepe, ngbanga ti so fade lo yeke ke mbeni oko si lo yeke ye mbeni; lo yeke ma yanga ti mbeni oko si lo yeke baa mbeni na le ti lo tongana senge zo. Ala lingbi ti sara kua na Nzapa nga na nginza legeoko pepe.”

Awatokua 12:20

Be ti Herode aso mingi na azo ti Tir na ti Sidon. Azo ni ama tere ti gue ti baa Herode. Ala gue kozoni abaa Blastus, makonzi-kubu ti gbia titene lo gbu koko ti ala. Na pekoni, ala gue na Herode titene ala ma tere si siriri akiri na popo ti ala. Andaa kobe ayeke londo na kodro ti gbia Herode si ayeke gue na kodro ti ala.

Awatokua 5:29

Pierre na awatokua akiri tënë: “Alingbi e ma yanga ti Nzapa ahon ti azo.

Rome 1:1

Mbi Paul, zo ti kua ti Jésus Christ, mbi yeke *watokua so Nzapa airi mbi si lo zia mbi nde titene mbi fa Nzoni Tënë ti lo na azo.

Rome 2:29

me taa zuife ayeke zuife so ayeke na ya ti be ti lo kâ, taa fango ganza ayeke ganza ti be, aga na lege ti Yingo ti Nzapa, me na lege ti Ndia so a su na mbeti pepe. Taa zuife, azo laa ayeke gonda lo pepe, me Nzapa.

Rome 2:8

Me azo so ake ti ma yanga ti lo, ala so ake taa-tënë si ye so ayeke sioni ayeke gboto ala, fade ngonzo ti Nzapa ayeke londo tongana wâ na tere ti ala.

1 Korente 10:33

Ala sara ye tongana mbi: mbi yeke gi lege ti sara kue titene mbi ga nzoni na le ti azo kue. Mbi yeke gi gi nzoni ti mbi wani pepe, me mbi yeke gi nzoni ti azo mingi si ala soo kuâ.

2 Korente 12:19

Aninga mingi, ala baa ti ala atene, e yeke gi ti ga mbirimbiri na le ti ala? Oko pepe. Ndali ti gango so e ga oko na Christ, e yeke tene tënë so na le ti Nzapa. A-ita ti mbi so mbi ye ala mingi, ye so kue mbi sara so, mbi sara ni titene Eglize ti ala akpengba.

Efeze 6:6

Ala sara kua ni gi ndali ti le ti awa ti ala pepe, mo baa mo tene, ala yeke gi ti ga nzoni na le ti azo; me ala sara kua ni tongana angbaa ti Christ so amu be ti ala kue ti sara ye so be ti Nzapa aye.

Filipe 1:1

Mbi Paul, mbi na Timothée, so e yeke azo ti kua ti Jésus Christ laa e tokua mbeti so na azo ti Nzapa so aga oko na Jésus Christ si ala yeke na gbata ti Filipe. E tokua nga mbeti so na azo so ayeke na li ti *Eglize, ala na *adiakre.

Kolose 3:22

Angbaa, ala ma yanga ti awa ti ala ti ndö ti sese so na ya ti aye kue. Ala sara kua gi ndali ti le ti awa ti ala pepe, mo baa mo tene, ala yeke gi ti ga nzoni na le ti azo; me ala sara kua ti ala na be ti ala oko ndali ti so, ala yeke kpe mbeto ti Kota Gbia.

1 Tesalonike 2:4

Me e yeke fa tënë ni tongana ti so be ti Nzapa aye, ngbanga ti so lo tara e awe si lo mu na e kua ti fango Nzoni Tënë. E yeke gi lege ti zia ngia na be ti azo pepe, me ti zia ngia na be ti Nzapa, lo so lo yeke tara be ti e.

Jacques 4:4

Ala so ado lege ti Nzapa azia so! Ala hinga pepe? Zo so aye tënë ti aye ti dunia so, andaa lo ke Nzapa awe; zo so aye tënë ti aye ti dunia so, andaa lo ga wato ti Nzapa awe.

1 Jean 3:9

Zo so kue Nzapa adu lo, lo zia lege ti sarango siokpari awe, ngbanga ti so fini so alondo na Nzapa angba na ya ti lo. Lo lingbi ti ngba ti sara siokpari pepe, ngbanga ti so Nzapa si adu lo.

1 Samuel 21:7

Tongaso wayango-sandaga amu na David mapa so a zia nde ndali ti Nzapa, ngbanga ti so mbeni mapa nde ayeke daa pepe, gi mapa so a mu na sandaga na Nzapa. Andaa azo azia amapa ni na dawa ti *KOTA GBIA si ala kiri azia amapa so angba wâ na plase ni.