Filipe 4:17 - Mbeti ti Nzapa - Tënë so amu fini

¹⁷ Mbi yeke tumba peko ti ye ti azo pepe; me ye so mbi yeke gi ayeke titene azo ni awara nzoni mingi na lege ti kua so ala yeke sara.

Filipe 4:17 ပူးပေါင်းရင်းမြစ်များ

Amato 19:17

Zo so abaa mawa ti wayere, andaa boon laa zo ni asara na KOTA GBIA; fade KOTA GBIA ayeke kiri peko ni na lo.

Mishe 7:1

Mawa na mbi! Mbi yeke tongana zo so ague ti gi ale ti keke na peko ti so azo ako ale ti keke ni kue awe; mbi yeke tongana zo so ague ti gi ale ti *vinye na peko ti so azo afâ ale ti vinye ni awe. Me mbi wara mbeni ye oko ti tengo ni pepe, ataa le ti vinye wala le ti fige so anzere na mbi mingi so.

Malashii 1:10

Tongana mbeni zo na popo ti ala alondo fade akanga ayanga ti kota da ti mbi titene ala ngba ti tingo wâ na ndö ti gbalaka ti mbi senge senge pepe, ka ayeke nzoni mingi! Biani, be ti mbi anzere na ala pepe. Tënë so KOTA GBIA so ayeke na ndö ti dunia kue atene laa. Aye ti ala so ala yeke ga na ni na mbi na sandaga so, anzere na be ti mbi pepe.

Jean 15:16

Ala laa asoro mbi pepe, me mbi laa mbi soro ala; mbi zia ala titene ala gue ti le mingi si lengo ti ala angba lakue. Tongaso, fade Babâ ayeke mu na ala ye so kue ala hunda na lo na iri ti mbi.

Jean 15:8

Fade Babâ ti mbi ayeke wara gonda na lege so: tongana ala le mingi, so afa atene, ala yeke adisiple ti mbi.

Rome 15:28

Tongana mbi sara ye so kue awe si na le ti azo kue, mbi mu na ala nginza so azo abongbi so awe, fade mbi yeke gue na Espanye. Na hongo ni, fade mbi yeke si na ala kâ.

2 Korente 11:16

Mbi kiri mbi tene: ayeke nzoni mbeni zo abaa mbi pepe tongana zo so mbeni ye asara li ti lo. Wala, tongana ala baa mbi tongaso, ayeke nzoni ala yeda si mbi nga, mbi gonda tere ti mbi kete.

2 Korente 9:5

Ndani laa, mbi baa nzoni na le ti mbi ti hunda na a-ita so ti hon kozoni na ndo ti ala kâ si ala leke aye so ala ye ti mu ni. Tongaso, na ndembe so mbi yeke si ande, aye so lani ala mu zendo ti mungo ni so, andaa ala leke ni kue awe. Ye so laa ayeke fa atene, ala yeke mu ye na nzoni be, me na sioni be pepe.

Filipe 1:11

Fade sarango ye ti mbirimbiri so alondo na Jésus Christ ayeke si singo na ya ti fini ti ala; na lege so laa ala yeke gonda Nzapa si ala yeke sepela lo.

Filipe 4:11

Ndali ti so mbeni ye atia mbi si mbi yeke tene tënë tongaso? Oko pepe. Mbi hinga ti zia be ti mbi gi na ndö ti ye so mbi yeke na ni.

1 Tesalonike 2:5

Ala hinga kue: laoko e tene mbeni tënë ti handango na zo pepe; laoko e honde nzara ti warango aye na peko ti fango tënë ti e pepe, Nzapa ahinga ni!

1 Timothée 3:3

lo yeke ngbaa ti samba pepe, lo yeke zo ti tiri pepe, me lo yeke zo ti nzoni be, lo yeke sara ngangu na amba ti lo pepe; nzara ti nginza ahon ndö ti lo pepe;

1 Timothée 6:10

Aye ti sioni kue alondo gi na lege ti sarango nzara ti nginza. Nzara ti nginza asara si ambeni zo azia lege ti mabe yongoro si ala tambula kirikiri, ala wani asara pasi na be ti ala mingi si ala duti na siriri pepe.

Tite 1:7

Zo ti li ti Eglize ayeke wabatango lege ti aye ti Nzapa, nilaa alingbi lo yeke zo so tënë ayeke na li ti lo pepe. Lo yeke zo ti pikango kate pepe, zo ti ngonzo pepe, ngbaa ti samba pepe, zo ti tiri pepe; lo yeke zo ti warango nginza na lege ti likisi pepe.

Tite 3:14

Alingbi azo ti e nga amanda lege ti mu tere ti ala kue ti sara anzoni ye. Tongaso, tongana mbeni ye atia, ala lingbi ti mu maboko ndali ni, ala duti gi senge pepe.

Ahebro 6:10

Biani, Nzapa ayeke kirikiri pepe. Yengo so ala ye ando lo na ni nga na sarango nzoni so ala yeke sara na a-ita ti ala, azo ti Nzapa si ala ngba daa laso so, fade Nzapa ayeke girisa ni pepe.

1 Pierre 5:2

Ala bata bongbi ti azo ti Nzapa so lo zia na maboko ti ala. Ala sara ni na nzoni be, tongana ti so be ti Nzapa aye; mbeni zo agbu ala na ngangu ti sara ni pepe. Ala sara kua ni ndali ti nzara ti nginza pepe, me ala mu tere ti ala kue na kua ni.

2 Pierre 2:15

Ala do lege ti mbirimbiri azia awe, ala girisa lege si ala mu peko ti Balaam, molenge ti Bosor. Balaam ayeda ti wara nginza titene lo sara ye ti sioni.

2 Pierre 2:3

Ndali ti nzara ti nginza, azo so ayeke handa ala ti te ala na lege ti atënë ti mvene. Me ti azo ni, aninga mingi so ngbanga ti ala alondo awe, ngbanga so aga nduru ti ti na ndö ti ala: kpale so ayeke mingo ala ade yongoro pepe.

Jude 1:11

Mawa na azo ni so! Ala mu peko ti Kain. Ndali ti nginza, ala girisa lege tongana Balaam; ala kui, ngbanga ti so ala sara ngangu li tongana azo ti Kore.