Filipe 3:15 - Mbeti ti Nzapa - Tënë so amu fini

¹⁵ E so kue e ga akangba na lege ti aye ti Yingo, ayeke nzoni tënë ti be ti e kue aga gi oko. Tongana mbeni tënë ayeke daa si tënë ti be ti ala ague nde, fade Nzapa ayeke zi le ti ala na ndö ni.

Filipe 3:15 ပူးပေါင်းရင်းမြစ်များ

Ésaïe 35:8

Na ndo so, a yeke suru mbeni lege so a di iri ni “Lege so a zia nde”. Zo ti *sioni oko alingbi ti hon daa pepe, a yeke bata ni ndali ti azo ti KOTA GBIA titene ala tambula daa. Azo ti buba ayeke girisa lege na ndo so pepe.

Matthieu 5:48

Alingbi ala ga azo so ayeke nzoni kue tongana ti so Babâ ti ala so ayeke na yayu ayeke nzoni kue.

Nzoni Tënë so Luc asu na mbeti 11:13

Ala so ayeke azo ti sioni, ala hinga ti mu anzoni ye na amolenge ti ala. Tongaso, Babâ so ayeke na yayu, alingbi ti mu ande Yingo-Vuru na azo so ahunda ni na lo pepe?”

Jean 6:45

Awayanga-Nzapa asu na mbeti, atene: ‘Fade Nzapa ayeke fa ye na azo kue.’ Zo so ama tënë ti Babâ si lo yeda ti manda ye so Babâ afa na lo, zo tongaso laa ayeke ga na mbi;

Jean 7:17

Zo so aye ti sara ye so be ti Nzapa aye, fade lo yeke hinga atene, ye so mbi yeke fa alondo na Nzapa wala mbi yeke tene gi tënë so alondo na mbi wani.

Rome 15:1

E so e yeke na ngangu, alingbi tënë ti azo so ayeke na ngangu pepe agbu be ti e si e sara na ala na ndo so ala yeke gi be ti ala daa. Alingbi e gi pepe gi ye so anzere na e wani.

1 Korente 14:20

A-ita, ayeke nzoni gbungo-li ti ala ayeke tongana ti amolenge pepe. Tongana ayeke tënë ti sarango sioni, ala ga tongana akete molenge so ahinga ti sara sioni pepe; me ayeke nzoni gbungo-li ti ala ayeke tongana ti akota zo.

1 Korente 2:6

Andaa, tënë ti mbi ayeke tënë ti ndara so mbi yeke fa ni na azo ti Christ so aga kangba na lege ti mabe awe. Ndara ni ayeke ndara ti azo ti dunia so pepe wala ndara ti ala so ayeke na komandema na ndö ti dunia so. Ti azo ni, fade a yeke hunzi ala kue kue kue.

Galasii 5:10

Ti mbi, mbi zia be ti mbi na ndö ti ala: na lege ti gango so e ga oko na Christ, mbi hinga so ala yeke mu ande mbeni lege nde pepe. Me zo so ayeke buba li ti ala, ataa lo yeke zo wa, fade Nzapa ayeke fâ ngbanga na li ti lo.

Efeze 1:17

Mbi hunda na Nzapa ti Kota Gbia ti e Jésus Christ, Babâ so ayeke na gonda, titene lo mu na ala Yingo ti ndara. Fade Yingo ni ayeke fa Nzapa na ala, tongaso si ala hinga lo nzoni.

Kolose 1:28

Tënë ti lo laa e yeke fa na azo. E yeke mu wango na azo kue si e yeke fa na ala ye na lege ti ndara kue, tongaso si zo oko oko na lege ti gango so lo ga oko na Christ aga kangba na lege ti Yingo.

Kolose 4:12

Epafras so ayeke mbeni zo ti ala abara ala; lo yeke zo ti kua ti Jésus Christ, lo ngba ti tiri bira na lege ti sambela ndali ti ala. Lo yeke hunda na Nzapa titene ala luti ngangu, ala ga kangba na lege ti Yingo si ala yeke lakue nduru ti sara ye so kue be ti Nzapa aye.

1 Tesalonike 4:9

Tënë ti yengo tere na popo ti ala tongana a-ita, so ayeke ye titene mbeni zo akiri asu mbeti na ala na ndö ni pepe, ngbanga ti so Nzapa afa na ala lege ti yengo tere awe.

2 Timothée 3:17

si zo ti Nzapa akpengba, lo wara anzoni ye so kue alingbi titene lo sara na nzoni kua.

Ahebro 5:14

Kpengbango kobe ayeke ndali ti akangba, ngbanga ti so na lege ti sarango ye so ala yeke sara lakue, le ti ala azi awe ti hinga ye ti nzoni na ye ti sioni.

1 Jean 2:5

Me zo so ayeke sara ye alingbi na tënë ti Nzapa, andaa ndoye so ayeke na be ti lo ndali ti Nzapa alingbi kue biani. Na lege so laa e lingbi ti hinga, e tene, e ga oko na Nzapa.