Filipe 2:30 - Mbeti ti Nzapa - Tënë so amu fini

³⁰ ngbanga ti so angba kete lo kui ndali ti kua ti Christ. Lo ka tere ti lo titene lo ga lo sara na mbi ye so ala wani alingbi fade ti sara ndali ti mbi.

Filipe 2:30 ပူးပေါင်းရင်းမြစ်များ

Awatokua 20:24

Me mbi baa so fini ti mbi ayeke senge ye na le ti mbi. Ye so mbi yeke gi lege ni, ayeke ti hunzi kua ti mbi, ti sara ye so kue Kota Gbia Jésus amu na mbi ti sara, so ti tene kua ti fango Nzoni Tënë ti nzoni be ti Nzapa na azo.

Rome 16:4

Angba kete ala wara kuâ ndali ti mbi na ndembe so ala ye ti soo mbi na kuâ. Gi mbi oko laa mbi yeke mu singila na ala pepe, me a-Eglize kue ti amara nde.

1 Korente 15:53

Alingbi tere so ayeke buba aga tere so ayeke kiri ti buba pepe; tere so ayeke kui aga tere so alingbi ti kui pepe.

1 Korente 16:10

Tongana Timothée asi na ala kâ, ayeke nzoni ala sara titene lo duti na popo ti ala na mbeto pepe, ngbanga ti so lo yeke sara nga kua ti Kota Gbia tongana mbi.

1 Korente 16:17

Mbi yeke na ngia ndali ti gango ti Stefanas, Fortunatus na Akaikus. Ala, a-ita ti Korente, ala yeke na tere ti mbi pepe, me azo ota so asara ye so ala, a-ita, alingbi fade ti sara na mbi,

2 Korente 12:15

Ti mbi, fade mbi yeke buba aye ti mbi kue si mbi yeke ka fini ti mbi ndali ti ala. Tongana mbi ye ala ahon ndoni, fade ala yeke ye mbi gi kete?

2 Korente 4:12

Tongaso, kuâ ayeke sara kua na ya ti tere ti e, fini ayeke sara kua na ya ti tere ti ala.

Filipe 2:17

Mabe ti ala asara si ala yeke mu *sandaga na Nzapa. Mbi hinga pepe, tongana a fâ mbi si mene ti mbi atuku, fade ayeke ga tongana sandaga na ndö ti so ala yeke mu. Tongana ye ni ayeke tongaso, be ti mbi ayeke nzere si mbi na ala kue, e yeke na ngia.

Filipe 2:27

Taa-tënë, tere ti lo aso lani ngangu, angba kete ka lo kui; me Nzapa abaa mawa ti lo. Nzapa abaa gi mawa ti lo oko pepe, me lo baa nga mawa ti mbi si mbi kiri mbi wara vundu pepe, na peko ti tere, na peko ti tere.

Filipe 4:10

So mbi ga oko na *Kota Gbia awe, be ti mbi anzere mingi ndali ti so ala kiri afa na mbi atene, be ti ala angba ti ye mbi. Mbi hinga so be ti ala aye ando mbi, me lege ti sara na mbi ayeke daa pepe.

Filipe 4:18

Na ndembe so, mbi wara aye so alingbi na mbi awe; mbi kiri mbi wara ahon ndoni. Mbi yeke na ye mingi na peko ti so Epafrodite aga na aye so ala tokua na mbi so. Aye so ala tokua so ayeke tongana yombo so afun nzoni, ayeke nga tongana *sandaga so Nzapa aye tënë ni si anzere na be ti lo.

Philémon 1:13

Mbi yeke fade na nzara ti bata lo na tere ti mbi, tongaso si lo sara kua so mo wani, mo lingbi fade ti sara na mbi, na ndembe so mbi yeke na da ti kanga ndali ti Nzoni Tënë.

Aye so Nzapa afa 12:11

A-ita ti e ni ahon ndö ti lo na lege ti mene ti Molenge ti Taba nga na lege ti taa-tënë so ala fa ni. Ala baa fini ti ala tongana senge ye si ala yeda ti ka tere ti ala na kuâ.