Filipe 2:15 - Mbeti ti Nzapa - Tënë so amu fini

¹⁵ Tongaso, fade ala yeke duti azo so tënë ayeke na li ti ala pepe, azo so ayeke nzoni kue, amolenge ti Nzapa so ayeke sioni pepe na popo ti azo ti fadeso so ayeke sioni si ayeke sara kirikiri. Na popo ti azo ni, ala yeke duti tongana wâ so ayeke za na dunia so.

Filipe 2:15 ပူးပေါင်းရင်းမြစ်များ

Abia (Psaumes) 122:5

Na ndo so laa a zia ambata ti *ahale ti gbia David si ala duti daa ti fâ ngbanga.

Sigingo 34:35

azo ti Israel ayeke baa so ndö ti le ti Moïse ayeke za zango. Na pekoni, Moïse akiri abi bongo ni na le ti lo ngbii asi na ngoi so lo yeke kiri ti tene tënë na KOTA GBIA.

Amato 4:18

Lege ti dutingo ti azo ti mbirimbiri ayeke tongana lumiere ti ndaperere, lo yeke su ngbii lo su ngangu ngangu na bekombite.

Amato 8:8

Atënë so kue mbi yeke tene ayeke mbirimbiri; tënë ti mayere wala tënë ti handa ayeke na ya ni pepe.

Ésaïe 60:1

Jérusalem, londo! Mo za tongana lumiere, ngbanga ti so lumiere ti mo ayeke ga, gonda ti *KOTA GBIA ayeke za na ndö ti mo.

Daniel 6:4

Daniel ahon tanga ti agbenyogbia use so na amakonzi ni kue, ngbanga ti so hingango ndo ti lo ahon ti azo kue. Nilaa gbia aleke na be ti lo ti zia lo titene lo baa ndo na ndö ti kodro ni kue.

Matthieu 10:16

“Ala baa, mbi yeke tokua ala tongana ataba na popo ti ambo ti ngonda. Ayeke nzoni le ti ala akpengba tongana ti angbo si ala duti tongana *ambipa so ayeke sara ngangu na zo pepe.

Matthieu 17:17

Jésus akiri tënë: “Ala azo ti fadeso, ala yeke na mabe pepe, ala yeke azo ti kirikiri! Mbi yeke ngba ti duti na tere ti ala ngbii asi lawa? Mbi yeke ngba ti kanga be ti mbi na ala ngbii asi lawa? Ala ga na mbi molenge ni ge!”

Matthieu 5:45

Tongaso si ala lingbi ti ga amolenge ti Babâ ti ala so ayeke na yayu. Babâ ti ala ni ayeke sara si lâ ti lo asu na ndö ti anzoni zo nga na ndö ti asioni zo kue. Lo yeke tokua ngu-Nzapa na ndö ti azo ti mbirimbiri nga na ndö ti azo ti kirikiri.

Matthieu 5:48

Alingbi ala ga azo so ayeke nzoni kue tongana ti so Babâ ti ala so ayeke na yayu ayeke nzoni kue.

Nzoni Tënë so Luc asu na mbeti 1:6

Ala use kue ayeke ambirimbiri zo na le ti Nzapa; ala yeke sara ye gi na lege ti andia nga na lege ti ambela kue ti *Kota Gbia.

Nzoni Tënë so Luc asu na mbeti 6:35

Me ala ye awato ti ala, ala sara nzoni na azo! Ala sara boon na azo, me ala ku ti wara mbeni ye na peko ni pepe. Tongaso si ala yeke wara ande kota ye ti nzoni na pekoni si ala yeke duti amolenge ti Nzapa so ayeke na yayu kâ na ndö ti aye kue. Nzapa ayeke sara nzoni na azo so ahinga ti mu singila pepe nga na azo ti sioni.

Jean 5:35

Jean ayeke lani tongana lamba so aza si ndo avuru. Ala azo, ala yeda ti sara ngia kete na gbe ti wâ ni.

Awatokua 2:40

Pierre atene ambeni tënë mingi, lo mu wango na ala titene tënë ni ali be ti ala si amu ngangu na be ti ala; lo tene: “Azo ti fadeso ayeke asioni zo; ayeke nzoni ala sigigi na popo ti ala si ala soo kuâ.”

Awatokua 20:30

Na popo ti ala wani nga, fade ambeni ayeke londo ti tene mvene ti handa adisiple mingi ti mu peko ti ala.

Rome 16:19

Ti ala, a-ita, azo kue ahinga atene, ala yeke azo ti mango tënë. Tongaso be ti mbi anzere na ala, me mbi ye titene ala duti azo ti ndara ti sara ye so ayeke nzoni, ala duti *nzoni ti ke lege ti ye ti sioni.

1 Korente 1:8

Lo laa lo yeke sara titene ala kpengba ngbii asi na ndani si na lango ti gango ti Jésus Christ, Kota Gbia ti e, ala duti azo so tënë ayeke na li ti ala pepe.

2 Korente 6:17

Ndani laa *Kota Gbia Nzapa atene: “Ala sigigi na popo ti azo ni, ala duti yongoro! Ala ndu mbeni ye ti *sioni oko pepe, tongaso, fade mbi yeke yamba ala.”

Efeze 5:27

ngbanga ti so lo ye si Eglize ni aluti na le ti lo, pendere, sarate ayeke daa pepe, le ti lo akpa ti mbakoro pepe, mbeni sioni ye oko ayeke daa pepe. Lo ye si Eglize ni aduti nde si aduti nzoni kue, tënë ayeke na li ti lo pepe.

Ndia ti fani use ni 32:5

Me ala, ala yeke azo ti sioni mingi, ala sara sioni ti ke KOTA GBIA. Ndali ti sioni ti ala, ala kpa ti duti amolenge ti lo pepe, ala yeke azo ti ngoi ti fadeso so ayeke azo ti kirikiri, azo ti handango amba ti ala!

Filipe 1:10

tongaso si ala hinga ye so ayeke nzoni ahon atanga ni. Tongaso, fade ala yeke ga nzoni kue si na lango ti kiringo ti Christ, mbeni tënë ayeke na li ti ala pepe.

Filipe 3:6

Na lege ti sarango kua ti Nzapa, mbi mu ando be ti mbi kue daa si mbi sara pasi na azo ti *Eglize mingi. Na lege ti batango ndia ti ga mbirimbiri na legeni, zo ayeke wara mbeni tënë ti bi na li ti mbi pepe.

1 Tesalonike 5:23

Ayeke nzoni Nzapa wani so ayeke mu siriri na zo asara si ala ga nde si ala ga nzoni kue. Ayeke nzoni lo bata yingo ti ala, be ti ala nga na tere ti ala nzoni kue si mbeni tënë oko ayeke na li ti ala pepe na lango ti gango ti Kota Gbia ti e Jésus Christ.

1 Timothée 3:10

Alingbi a tara ala kozoni. Na pekoni, tongana mbeni tënë ayeke na li ti ala pepe, a zia ala na yanga ti kua ti diakre ni.

1 Timothée 3:2

Alingbi zo ti li ti Eglize ayeke zo so tënë ayeke na li ti lo pepe, lo yeke gi na wali oko, lo yeke sara ye ahon ndoni pepe, me na legeni, lo yeke tene tënë na legeni, lo yeke sara ye na lege ti nengo tere, lo yeke yamba azo nzoni na da ti lo, lo hinga lege ti fango ye na azo;

1 Timothée 5:14

Ndani laa, mbi ye si awali-mua so angba maseka akiri amu koli, ala du amolenge, ala fa lege na azo ti da ti ala. Ala sara tongaso si awato ti e awara lege ti tene sioni tënë na tere ti e pepe.

1 Timothée 5:20

Azo so asara siokpari, mo suku na ala na le ti azo kue, tongaso si mbeto agbu atanga ni.

1 Timothée 5:7

Tënë so laa mo lingbi nga ti mu yanga daa na awali-mua na asewa ti ala si ambeni zo awara mbeni tënë ti bi na li ti ala pepe.

Tite 1:6

Alingbi kangba ayeke zo so tënë ayeke na li ti lo pepe, lo yeke gi na wali oko; amolenge ti lo ayeke azo so ama na be, zo ti bingo tënë na li ti ala ndali ti sarango ye ti kirikiri wala ti sarango ngangu li ayeke daa pepe.

Tite 2:10

ala nzi nga ye ti awa ti ala ni pepe. Lakue ala sara ye titene awa ti ala alingbi ti zia be ti ala na ndö ti ala. So laa ayeke sara titene azo ane tënë so e yeke fa si alondo na Nzapa, Wasongo e.

Tite 2:15

Lege so mo lingbi ti tene tënë na azo, ti mu wango na ala, ti suku na ala laa; mo sara ni na ngangu so Nzapa amu na mo. Mo sara si mbeni zo oko abaa mo tongana buba zo pepe.

Ahebro 7:26

Mara ti kota wayango-sandaga so alingbi fade na e laa. Lo yeke nde si lo yeke nzoni kue, tënë ayeke na li ti lo oko pepe, lo sara siokpari oko pepe; lo kangbi na azo ti siokpari, Nzapa amu lo si azia lo na yayu kâ na ndö ti aye kue.

1 Pierre 2:12

Alingbi dutingo ti ala na popo ti azo ti amara nde ayeke nzoni. Tongaso, ataa so azo ni ayeke bi tënë na li ti ala atene, ala yeke azo ti sarango sioni, azo ni abaa nzoni sarango ye ti ala si ala gonda Nzapa na ndembe so lo yeke ga.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.

2 Pierre 3:14

Ndani laa, a-ita ti mbi so mbi ye ala mingi, na ngoi so ala yeke ku lango ni so, ala sara kue titene lo ga lo wara ala na mbeni sioni ye na be ti ala pepe, mbeni tënë ayeke na li ti ala pepe, ala duti nga na siriri na Nzapa.

Aye so Nzapa afa 2:5

Dabe ti mo na ndo so mo londo daa si mo ti! Zia lege ti sarango ye so mo yeke sara fadeso, kiri mo sara ye so mo sara kozoni. Tongana mo ngba na sioni lege so, fade mbi yeke ga ti zi gere ti alamba ti mo na ndo so ayeke daa.

Aye so Nzapa afa 3:9

Baa, ambeni zo atene, ani yeke azuife, andaa ala yeke taa azuife pepe. Ala yeke tene mvene, ala yeke azo ti bongbi ti Satan. Fade mbi yeke sara titene ala ga, ala kuku na gbe ti mo si ala hinga atene, mbi ye mo.