Filipe 1:27 - Mbeti ti Nzapa - Tënë so amu fini

²⁷ Gi ye oko, ayeke nzoni lege ti dutingo ti ala alingbi na ti so Nzoni Tënë ti Christ afa. Tongaso, ataa mbi ga, mbi baa ala, ataa mbi ga pepe, me mbi ma atënë ti ala, fade mbi yeke hinga, mbi tene, ala ngba ti luti nganganga, tënë ti be ti ala kue ayeke gi oko si ala bongbi oko ti tiri ndali ti mabe so aga na lege ti Nzoni Tënë.

Filipe 1:27 ပူးပေါင်းရင်းမြစ်များ

1 Mbai 19:12

Yoab atene na ita ti lo: “Tongana azo ti Sirii ahon ndö ti mbi, fade mo yeke ga ti mu maboko na mbi. Me tongana azo ti Amon laa ahon ndö ti mo, fade mbi yeke mu maboko na mo.

Abia (Psaumes) 122:3

Jérusalem, gbata so a leke ni pendere, abongbi kue si aga gi gbata oko!

Abia (Psaumes) 133:1

A yeke he bia so na ndembe ti guengo ni na Jérusalem. Bia ti David. Baa, so ayeke nzoni ye mingi si anzere mingi titene a-ita aduti na ndo oko, na beoko.

Amato 22:23

Biani, fade KOTA GBIA ayeke gbu koko ti ala; azo so azi aye ti awayere na ti azo ti mawa ni so, fade KOTA GBIA ayeke zi fini ti ala.

Jérémie 32:39

Fade mbi yeke mu na ala be oko si lege ti sarango ye ti ala ayeke ga oko titene ala kpe mbeto ti mbi lakue. Tongaso si fade ala yeke baa nzoni, ala na amolenge ti peko ti ala.

Matthieu 12:25

Jésus ahinga tënë ti be ti ala si lo tene na ala: “Kodro so kue akangbi si azo ni ayeke tiri na popo ti ala, fade kodro ni ayeke buba. Gbata so kue wala sewa so akangbi si azo ni ayeke tiri na popo ti ala alingbi ti ngba pepe.

Awatokua 2:46

Na ya ti lango oko oko, na beoko, ala yeke bongbi na ya ti kota da ti Nzapa, ala yeke te kobe na ndo oko na ya ti ada ti ala, ala yeke te ni na ngia na nzoni be.

Awatokua 24:24

Ambeni lango na pekoni, Félix na wali ti lo Drusile aga; wali ni ayeke zuife. Félix atokua ti iri Paul titene lo ma tënë so lo yeke tene na ndö ti mabe na Jésus Christ.

Awatokua 4:32

Azo so ama na be gbani gbani so, tënë ti be ti ala ayeke gi oko, ye so ala ye ayeke nga gi oko. Zo oko atene pepe, atene: “Ye ti mbi ayeke gi ti mbi!” Me ye so kue ala yeke na ni, ala yeke bongbi ni si aga ye ti ala kue.

Rome 1:16

Biani, kamene ti fango Nzoni Tënë asara mbi pepe: Nzoni Tënë ni ayeke ngangu ti Nzapa so lo mu ti soo azo so kue ama na be, azuife kozoni, na pekoni azo ti amara nde.

Rome 1:5

Na lege ti lo, Nzapa asara nzoni be na mbi si mbi ga watokua ndali ti iri ti Christ, ti sara si azo ti dunia kue ama na be na Jésus Christ si ala sara ye alingbi na tënë ti lo.

Rome 1:9

Nzapa so mbi mu be ti mbi kue ti sara kua ti lo na lege so mbi yeke fa Nzoni Tënë ti Molenge ti lo, lo hinga so mbi yeke tene taa-tënë: mbi yeke zia ala lakue

Rome 10:8

Tënë ni atene: “Tënë ni ayeke nduru na tere ti mo, tënë ni ayeke na yanga ti mo, tënë ni ayeke na be ti mo.” Tënë ni ayeke tënë ti mabe so e yeke fa.

Rome 15:16

si lo mu mbi ti ga zo ti kua ti Jésus Christ na popo ti azo ti amara nde. Lo zia mbi nde ti fa Nzoni Tënë ti Nzapa. Tongaso, azo ti amara nde alingbi ti ga nzoni *sandaga na le ti Nzapa na lege ti Yingo-Vuru, lo so lo sara si ala ga nzoni kue.

Rome 15:29

Mbi hinga so na singo ti mbi na ala kâ, fade Christ ayeke sara tufa gbani gbani na ndö ti ala na lege ti mbi.

1 Korente 1:10

A-ita, mbi hunda na ala mingi na iri ti *Kota Gbia ti e Jésus Christ titene ala kue ama tere si kangbi aduti na popo ti ala pepe; ala duti gi tongana zo oko, tënë ti be ti ala nga na bango ndo ti ala ague gi oko.

1 Korente 15:58

Tongaso, a-ita ti mbi so mbi ye ala mingi, ala luti ngangu, ye ayingi ala pepe! Ala ngba lakue na sarango kua ti Kota Gbia. Ayeke nzoni, ala hinga atene, kua so ala yeke sara na Kota Gbia, peko ni ayeke ngba senge pepe.

2 Korente 13:11

Ti hunzi na ni, a-ita, ala duti na ngia! Ala gi lege ti ga nzoni kue, ala mu wango ti kpengba na amba ti ala, ala ma tere na popo ti ala, ala duti na siriri si Nzapa so aye zo si ayeke mu siriri na zo, fade lo yeke duti na ala.

2 Korente 4:4

azo so ake ti ma na be. Sioni nzapa ti sese so akanga lege ti hingango ndo ti ala titene ala baa zango ti Nzoni Tënë pepe. Andaa Nzoni Tënë ni ayeke fa gonda ti Christ, lo so lo yeke limo ti Nzapa.

2 Korente 9:13

Fade azo ni ayeke baa ye so ala sara so si ala yeke gonda Nzapa ndali ti so, ala azo ti Korente, ala ma Nzoni Tënë ti Christ si ala yeke sara ye alingbi na ni. Azo ni ayeke gonda nga Nzapa ndali ti so ala bongbi aye ti ala oko na nzoni be ti mu na azo ti Nzapa so ayeke na Jérusalem nga na azo ti Nzapa kue.

Galasii 1:7

Ti tene taa-tënë, mbeni nzoni tënë nde ayeke daa pepe! Mbi tene tënë so, ngbanga ti so ambeni zo ayeke sara titene li ti ala aga kirikiri, ala ye ti buba ya ti Nzoni Tënë ti Christ.

Efeze 1:13

Na lege ti gango so ala ga oko na Christ, ala nga, ala ma taa-tënë so ayeke Nzoni Tënë si ayeke soo ala na kuâ; ala ma na be si Nzapa asara nzoroko na tere ti ala, nzoroko ni ayeke Yingo-Vuru so lo mu ando zendo ni.

Efeze 1:15

Mbi ma tënë ti mabe ti ala na ndö ti *Kota Gbia Jésus nga na tënë ti ndoye ti ala ndali ti azo ti Nzapa kue. Ndani laa, ti londo na ndembe so mbi ma atënë so,

Efeze 4:1

Tongaso, mbi so mbi yeke na da ti kanga ndali ti kua ti *Kota Gbia, mbi hunda na ala mingi titene sarango ye ti ala alingbi na iringo so lani Nzapa airi ala.

Filipe 1:5

ndali ti so ala mu na mbi maboko, ti londo na lango so mbi to nda ti fango Nzoni Tënë ngbii asi fadeso.

Filipe 2:12

Tongaso, a-ita ti mbi so mbi ye ala mingi, ala so ayeke ma yanga ti Nzapa lakue so, ayeke nzoni ala ma yanga ti lo gi ndali ti le ti mbi pepe. Me so mbi yeke na tere ti ala pepe, fadeso ayeke kota ye mingi titene ala ngba ti ma yanga ti lo. Ala sara kua na mbeto, na dongo tere si ala soo kuâ.

Filipe 2:24

Na lege ti gango so e ga oko na Kota Gbia, mbi hinga biani na be ti mbi so fade mbi nga, mbi yeke si na ala kâ na ya ti alango so ayeke ga.

Filipe 3:18

Mbi tene tënë so na ala lege mingi kozoni awe; laso mbi kiri ti tene na ala na ngu ti le: ambeni zo mingi ayeke daa so sarango ye ti ala afa so ala ke tënë ti keke ti kroa ti Christ awe.

Filipe 3:20

Ti e, kodro ti e ayeke na yayu. E yeke ku titene *Kota Gbia ti e Jésus Christ, lo so lo yeke Wasongo e alondo na yayu, aga.

Filipe 4:1

Tongaso, a-ita ti mbi so mbi ye ala mingi, nzara ti kiri ti baa ala asara mbi mingi! Ala zia ngia na be ti mbi mingi si tere ti mbi anzere mingi ndali ti ala! A-ita ti mbi so mbi ye ala mingi, na lege ti gango so ala ga oko na *Kota Gbia, ayeke nzoni ala ngba ti gbu tënë ti Nzapa ngangu tongaso.

Kolose 1:10

Tongaso, fade dutingo ti ala ayeke lingbi na ti so be ti *Kota Gbia aye si ala sara ye so anzere na be ti lo. Ye ti peko ni ayeke so ala yeke sara mara ti anzoni ye nde nde si hingango so ala hinga na Nzapa ayeke gue lakue na nduzu.

Kolose 1:4

Biani, e ma tënë ti mabe ti ala so ala yeke na ni na Jésus Christ nga na yengo so ala ye na azo ti Nzapa kue.

1 Tesalonike 3:6

Me fadeso, Timothée alondo na ndo ti ala kâ, lo kiri na e awe. Lo tene na e nzoni tënë na ndö ti mabe ti ala nga na ndö ti ndoye ti ala. Lo tene nga na e, lo tene, ala yeke dabe ti ala na e lakue si ala yeke na nzara ti kiri ti baa e tongana ti so e nga, e yeke na nzara ti kiri ti baa ala.

1 Tesalonike 4:1

Ti hunzi na ni, a-ita, e fa na ala lani lege ti dutingo so ala lingbi ti duti na ni si anzere na be ti Nzapa. Biani, ala duti tongaso awe. Me fadeso, e yeke hunda na ala si e voro ala na iri ti *Kota Gbia Jésus titene lege ti dutingo ti ala akiri aga nzoni ahon ti kozoni.

1 Timothée 1:11

Tënë so alingbi na Nzoni Tënë so Nzapa azia na maboko ti mbi; tënë ni ayeke tënë ti Nzapa, lo so alingbi na gonda si azo ayeke tene nzoni tënë ti lo.

1 Timothée 1:19

mo bata mabe nzoni, mo duti na be so sioni ye oko ayeke daa pepe. Ambeni zo ake ti bata be ti ala nzoni, nilaa mabe ti ala ati.

2 Timothée 4:7

Mbi tiri nzoni bira na legeni, mbi si na nda ti lege ni awe, mbi bata lege ti mabe.

Tite 2:10

ala nzi nga ye ti awa ti ala ni pepe. Lakue ala sara ye titene awa ti ala alingbi ti zia be ti ala na ndö ti ala. So laa ayeke sara titene azo ane tënë so e yeke fa si alondo na Nzapa, Wasongo e.

Philémon 1:5

Biani, mbi ma tënë ti yengo so mo ye na azo ti Nzapa nga na tënë ti mabe ti mo na ndö ti *Kota Gbia Jésus.

Jacques 3:18

Azo so aye siriri, ala yeke sara si azo so ayeke nduru na ala aduti na siriri; sarango ye ti ala akpa lungo ale ti kobe, lengo ni so ala yeke ko ayeke sarango ye ti mbirimbiri.

2 Pierre 3:11

So aye ni kue ayeke hon ande hongo so, fade ala yeke duti tongana nyen? Alingbi dutingo ti ala ayeke nde, ayeke nzoni kue si ala kpe mbeto ti Nzapa.

2 Pierre 3:14

Ndani laa, a-ita ti mbi so mbi ye ala mingi, na ngoi so ala yeke ku lango ni so, ala sara kue titene lo ga lo wara ala na mbeni sioni ye na be ti ala pepe, mbeni tënë ayeke na li ti ala pepe, ala duti nga na siriri na Nzapa.

Jude 1:3

A-ita ti mbi so mbi ye ala mingi, mbi ye fade mingi ti su mbeti na ala na ndö ti tënë ti songo so Nzapa asoo e na ala kue so. Me mbeni ye apusu mbi ti su mbeti so ti mu ngangu na be ti ala titene ala tiri bira ti bata mabe so Nzapa amu na azo ti lo fani oko biani biani.