Filipe 1:20 - Mbeti ti Nzapa - Tënë so amu fini

²⁰ Ndali ti ye so mbi yeke ku si mbi zia be ti mbi ti ku ni, kamene ayeke gbu ande mbi pepe. Me ti londo laso ngbii asi na tanga ti alango kue, ataa mbi kui wala mbi ngba na fini, mbi hinga biani na be ti mbi, mbi tene, dutingo ti mbi ayeke fa ande na azo so Christ ayeke kota mingi.

Filipe 1:20 ပူးပေါင်းရင်းမြစ်များ

Abia (Psaumes) 119:116

Gbu maboko ti mbi alingbi na tënë ti yanga ti mo si mbi ngba na fini; ndali ti so mbi zia be ti mbi ti ku mo, sara si kamene agbu mbi pepe.

Abia (Psaumes) 119:80

Na be ti mbi kue, ayeke nzoni mbi sara ye alingbi na ambela ti mo si kamene asara mbi pepe.

Abia (Psaumes) 25:2

Nzapa ti mbi, mbi zia be ti mbi na ndö ti mo; mo zia kamene na le ti mbi pepe. Mo zia awato ti mbi adekongo na ngia ndali ti mbi pepe!

Abia (Psaumes) 62:5

Biani, ala yeke leke tënë na be ti ala ti zi zo ni na kota ndo ti lo; ti ala, gi tenengo mvene laa anzere na ala. Na yanga ti ala, ala yeke sara tufa na ndö ti azo, me na ya ti be ti ala kâ, ala yeke deba azo. Luti kete

Amato 10:28

Ye so azo ti mbirimbiri alingbi ti ku ayeke ngia; me ye so azo ti sioni azia be ti ala ti ku, ala yeke ku ni gbaa.

Amato 23:18

Biani, nzoni ye ayeke daa ndali ti gigi ti mo ti kekereke si ye so mo zia be ti mo ti ku, mo yeke ku ni gbaa pepe.

Ésaïe 45:17

Me KOTA GBIA asoo azo ti Israel, lo soo ala ndali ti lakue lakue. Fade kamene ayeke sara ala pepe, kamene ayeke gbu le ti ala pepe lakue lakue, kpu na kpu.

Ésaïe 50:7

Kota Gbia NZAPA laa ayeke mu na mbi maboko, ndani laa zongango ndo ti ala asara ye oko na mbi pepe. Mbi sara si ndö ti le ti mbi akpengba tongana têne. Mbi hinga, mbi tene, fade kamene ayeke sara mbi pepe.

Ésaïe 54:4

Sara mbeto pepe, ngbanga ti so kamene ayeke kiri ti sara mo pepe. Sara kamene pepe, ngbanga ti so azo ayeke kiri ti zonga mo pepe. Kamene so ando mo ngba maseka si ayeke sara mo so, fade mo yeke girisa ni. So lani mo yeke wali-mua si azo ayeke zonga mo so, fade mo yeke girisa zongango ndo ni.

Jean 21:19

Jésus atene tënë so ti fa mara ti kuâ so Pierre ayeke kui ande na ni si fade Nzapa ayeke wara gonda na lege ti kuâ ni. Na pekoni, Jésus atene na lo: “Mu peko ti mbi!”

Awatokua 20:24

Me mbi baa so fini ti mbi ayeke senge ye na le ti mbi. Ye so mbi yeke gi lege ni, ayeke ti hunzi kua ti mbi, ti sara ye so kue Kota Gbia Jésus amu na mbi ti sara, so ti tene kua ti fango Nzoni Tënë ti nzoni be ti Nzapa na azo.

Awatokua 21:13

Me lo kiri tënë, lo tene: “Ngbanga ti nyen laa ala yeke toto si ala yeke gi lege ti zi nzara ti tambula ni na be ti mbi so? Mbi yeke ti mbi nduru gi titene a kanga mbi pepe, me titene a fâ mbi na Jérusalem ndali ti iri ti *Kota Gbia Jésus!”

Awatokua 4:31

So ala hunzi sambela ni awe, ndo so ala bongbi daa so ayingi. Ala si na Yingo-Vuru si ala yeke fa tënë ti Nzapa na mbeto pepe.

Rome 12:1

A-ita, so Nzapa abaa mawa ti e ahon ndoni awe so, mbi hunda na ala mingi titene ala mu tere ti ala kue na Nzapa tongana *sandaga so ayeke na fini, sandaga so ayeke nde, ayeke nzoni kue si anzere na lo. So mbirimbiri lege ti vorongo Nzapa laa.

Rome 5:5

Ye so e zia be ti e ti ku ni, e yeke ku ni gbaa pepe, ngbanga ti so Nzapa azia ndoye ti lo na be ti e na lege ti Yingo-Vuru so lo mu na e.

Rome 6:13

Ala mu mbage ti tere ti ala oko pepe ti sara na siokpari si aga ye ti sarango na ye ti kirikiri. Me ala mu tere ti ala kue na Nzapa tongana azo so azingo na kuâ awe si ayeke na fini; ala mu tere ti ala kue ti sara na kua ti lo si tere ti ala ni aga ye ti sarango na ye ti mbirimbiri.

Rome 6:19

Mbi yeke mu tapande ti dutingo ti azo ndali ti so hingango ndo ti ala ayeke ngangu. Ando, ala mu tere ti ala na ngbaa ti sara na aye ti kamene na aye ti kirikiri, aye so asara si ala ke yanga ti Nzapa. Legeoko nga, fadeso, alingbi ala mu nga tere ti ala na ngbaa ti sara aye ti mbirimbiri, so ayeke sara si fini ti ala aduti nde ndali ti Nzapa.

Rome 8:19

Aye so kue Nzapa asara ayeke na nzara mingi ti ku ti baa amolenge ti Nzapa so lo yeke fa ande ala polele.

Rome 9:33

tongana ti so Mbeti ti Nzapa atene: “Baa, mbi zia na ya ti gbata ti *Sion mbeni têne so asara si zo aye ti ti; kota têne so ayeke kinda zo. Me zo so ama na be na lo, fade kamene ayeke sara lo pepe.”

1 Korente 15:31

Lakue, kuâ ayeke gi mbi gingo, taa-tënë, a-ita! Taa-tënë, mbi yeke gonda tere ti mbi ndali ti ala, ala so e na ala e ga oko na *Kota Gbia ti e Jésus Christ awe.

1 Korente 6:20

Nzapa avo ala na kota ngere. Tongaso ala mu tere ti ala ti gonda na Nzapa.

1 Korente 7:34

tongaso be ti lo ayeke na ndö ti aye use. Wali so amu koli pepe, na maseka-wali nga, be ti ala ayeke gi na ndö ti aye ti Kota Gbia titene ala bata tere ti ala na yingo ti ala nde ndali ti Nzapa. Me wali so amu koli awe, be ti lo ayeke gi na ndö ti aye ti dunia so, lo yeke gi titene be ti koli ti lo anzere na lo.

2 Korente 10:8

Ataa so mbi pika kate ti mbi ndali ti ngangu so *Kota Gbia amu na e, kamene asara mbi pepe. Nda ti ngangu ni ayeke ti sara si *Eglize ti ala akpengba, me ayeke ti sara si Eglize ni ati pepe.

2 Korente 3:12

So e zia be ti e kue ti ku nzoni ye tongaso, mbeto ti ye oko asara e pepe.

2 Korente 4:10

Na ngoi kue, e yeke yo na ya ti tere ti e kuâ ti Jésus, tongaso si azo alingbi ti baa fini ti Jésus na ya ti tere ti e ti zo.

2 Korente 5:15

Lo kui ndali ti azo kue titene azo so angba na fini, ala ngba na fini ndali ti ala wani pepe, me ndali ti lo so lo kui si lo zingo na kuâ ndali ti ala.

2 Korente 7:14

Lani, mbi gonda tere ti mbi ndali ti ala na le ti lo, me kamene ni asara mbi pepe. Tongana ti so lakue e yeke tene na ala taa-tënë, gondango tere ti e ndali ti ala na le ti Tite aga nga taa-tënë awe.

2 Korente 7:4

Mbi zia be ti mbi kue na ndö ti ala, mbi yeke gonda tere ti mbi mingi ndali ti ala. Be ti mbi ade mingi; na ya ti pasi so kue e yeke baa, be ti mbi asi singo na ngia.

Filipe 1:14

Mingi ti a-ita so abaa mbi na da ti kanga, be ti ala akiri awara ngangu ti zia be ti ala na ndö ti *Kota Gbia. Tongaso, ala yeke fa tënë ti Nzapa na mbeto pepe, ala kiri asara ni ahon ti kozoni.

Filipe 2:17

Mabe ti ala asara si ala yeke mu *sandaga na Nzapa. Mbi hinga pepe, tongana a fâ mbi si mene ti mbi atuku, fade ayeke ga tongana sandaga na ndö ti so ala yeke mu. Tongana ye ni ayeke tongaso, be ti mbi ayeke nzere si mbi na ala kue, e yeke na ngia.

Kolose 1:24

A-ita, fadeso, mbi yeke na ngia ndali ti pasi so mbi yeke baa ndali ti ala, ngbanga ti so na lege ti pasi ni, mbi yeke hunzi tanga ti pasi ti Christ so lo baa ndali ti *Eglize so ayeke tere ti lo.

1 Tesalonike 5:23

Ayeke nzoni Nzapa wani so ayeke mu siriri na zo asara si ala ga nde si ala ga nzoni kue. Ayeke nzoni lo bata yingo ti ala, be ti ala nga na tere ti ala nzoni kue si mbeni tënë oko ayeke na li ti ala pepe na lango ti gango ti Kota Gbia ti e Jésus Christ.

1 Pierre 4:16

Me tongana zo ni abaa pasi ndali ti so lo yeke zo ti Christ, alingbi kamene asara lo pepe; me alingbi lo mu singila na Nzapa ndali ti iri ti Christ so ayeke na ndö ti lo.

1 Jean 2:28

Tongaso, amolenge ti mbi, ala ngba ti duti oko na Christ, tongaso si na lango ti gango ti lo, be ti e ado pepe, e duti yongoro na lo pepe si kamene agbu e na lango ni so pepe.