Filipe 1:18 - Mbeti ti Nzapa - Tënë so amu fini

¹⁸ Me so ayeke senge! Ataa ala fa tënë ni na sioni be, wala na nzoni be, kota ye ni ayeke so, ala yeke fa tënë ti Christ! Ndani laa be ti mbi ayeke na ngia! Fade be ti mbi ayeke ngba ti duti na ngia.

Filipe 1:18 ပူးပေါင်းရင်းမြစ်များ

Matthieu 23:13

“Mawa na ala, awafango-ndia, ala na *afarizien! Tënë ti yanga ti ala ayeke nde na sarango ye ti ala! Ala kanga lege ti *Kodro-gbia ti yayu na azo. Ala wani aye ti li na ya ti Kodro-gbia ti yayu ni pepe, me ala yeke kanga lege ni na azo so aye ti li daa. [

Marc 12:40

Ala yeke ro aye kue ti ya ti da ti awali-mua si ala yeke sara ayongoro sambela titene azo abaa ala. Fade Nzapa ayeke fâ ngbanga na li ti ala ngangu ahon ti azo kue.”

Nzoni Tënë so Luc asu na mbeti 9:45

Me adisiple ama ya ti tënë ni so pepe; nda ni ahonde na ala si ala ma ya ni pepe, me ala sara mbeto ti hunda nda ni na lo.

Nzoni Tënë so Luc asu na mbeti 9:50

Jésus atene na ala: “Ala kanga lege na lo pepe, ngbanga ti so zo so ake ala pepe, andaa lo yeke zo ti ala.”

Rome 3:9

Nyen? E azuife, e hon tanga ti azo kue? Oko pepe! Mbi fa tënë so kozoni awe, mbi tene: azuife na azo ti amara nde kue ayeke na gbe ti komandema ti siokpari.

Rome 6:15

Nyen? So e sigigi na gbe ti *Ndia awe si e yeke na gbe ti nzoni be ti Nzapa so, so laa ayeke mu lege na e ti sara siokpari? Oko pepe!

1 Korente 10:19

Tënë ti nyen laa mbi ye ti tene? Nyama so a ya na sandaga na anzapa nde ayeke mbeni ye? Wala mbeni nzapa nde ayeke mbeni ye?

1 Korente 14:15

Fade mbi yeke sara nyen? Mbi yeke sambela na lege ti yingo, me mbi yeke sambela nga na lege so azo alingbi ti ma ya ni; mbi yeke he bia na lege ti yingo, me mbi yeke he nga bia na lege so azo alingbi ti ma ya ni.

1 Korente 15:11

Tongaso, ataa mbi wala ambeni watokua ni, tënë so e yeke fa laa, tënë so ala ma na be na ni nga laa, a-ita.

Filipe 1:19

Biani, mbi hinga: fade ye so kue ayeke sara titene mbi soo kuâ ndali ti sambela ti ala nga ndali ti maboko so Yingo ti Jésus Christ ayeke mu na mbi.