Ezekiel 4:4 - Mbeti ti Nzapa - Tënë so amu fini

⁴ “Na pekoni, mo lango na sese na mbage ti maboko ti mo ti wali. Na ya ti alango so kue mo ngba ti lango na sese tongaso, fade mo yeke yo sioni ti azo ti Israel na ndö ti mo.

Ezekiel 4:4 ပူးပေါင်းရင်းမြစ်များ

Ezekiel 4:5

Mbi diko na li ti mo ti sara so na ya ti alango so wungo ni alingbi na wungo ti ngu so azo ti Israel asara sioni. Tongaso, na ya ti lango ngbangbo ota na balegumbaya, fade mo yeke yo sioni ti azo ti Israel.

Ezekiel 4:8

Ti mbi, mbi yeke kanga mo na kamba si mo turne tere ti mo mbage na mbage pepe, ngbii alango so mo sara bira na gbata ni ahunzi si.

Awayango-sandaga 10:17

“Nyama so azo aga na ni ndali ti sandaga ti zingo siokpari na li ti ala so, ngbanga ti nyen si ala te kasa ni na ndo so ayeke nde si ayeke nzoni kue pepe so? Biani, ye ni ayeke nde si ayeke nzoni kue ahon atanga ni! KOTA GBIA amu fade nyama so na ala titene ala zi na sioni ti bongbi ti azo ti Israel; ala ya ni na dawa ti lo titene lo zi siokpari na li ti ala.

Awayango-sandaga 16:22

Tongaso koli-ngasa ni ayeke mu asioni kue ti azo ti Israel na li ti lo si lo hon na ni na ndo so zo ayeke daa pepe. “So a tokua koli-ngasa ni na benyama awe,

Wungo ti azo 14:34

Ala mu lani lango baleosio ti *bembe ndo na ya ti kodro ni; nilaa asioni ye so ala sara so, ala yeke baa pasi na peko ni na ya ti ngu baleosio; so ti tene ngu oko ndali ti lango oko, ngu oko ndali ti lango oko. Tongaso, ala yeke hinga atene, sarango ngangu li na mbi, ayeke sioni mingi.

Wungo ti azo 18:1

Tongaso KOTA GBIA atene na Aaron: “Tongana mbeni zo asara sioni ye ti ke da so ayeke nde si ayeke nzoni kue, fade tënë ni ayeke na li ti mo, na amolenge ti mo nga na azo ti sewa ti babâ ti mo. Âdu ti mo na ti amolenge ti mo, tongana ala sara sioni ye na ya ti kua ti ala ti wayango-sandaga, fade tënë ni ayeke na li ti ala wani.

Matthieu 8:17

Lo sara tongaso titene tënë so wayanga-Nzapa Ésaïe atene ando, aga taa-tënë; lo tene: “Lo mu pasi ti e, lo hon na ni, lo yo akobela ti e na ndö ti lo.”

Ahebro 9:28

Legeoko nga, Christ amu tere ti lo na sandaga fani oko titene lo zi siokpari ti azo mingi. Ti fani use ni, lo yeke kiri ti ga ti zi siokpari ti azo pepe, me ti soo azo so kue ayeke ku lo.

1 Pierre 2:24

Christ wani ayo siokpari ti e na ya ti tere ti lo si lo kui na ni na ndö ti keke ti kroa, tongaso si e so e kangbi na siokpari na lege ti kuâ so e kui awe, e duti na fini ti sara ye ti mbirimbiri. Na lege ti aka so lo wara laa tere ti ala aga nzoni.