Esther 7:5 - Mbeti ti Nzapa - Tënë so amu fini

⁵ Gbia Zerses ahunda wali ti lo Esther, atene: “Zo wa laa aleke na be ti lo ti sara mara ti ye tongaso so, zo wa? Zo ni ayeke na ndo wa?”

Esther 7:5 ပူးပေါင်းရင်းမြစ်များ

Tongo nda ti aye 27:33

Tere ti Isaac kue ado ngangu mingi si lo hunda ndo, lo tene: “Ka zo wa laa ague na ngonda si aga na mbi nyama so, zo wa? Mbi te nyama ni kue awe kozo si mo ga so. Mbi sara tufa na ndö ti lo awe; fade tufa ni ayeke ngba na ndö ti lo.”

Esther 7:4

Biani, azo aka e, mbi na azo ti mara ti mbi titene a fâ e a hunzi e kue, mbeni zo oko angba pepe! Tongana fade ayeke gi senge kango e tongana angbaa ti koli na ti wali, ka mbi lingbi ti zi yanga daa pepe, ngbanga ti so mara ti tënë tongaso laa zo alingbi ti so li ti gbia daa pepe.”

Esther 7:6

Esther akiri tënë: “Zo so asara ngangu na e so, wato ti e so… Haman laa, sioni zo so!” Na dawa ti gbia nga na ti wali ti lo, kota mbeto agbu Haman.

Mbeti ti Job 9:24

Tongana a zia sese na maboko ti azo ti sarango sioni, Nzapa ayeke kanga le ti awafango-ngbanga ni. Tongana lo laa lo sara pepe, zo wa laa asara?

Awatokua 5:3

Pierre atene na lo: “Ananias, ngbanga ti nyen si mo yeda titene Satan ali be ti mo? Yaka so mo ka so, mo gbanzi mbage ti nginza ni si mo tene mvene na Yingo-Vuru.