Esther 7:3 - Mbeti ti Nzapa - Tënë so amu fini

³ Esther, wali ti gbia, akiri tënë, lo tene: “Babâ gbia, tongana mo ye ti sara nzoni be na mbi, wala tongana be ti mo aye, ye so mbi hunda na mo ayeke so: mbi ye gi fini ti mbi na fini ti azo ti mara ti mbi; gi ye so mbi ye ti hunda na mo laa!

Esther 7:3 ပူးပေါင်းရင်းမြစ်များ

1 Agbia 20:31

Azo so angoro lo atene na lo: “Baa, e ma a tene, agbia ti Israel ayeke baa ka mawa ti azo mingi. E yeke yu bongo ti mua, e yeke zia kamba na go ti e si e yeke gue ti baa gbia ti Israel. E hinga pepe, fade lo yeke zia mo ti ngba na fini.”

2 Agbia 1:13

Ti fani ota ni, Ahazia akiri atokua mbeni makonzi so ayeke na li ti aturugu baleoku na aturugu ti lo baleoku ti gbu Élie. Makonzi ni na aturugu ti lo ague na li ti hoto ni. So lo si na tere ti Élie, lo kuku na sese na gbe ti Élie, lo voro lo, lo tene: “Zo ti Nzapa, mbi gbu gere ti mo, bata fini ti mbi na ti aturugu baleoku so ayeke azo ti kua ti mo!

Esther 4:8

Mardochée amu nga na lo mbeti ti mbela so gbia asu maboko ti lo daa na gbata ti Suze si na ya ni gbia amu yanga titene a fâ azuife kue ahunzi ala so. Lo hunda nga na Hatak ti gue ti tene na Esther peko ti atënë so lo ma si lo fa na lo mbeti ti mbela ni. Lo hunda na Hatak ti gue nga ti tene na Esther titene lo gue, lo voro tere ti lo na gbia, tongaso si gbia ni alingbi ti baa mawa ti azo ti mara ti lo si ti sara nzoni be na ala.

Esther 5:8

Babâ gbia, tongana mo ye ti sara nzoni be na mbi, wala tongana be ti mo aye ti mu na mbi ye so mbi hunda na mo, ayeke nzoni mo na Haman akiri aga kekereke na matanga ti tengo kobe so mbi leke ndali ti ala. Tongaso fade mbi yeke fa na mo mbirimbiri ye so mbi ye.”

Esther 7:7

Wâ ti ngonzo amu gbia, lo londo hio na ndo so ala yeke sara matanga ni daa so si lo gue na ndo so a lu apendere kongo daa na ya ti yangbo ni. So Haman ahinga atene, gbia aye gi kuâ ti lo, lo ngba na ndo so ti gbu gere ti Esther, wali ti gbia, titene Esther asoo fini ti lo.

Esther 8:5

lo tene: “Gbia, tongana be ti mo aye, tongana mo ye ti sara nzoni be na mbi; tongana mo baa nzoni na le ti mo, tongana mbi nzere na le ti mo, ayeke nzoni a su mbeni mbeti nde ti mingo ngangu ti ambeti so Haman, molenge ti Hamedata, zo ti mara ti Agag, asu ni titene a fâ azuife so ayeke lango na ya ti akodro-sese ti mo oko oko kue so.

Mbeti ti Job 2:4

Me Satan akiri tënë na KOTA GBIA: “Ayeke na legeni. Zo kue ayeke mu ye ti kiri ti wara ye na pekoni. Ye so kue zo ayeke na ni, lo yeke mu ni ti soo na fini ti lo.

Jérémie 38:26

Fade mo yeke kiri tënë na ala: ‘Mbi voro gi tere ti mbi na gbia titene lo kiri na mbi na da ti Jonatan pepe; tongaso pepe, fade mbi yeke kui.’ ”