Esther 5:3 - Mbeti ti Nzapa - Tënë so amu fini

³ Gbia ahunda lo, atene: “Esther, wali ti gbia, nyen? Nyen laa mo hunda, nyen? Mbi yeke nduru ti mu na mo ye ni, ataa ndambo ti kodro ti mbi!”

Esther 5:3 ပူးပေါင်းရင်းမြစ်များ

1 Agbia 2:20

Batsheba atene na lo: “Mbi yeke na mbeni kete ye ti hunda na mo; mo gbanzi ni na mbi pepe.” Gbia atene: “Mama, mo hunda ye so mo ye, fade mbi ke pepe ti mu na mo.”

1 Agbia 3:5

Kâ na Gabaon, na bi, *KOTA GBIA asi na Salomon na ya ti bango-li si atene na lo: “Hunda na mbi ye so mo ye, fade mbi yeke mu ni na mo.”

Néhémie 2:4

Gbia atene na mbi: “Mo ye nyen?” Mbi sambela Nzapa ti yayu.

Esther 5:4

Esther akiri tënë: “Gbia, tongana be ti mo aye, fade mo na Haman aga na da ti mbi laso ndali ti matanga ti tengo kobe so mbi leke ndali ti mo.”

Esther 5:6

So ala hunzi ti te kobe awe, gbia atene na Esther, atene: “Mo ye nyen? Fade a yeke mu ni na mo. Nyen laa mo hunda nyen? Mbi yeke nduru ti mu na mo ye kue, ataa ndambo ti kodro ti mbi!”

Esther 7:2

ti fani use ni. So ala hunzi ti te kobe awe, gbia akiri ahunda Esther, atene: “Esther, wali ti gbia, mo ye nyen? Fade a yeke mu ni na mo. Nyen laa mo hunda, nyen? Mbi yeke nduru ti mu na mo ye kue, ataa ndambo ti kodro ti mbi!”

Esther 9:12

Gbia atene na wali ti lo Esther, atene: “Gi na kota kodro ti Suze oko, azuife afâ si anika azo ngbangbo oku; ala fâ nga amolenge ti Haman baleoko kue. Ti tanga ti akodro-sese ni kâ ayeke oke? Me mo ye nyen? Fade a yeke mu ni na mo. Nyen laa mo hunda, nyen? Fade mbi yeke sara na mo ye so kue be ti mo aye.”

Marc 6:23

Lo deba yanga ti lo na molenge-wali ni, lo tene: “Mbi yeda na be ti mbi kue ti mu na mo ye so fade mo yeke hunda na mbi, ataa ndambo ti kodro-gbia ti mbi.”

Nzoni Tënë so Luc asu na mbeti 18:41

“Mo ye mbi sara nyen na mo?” Lo kiri tënë, lo tene: “Kota Gbia, sara si mbi kiri mbi baa ndo.”

Awatokua 23:19

Kota komanda ni agbu maboko ti molenge ni, lo gue na lo yongoro kete si lo hunda lo, lo tene: “Tënë ti nyen laa mo ye ti tene na mbi?”