Esther 4:3 - Mbeti ti Nzapa - Tënë so amu fini

³ Andaa na ya ti kodro-sese oko oko so kue atënë ti ndia na mbela ni asi daa, azuife kue ayeke na ya ti kota mawa: ala ke kobe si gi toto na toto, demango tere na demango tere; ambeni mingi na popo ti ala ayu gi bongo ti mua si ala yeke lango na ya ti mburu ti wâ.

Esther 4:3 ပူးပေါင်းရင်းမြစ်များ

Esther 1:1

Ye ni asi na ngoi ti gbia Zerses; Zerses ayeke ando gbia na ndö ti akodro-sese ngbangbo oko baleuse na mbarambara, ti londo na Inde ngbii asi na Etiopii.

Esther 3:12

Na lango baleoko na ota ti kozo nze ni, a tokua titene a iri awakuasu ti gbia ti ga. Ala ga si ala su na mbeti atënë ni kue alingbi gi na yanga so Haman amu na ala. Na pekoni ala tokua mbeti ni na akota komanda, agovoronere ti akodro-sese oko oko nga na amakonzi ti amara oko oko kue. Awakuasu ni asu ambeti ni na lege ti kode ti sungo mbeti nga na yanga ti kodro ti azo ni oko oko kue. Awakuasu ni asu iri ti gbia Zerses daa si ala kpo nzoroko ti lo na ndö ni.

Esther 4:16

“Gue mo bongbi azuife so kue ayeke na Suze, mo tene na ala titene ala ke kobe ti sambela ndali ti mbi; bi na lâ na ya ti lango ota, ala te kobe pepe, ala nyon ngu pepe. Mbi nga, mbi na azo ti kua ti mbi ti wali, e yeke sara ande tongaso. Na pekoni, mbi yeke gue na tere ti gbia, ataa so ndia agbanzi lege ni; ti kuâ ni, mbi yeke kui!”

Esther 4:2

Lo si na yanga ti yangbo ti gbia, me lo lingbi ti li pepe, ngbanga ti so zo so ayu bongo ti mua alingbi ti li kâ pepe.

Esther 4:4

Amaseka-wali so ayeke sara kua na Esther nga na *ambaiwa ti lo aga si ala tene peko ti aye so kue na lo; be ti lo kue afun na mango tënë so. Na pekoni, lo tokua bongo na Mardochée titene lo yu si lo zi bongo ti mua so ayeke na tere ti lo, me Mardochée ake.

Esther 9:31

Na ya ti mbeti ni nga, a hunda na azuife titene ala ngba lakue ti sara matanga ti purim ni taa gi na alango ni so Esther, wali ti gbia, na Mardochée afa. Ala wani laa amu alango ni so ndali ti ala na ahale ti ala gi tongana ti so a mu ndia ndali ti kengo kobe na ti demango tere.

Mbeti ti Job 2:8

Job aduti na ya ti mburu ti wâ, lo mu fango ta si lo yeke kpaka na tere ti lo.

Ésaïe 22:12

Na lango ni so, Kota Gbia, NZAPA so ayeke na ndö ti dunia kue, airi ala ti toto, ti dema tere, ti kio kua ti li ti ala, ti yu bongo ti mua.

Ésaïe 22:4

Ndani laa mbi tene na ala: “Ala zia mbi, mbi toto ngangu mingi. Kota kpale asi na azo ti mbi, ala tara ti de be ti mbi pepe.

Ésaïe 58:5

Mara ti kengo kobe tongaso, lango so ala kanga nzara ti ya ti ala, so laa mbi ye ni? Ala yeke ba li ti ala na sese tongana sosongo, ala yeke yungo bongo ti mua, ala yeke lango na ya ti mburu ti wâ, so laa ala iri ni, kengo kobe? Mara ti lango tongaso laa anzere na be ti mbi?

Ezekiel 27:30

Ala yeke dema tere na ndö ti mo, ala yeke dekongo na mawa. Ala yeke tuku fuku ti sese na ya ti li ti ala si ala yeke rule na ya ti mburu ti wâ.

Daniel 9:3

Mbi yo le ti mbi na nduzu ti baa ndo na mbage ti KOTA GBIA ti sambela lo, ti voro tere ti mbi na lo. Mbi ke kobe, mbi yu bongo ti mua si mbi tuku mburu ti wâ na li ti mbi.

Jonas 3:6

So gbia ti Ninive ama tënë ti ye so asi, lo londo na ndö ti mbata ti lo ti gbia, lo zi bongo ti gbia na tere ti lo, lo yu bongo ti mua si lo duti na ya ti mburu ti wâ.

Matthieu 13:42

ala yeke bi ande azo ni na ya ti kota wâ; kâ, gi toto na tengo pembe.

Matthieu 22:13

Tongaso gbia ni atene na azo ti kua ni: ‘Ala kanga gere ti lo na maboko ti lo, ala bi lo na gigi na ya ti vukongo ndo; kâ, gi toto na tengo pembe.’ ”

Matthieu 25:30

Ti zo ti kua so ahinga ti sara mbeni nzoni ye oko pepe so, ala bi lo na gigi na ya ti vukongo ndo; kâ, gi toto na tengo pembe.’”

Josué 7:6

Josué na *akangba ti Israel asuru bongo na tere ti ala. Ti londo na ndaperere ngbii asi na lakui, ala ti akpo li ti ala na sese na dawa ti sanduku ti mbuki ti KOTA GBIA; ala tuku fuku ti sese na li ti ala.

1 Samuel 11:4

Awatokua ague, asi na Gibea, gbata ti Saul. Ala tene na azo ni peko ti tënë ti aye so asi. Azo ni kue ati na kota toto.