Esdras 9:7 - Mbeti ti Nzapa - Tënë so amu fini

⁷ Ti londo na ngoi ti akotara ti e ngbii asi laso, e sara sioni ahon ndoni. Ndali ti siokpari ti e, e na agbia ti e, na awayango-sandaga ti e, e ti na gbe ti agbia ti amara nde; ala sara bira na e, ala gbu e ague na e na kodro wande, ala gbu aye ti e ahon na ni, ala bi kamene na le ti e, tongana ti laso so.

Esdras 9:7 ပူးပေါင်းရင်းမြစ်များ

1 Agbia 8:47

na kodro so a gbu azo ti mo si a gue na ala daa so, tongana ala gbu li ti ala, ala zia ngbene lege ti sarango ye ti ala si ala toto na mo na ya ti kodro ni kâ, atene: ‘E ke yanga ti mo awe, e sara siokpari awe, e sara sioni awe!’,

2 Mbai 29:6

Biani, ababâ ti e asara ando ye alingbi na tënë ti KOTA GBIA, Nzapa ti e pepe. Ala do lo azia, ala bi le ti ala yongoro na kota da so KOTA GBIA ayeke duti daa si ala zia peko ti ala na lo.

2 Mbai 30:7

Ala sara ye tongana ti ababâ ti ala na ti a-ita ti ala pepe so asara sioni ye mingi ti ke KOTA GBIA, Nzapa ti akotara ti ala. Nzapa asara si ababâ na a-ita ti ala ni aga ye so a buba ni kue; ye ni laa ala yeke baa so.

2 Mbai 34:24

‘Tënë so KOTA GBIA atene ayeke so: Mbi yeke sara titene sioni kpale aga na ndö ti gbata so nga na ndö ti azo ti gbata ni, alingbi na atënë ti dengo ba so kue a su na ya ti mbeti so a diko na dawa ti gbia ti Juda so.

Esdras 9:13

Nzapa ti e, akpale so kue asi na e ndali ti asioni sarango ye ti e nga ndali ti kota sioni ye so e sara. Me mo fâ ngbanga na li ti e alingbi na asioni ti e ni pepe. Mo sara si e ngba na fini, e so e yeke ge so.

Néhémie 9:30

Mo kanga be ti mo na ala na ya ti ngu mingi. Na lege ti yingo ti mo, mo mu wango na ala na lege ti awayanga ti mo; me ala ma awayanga ti mo ni pepe. Tongaso mo zia ala na maboko ti azo ti amara nde.

Ésaïe 64:4

Azo so ayeke sara ye ti mbirimbiri na ngia, ala so ayeke dabe ti ala na mo si ala yeke tambula na lege ti mo, mo yeke ga ti tengbi ala. Me so mo sara ngonzo mingi so, nda ni ayeke so e sara siokpari. Andaa, gi na ndö ti alege ti giriri so laa e yeke soo ande kuâ.

Jérémie 25:18

Mbi to nda ni na Jérusalem nga na gbata ti sese ti Juda na agbia ni, na akota zo ti kodro ni. Mbi sara si agbata ni aga ndo ti gba ti atêne si aga ye ti dongo be, ye so azo ayeke huru yanga ti ala na bango ni; aga tapande ndali ti azo so ayeke deba amba ti ala. Ye so asi laso laa.

Jérémie 3:25

Ayeke nzoni e lango na sese ndali ti kamene ti e, sarango ye ti buba ti e akanga ndö ti e, ngbanga ti so e na akotara ti e, e sara ye so ayeke sioni ti ke KOTA GBIA, Nzapa ti e; e sara ni ti londo na ngoi so e de molenge ngbii asi laso. E ma yanga ti KOTA GBIA, Nzapa ti e pepe.”

Jérémie 32:23

Ala ga si ala mu kodro ni titene aga ti ala. Ye oko, ala ma tënë ti mo pepe, ala bata lege ti andia ti mo pepe, ala ke ti sara ye so mo mu yanga na ala ti sarango ni. Nilaa mo tokua akpale so kue na ndö ti ala laso.

Jérémie 32:32

Biani, azo ti Israel na azo ti Juda asara sioni mingi, ala sara si ngonzo ti mbi alondo; ala na agbia ti ala, amakonzi ti ala, awayango-sandaga ti ala, awayanga-Nzapa ti ala nga na azo ti Juda na azo ti Jérusalem.

Jérémie 44:22

KOTA GBIA akanga be ti lo gbaa na asioni sarango ye ti ala nga na asioni sarango ye ti ala so zo alingbi ti baa na le ti lo fani use pepe so. Ndani laa kodro ti ala aga ndo ti gba ti atêne, aga ngonda si zo ayeke daa mbeni pepe, aga tapande ndali ti azo so ayeke deba amba ti ala; ye ni laa a yeke baa ni laso so.

Jérémie 44:9

Sioni so kue ababâ ti ala, agbia ti Juda na awali ti ala asara nga na sioni so ala wani na awali ti ala asara na kodro ti Juda nga na ndö ti abalabala ti Jérusalem so, be ti ala agirisa na ni awe?

Abia ti demango tere 5:7

Akotara ti e asara ando siokpari, ala yeke daa mbeni pepe; me e laa e yo ngbanga ti asioni ti ala ni.

Ezekiel 11:9

Mbi yeke tumba ala na ya ti gbata ni si mbi yeke zia ala na maboko ti awande; mbi yeke fâ ngbanga na li ti ala.

Ezekiel 39:23

“Fade amara nde ayeke hinga atene, ndali ti asioni ti azo ti Israel laa a gbu ala, a gue na ala na kodro wande, ndali ti asioni ye so ala sara ti ke mbi *KOTA GBIA. Ndani laa, mbi honde le ti mbi na ala, mbi zia ala na maboko ti awato ti ala si a fâ ala kue na ya ti bira.

Wungo ti azo 32:14

Ala, mara ti azo ti sarango siokpari so, ala ye ti mu peko ti sarango ye ti ababâ ti ala titene ngonzo ti KOTA GBIA alondo na tere ti azo ti Israel?

1 Samuel 12:15

Me tongana ala ma yanga ti KOTA GBIA pepe, tongana ala ke andia ti lo, fade maboko ti KOTA GBIA ayeke sara ngangu na ala tongana ti so lo sara ando na akotara ti ala so.