Esdras 9:6 - Mbeti ti Nzapa - Tënë so amu fini

⁶ mbi sambela, mbi tene: “Nzapa ti mbi, kamene ahon ndö ti mbi tongana mbi yo le ti mbi na nduzu ti baa ndo na mbage ti mo. Siokpari ti e ayeke gbani gbani, ahon ndö ti li ti e; sioni ti e ague ngbii akpo le ti nduzu.

Esdras 9:6 ပူးပေါင်းရင်းမြစ်များ

Tongo nda ti aye 13:13

Azo ti Sodome ayeke azo ti kirikiri mingi, ala sara siokpari mingi so ake KOTA GBIA.

1 Agbia 8:47

na kodro so a gbu azo ti mo si a gue na ala daa so, tongana ala gbu li ti ala, ala zia ngbene lege ti sarango ye ti ala si ala toto na mo na ya ti kodro ni kâ, atene: ‘E ke yanga ti mo awe, e sara siokpari awe, e sara sioni awe!’,

2 Mbai 28:9

Na Samarii, mbeni wayanga ti KOTA GBIA ayeke daa, iri ti lo Oded. Lo gue ti wara tere na aturugu ti Israel so alondo na Samarii ti kiri; lo tene na ala: “KOTA GBIA, Nzapa ti akotara ti ala asara ngonzo na tere ti azo ti Juda. Nilaa lo zia azo ti Juda ni na maboko ti ala si ala fâ azo ti Juda ni na sioni ngonzo so tënë ni ague ngbii asi na yayu.

Esdras 9:13

Nzapa ti e, akpale so kue asi na e ndali ti asioni sarango ye ti e nga ndali ti kota sioni ye so e sara. Me mo fâ ngbanga na li ti e alingbi na asioni ti e ni pepe. Mo sara si e ngba na fini, e so e yeke ge so.

Esdras 9:15

KOTA GBIA, Nzapa ti Israel, mo yeke mbirimbiri! Laso, mo sara si ambeni zo na popo ti e angba na fini. Baa, e laa na gbe ti mo na asioni ye ti e na li ti e so! Ndali ti aye tongaso, zo oko alingbi ti luti fade na le ti mo pepe.”

Néhémie 1:6

Mbi gbu gere ti mo, ayeke nzoni mo bi le ti mo na mbage ti mbi, mo zi mê ti mo, mo ma sambela so mbi yeke ya na mo, mbi, zo ti kua ti mo. Ti ndembe so, bi na lâ, mbi ngba na gbe ti mo ti sambela ndali ti e, azo ti Israel, azo ti kua ti mo. Mbi hunda na mo ti zi na li ti e asiokpari so e sara ti ke mo. Biani, mbi na akotara ti mbi, e sara siokpari.

Mbeti ti Job 40:4

Mbi yeke ti mbi ye oko pepe. Tënë ti nyen laa mbi lingbi ti kiri ni na mo? Tënë ahunzi na yanga ti mbi awe.

Mbeti ti Job 42:6

Ndani laa, be ti mbi aso ndali ti tënë so lani mbi tene. Mbi hinga so tënë ni ayeke na legeni pepe; mbi duti na ya ti fuku ti sese, na ya ti mburu ti wâ.

Abia (Psaumes) 38:4

Ndali ti ngonzo ti mo, ya ti tere ti mbi kue gi na songo ni; ndali ti asiokpari ti mbi, abio ti mbi kue awoko.

Abia (Psaumes) 38:5

Biani, asioni ti mbi ahon ndö ti li ti mbi, asioni ni ane mbi ahon ndoni tongana mbeni nengo kungba.

Sigingo 32:31

Moïse akiri na mbage ti KOTA GBIA si atene na lo: “Ae KOTA GBIA! Azo so asara kota siokpari awe; ala mu lôro asara na mbeni nzapa.

Ésaïe 1:18

*KOTA GBIA atene: “Ala ga, e leke tënë. Tongana siokpari ti ala abe tongana mene, fade ayeke kiri ti vuru tongana tukia. Tongana siokpari ti ala abe tongana ngu ti karakanzi, fade ayeke kiri ti vuru tarara.

Ésaïe 59:12

Biani *KOTA GBIA, fani mingi, e ke ndia ti mo. Asiokpari ti e abi tënë na li ti e; lakue kengo ndia ti e agbu tere ti e si aga ye oko; e hinga asioni ti e:

Jérémie 3:3

Ndani laa le ti nduzu akanga si ngu-Nzapa ti ndani apika pepe. Me le ti mo angba ti za tongana ti wali-ndumba; kamene asara nga mo kete pepe.

Jérémie 31:19

Taa-tënë, e hon lani yongoro na tere ti mo, me fadeso e zia lege ni awe. E hinga sioni ti e awe, fadeso e zia maboko na go ti e, kamene ahon ndö ti e si e ga buba ndali ti ye so e sara na ndembe so e de maseka; ye ti peko ni laa e wara awe so.’ ”

Jérémie 51:9

– “E ye ti kai kobela na tere ti Babilone, me tere ti lo aga nzoni pepe. Ayeke nzoni e zia lo, zo oko oko akiri na kodro ti lo. Biani, ngbanga so ati na ndö ti lo ayeke ngangu mingi; ague ngbii asi na le ti nduzu, ague ngbii asi na ambinda.

Jérémie 6:15

Kamene alingbi fade ti gbu le ti ala ndali ti asioni ye so ala sara si zo alingbi ti baa na le ti lo fani use pepe; me kamene agbu le ti ala oko pepe. Ala hinga atene, so sioni ye laa ala yeke sara so pepe. Ndani laa KOTA GBIA atene: Ala yeke ti legeoko na tanga ti azo so ayeke ti. Na ndembe so mbi yeke ga na tere ti azo ni, ala nga, ala yeke ti.

Jérémie 8:12

Kamene alingbi fade ti gbu le ti ala ndali ti asioni ye so ala yeke sara si zo alingbi ti baa na le ti lo fani use pepe; me kamene agbu le ti ala oko pepe. Ala hinga atene, so sioni ye laa ala yeke sara so pepe. Ndani laa KOTA GBIA atene: Ala yeke ti legeoko na tanga ti azo so ayeke ti. Na ndembe so mbi yeke ga na tere ti azo ni, ala nga, ala yeke ti.”

Abia ti demango tere 3:42

E yeke azo so ake lege ti mo, e yeke azo ti sarango ngangu li, nilaa mo zi tënë ni na li ti e pepe.

Ezekiel 16:63

Tongaso, fade mo yeke dabe ti mo na ngoi so ahon; kamene ayeke sara mo si mo yeke kiri ti zi yanga pepe ndali ti gba ti kamene so agbu le ti mo na ndembe so mbi yeke zi na li ti mo sioni so kue mo sara. So tënë ti yanga ti Kota Gbia NZAPA laa.”

Awayango-sandaga 26:40

“Me azo so ayeke ngba na fini, fade ala yeke fa na gigi sioni ti ala na ti akotara ti ala. Ala yeke tene: ‘E sara ye so ayeke sioni mingi ti ke KOTA GBIA, e sara ngangu li na lo.’

Nzoni Tënë so Luc asu na mbeti 15:21

Molenge ni atene na lo: ‘Babâ, mbi sara siokpari so ake Nzapa si ake nga mo; mbi lingbi titene mo kiri mo iri mbi molenge ti mo pepe.’

Nzoni Tënë so Luc asu na mbeti 18:13

Me zo ti rongo nginza ti lapo angba ti lo yongoro kâ; lo mu nga le ti lo na nduzu pepe. Me lo zia maboko ti lo na ndö ti go ti lo, lo tene: ‘Nzapa, baa mawa ti mbi, mbi so mbi yeke zo ti siokpari so.’

Rome 6:21

Aye so ando ala yeke sara so, nzoni ye ti nyen laa ala wara daa? Fadeso aye ni asara ala kamene, ngbanga ti so ye ti peko ni ayeke gi kuâ!

Aye so Nzapa afa 18:5

Asiokpari ti lo adu na ndö ti tere, na ndö ti tere ngbii asi na le ti nduzu; Nzapa adabe ti lo na aye ti kirikiri ti lo.