Esdras 9:2 - Mbeti ti Nzapa - Tënë so amu fini

² Azo ti Israel amu amolenge ti amara ni so ti ga awali ti ala; ala mu nga amolenge ti amara ni so na amolenge ti ala ti koli ti ga awali ti ala. Nilaa azo so Nzapa azia ala nde ndali ti lo abongbi na azo ti kodro ni si ala ga oko. Amakonzi na akota zo ayeke akozo zo ti sara mara ti asioni ye mingi tongaso.”

Esdras 9:2 ပူးပေါင်းရင်းမြစ်များ

Tongo nda ti aye 6:2

amolenge-koli ti Nzapa abaa so amolenge-wali ti azo ni ayeke pendere mingi. Ala soro ambeni molenge-wali ni si ala mu ala ti ga awali ti ala.

1 Agbia 11:1

Gbia Salomon aye awali mingi so ayeke ti mara nde. Kozoni, lo mu molenge ti Faraon ti wali; na pekoni lo mu ambeni wali ti mara ti Moab, ti Amon, ti Edom, ti Sidon na ti Het.

Esdras 10:2

Tongaso Shekania, molenge ti Yehiel, mbeni zo ti kete mara ti Elam atene na Esdras: “E sara ye so ayeke sioni mingi na Nzapa ti e na lege so, na popo ti azo ti kodro ni, e mu awali so ayeke awande ti ga awali ti e. Me fadeso, mbeni ye so azo ti Israel alingbi ti zia be ti ala ti ku ayeke daa:

Esdras 9:12

Tongaso ala azo ti Israel, ala mu amolenge ti ala ti wali na amolenge-koli ti amara ni pepe; ala soro awali na popo ti azo ti amara ni pepe ti mu na amolenge ti ala ti koli. Ala gi nzoni dutingo na nzoni maingo ti amara ni pepe; tongaso si ala, azo ti Israel, ala lingbi ti ga ngangu mara, ala yeke te anzoni ye ti sese ni si ala yeke zia sese ni na amolenge ti ala titene aga ti ala kpu na kpu.’

Esdras 9:14

Fade e yeke kiri ti ke atënë ti ndia ti mo tongana nyen? E lingbi ti sara songo na lege ti mungo tere koli na wali na azo so sarango ye ti ala ayeke sioni mingi so tongana nyen? Tongana e sara tongaso, fade ngonzo ti mo ayeke londo na tere ti e si mo fâ e kue kue kue ti hunzi e pepe?

Néhémie 13:17

Mbi suku na akota zo ti sese ti Juda, mbi tene: “Ala baa sioni ye so ala yeke sara so? Ala sara si lango ti wungo tere aga sioni!

Néhémie 13:28

Mbeni molenge oko ti Yoyada, tara ti kota wayango-sandaga Eliashib amu molenge ti Sanebalat, zo ti gbata ti Horon, ti ga wali ti lo. Ndani laa, mbi tumba lo ti londo na Jérusalem.

Sigingo 19:6

Me ti ala, ala yeke duti ande kodro-gbia ti awayango-sandaga ndali ti mbi; ala yeke ga mara so ayeke nde si ayeke nzoni kue.’ Baa, tënë so fade mo yeke tene na azo ti Israel laa.”

Sigingo 34:16

Tongana ala mu awali ti kodro ni ti ga awali ti amolenge ti ala, fade awali ni ayeke kpe na peko ti anzapa ti ala si ala yeke handa amolenge ti ala, azo ti Israel ti kpe nga na peko ti anzapa ti awali ni.

Ésaïe 6:13

Tongana zo oko na popo ti azo baleoko angba na ya ti kodro ni, fade a yeke gbi lo na wâ tongana keke ti shene wala ti terebente so a de na sese. Me nduru gere ni na agunda ni angba si ayeke tongana ngoangoa so ayeke nde si ayeke nzoni kue.”

Awayango-sandaga 21:15

Tongaso si na ya ti sewa ti lo, amolenge ti lo alingbi ti ga *sioni pepe. Biani, mbi laa mbi yeke KOTA GBIA so mbi yeke sara titene lo duti nde si lo duti nzoni kue.”

Malashii 2:11

Azo ti Juda asara ye so ayeke nde na tënë ti mbuki ni. Na Jérusalem nga na kodro ti Israel kue, ala sara ye ti sioni mingi. Biani, ndo so a zia ni nde ndali ti KOTA GBIA si lo ye tënë ni mingi so, ala sara si aga buba ye na lege ti mungo ambeni wali so ayeke voro anzapa nde.

Malashii 2:15

Mbeni zo so li ti lo ayeke daa kete asara mara ti ye tongaso pepe. Gi mbeni zo oko si asara ando ni; me lo sara ni ngbanga ti nyen? Lo sara ni ngbanga ti so lo yeke gi ti wara molenge so Nzapa atene tënë ti mungo lo na lo so. Ala sara hange! Ala bata fini ti ala. Zo oko abuba lege ti mbuki ti lo na wali ti lo ti maseka pepe!

1 Korente 7:14

Biani, koli so ama na be pepe aga nduru na Nzapa na lege ti wali ti lo si wali so ama na be pepe aga nduru na Nzapa na lege ti koli ti lo. Tongana ye ni ayeke tongaso pepe, ka amolenge ti ala ayeke yongoro na Nzapa; andaa amolenge ni ayeke nduru na lo.

2 Korente 6:14

Azo so ama na be pepe, ala bongbi oko na ala ti sara kua pepe. Ye ti mbirimbiri na ye ti sioni ayeke bongbi oko tongana nyen? Zango ndo na vukongo ndo ayeke duti na ndo oko?

Ndia ti fani use ni 14:2

Biani, ala yeke azo ti mara so a zia ala nde ndali ti KOTA GBIA Nzapa ti ala. Na popo ti amara ti sese kue, gi ala laa KOTA GBIA Nzapa ti ala asoro ala titene ala ga azo ti lo wani.

Ndia ti fani use ni 7:6

Biani, ala azo ti Israel, ala yeke azo so a zia ala nde ndali ti KOTA GBIA Nzapa ti ala. Ala yeke azo so lo soro ala na popo ti amara kue ti sese ti ga azo ti lo wani.

Josué 22:15

Ala gue na sese ti Galaad, na mbage ti azo ti mara ti Ruben, ti Gad na ti ndambo ti mara ti Manase si ala tene na ala, atene:

Josué 23:12

Tongana ala zia lege ti KOTA GBIA si ala ngba na tere ti amara so ayeke na popo ti ala, tongana ala mu amolenge ti ala ti wali ti ga awali ti ala, tongana ala gue na ndo ti amara ni si amara ni aga na ndo ti ala,