Esdras 9:15 - Mbeti ti Nzapa - Tënë so amu fini

¹⁵ KOTA GBIA, Nzapa ti Israel, mo yeke mbirimbiri! Laso, mo sara si ambeni zo na popo ti e angba na fini. Baa, e laa na gbe ti mo na asioni ye ti e na li ti e so! Ndali ti aye tongaso, zo oko alingbi ti luti fade na le ti mo pepe.”

Esdras 9:15 ပူးပေါင်းရင်းမြစ်များ

Esdras 1:4

Na ya ti akodro so kue azo ti Israel ayeke daa, alingbi azo ti kodro ni amu maboko na ala na gango na ala wen ti nginza, lôro na ambeni nzoni ye. Ala lingbi nga ti mu na azo ti Israel anyama nga na aye so zo ayeke mu na be ti lo wani ndali ti kota da ti Nzapa so ayeke na Jérusalem.”

Esdras 9:6

mbi sambela, mbi tene: “Nzapa ti mbi, kamene ahon ndö ti mbi tongana mbi yo le ti mbi na nduzu ti baa ndo na mbage ti mo. Siokpari ti e ayeke gbani gbani, ahon ndö ti li ti e; sioni ti e ague ngbii akpo le ti nduzu.

Néhémie 9:8

Mo baa so lo yeke bata be ti lo na mo lakue; nilaa mo na lo asara *mbuki: mo mu zendo ti mu na *ahale ti lo sese ti azo ti Kanaan, ti azo ti mara ti Het, ti Amori, ti Perizi, ti Yebus na ti Girgashi. Mo sara ye alingbi na zendo ni, ngbanga ti so mo yeke mbirimbiri.

Abia (Psaumes) 116:5

KOTA GBIA ayeke sara nzoni be na zo si lo yeke sara ye ti mbirimbiri; Nzapa ti e ayeke baa mawa ti zo.

Abia (Psaumes) 119:137

KOTA GBIA, mo yeke mbirimbiri, atënë ti fango ngbanga ti mo ayeke na legeni.

Abia (Psaumes) 130:3

KOTA GBIA, tongana mo ngba fade ti dabe ti mo na asioni ti azo, zo wa laa ayeke ngba na fini, zo wa, Kota Gbia?

Abia (Psaumes) 143:2

Mbi yeke zo ti kua ti mo, fâ ngbanga na li ti mbi pepe, ngbanga ti so na le ti mo, zo ti mbirimbiri ayeke daa pepe.

Abia (Psaumes) 76:7

Nzapa ti Jacob, tongana mo suku na ala, azo ti kpengo na mbarata nga na ambarata ni aluti kpoo.

Jérémie 12:1

*KOTA GBIA, mo yeke mbirimbiri ahon ndoni, mbi lingbi ti dekite na mo pepe; me mbi ye ti hunda na mo tënë na ndö ti alege ti fango ngbanga ti mo: Ngbanga ti nyen si gigi ti azo ti sioni ayeke ga nzoni so? Ngbanga ti nyen si azo so ake tënë ti mo ayeke duti ti ala kpoo so?

Ezekiel 33:10

“Ti mo, *molenge ti zo, tene na azo ti Israel, mo tene: Tënë so ala tene ayeke so: ‘Ngangu li ti e na siokpari ti e ane na ndö ti e; ndali ni, e yeke kui kuingo. E lingbi ti duti na fini tongana nyen?’

Ezekiel 7:16

Azo so ayeke ngba na fini ayeke kpe ti gue na li ti ahoto. Tongana ti so *ambipa ti apopo-hoto so ayeke dema, zo oko oko ayeke dema ndali ti sioni ti lo.

Daniel 9:14

Ndani laa mo leke ye kue titene sioni kpale so asi na e, ngbanga ti so KOTA GBIA Nzapa ti e ayeke mbirimbiri na ya ti asarango ye ti lo kue; me e ke ti ma yanga ti mo.

Awayango-sandaga 26:40

“Me azo so ayeke ngba na fini, fade ala yeke fa na gigi sioni ti ala na ti akotara ti ala. Ala yeke tene: ‘E sara ye so ayeke sioni mingi ti ke KOTA GBIA, e sara ngangu li na lo.’

Awayango-sandaga 26:41

Tongaso, ala yeke hinga atene, mbi nga, mbi sara ngangu li na ala si mbi tokua ala na kodro ti awato ti ala. Mbeni lâ, tongana ala fâ be ti ala na *ganza si ala sara tere ti ala kete, ala yeda titene mbi pika ala ndali ti sioni ti ala,

Jean 8:21

Jésus akiri atene na ala: “Mbi yeke gue; fade ala yeke gi mbi, me ala yeke kui na ya ti siokpari ti ala. Ala lingbi ti gue pepe na ndo so mbi yeke gue daa.”

Jean 8:24

Ndani laa mbi tene na ala, mbi tene, ala yeke kui ande na ya ti siokpari ti ala. Biani, tongana ala ma na be pepe so ‘Mbi Yeke’, fade ala yeke kui na ya ti siokpari ti ala.”

Rome 10:3

Lege so Nzapa aleke titene zo amu si lo ga mbirimbiri na le ti lo, azuife ahinga ni pepe, ala leke lege ti ala wani ti ga mbirimbiri. Tongaso ala ke lege so Nzapa aleke titene zo amu si lo ga mbirimbiri.

Rome 3:19

E hinga so atënë ti *Ndia kue abaa azo so ayeke na gbe ti Ndia. Tongaso si zo oko awara tënë ti kiringo na ni pepe si na le ti Nzapa, ngbanga ayeke na li ti azo ti dunia kue.

1 Korente 15:17

Tongana Christ azingo na kuâ pepe, andaa mabe ti ala ayeke senge senge, siokpari ti ala angba na li ti ala.

Josué 22:15

Ala gue na sese ti Galaad, na mbage ti azo ti mara ti Ruben, ti Gad na ti ndambo ti mara ti Manase si ala tene na ala, atene: