Esdras 9:14 - Mbeti ti Nzapa - Tënë so amu fini

¹⁴ Fade e yeke kiri ti ke atënë ti ndia ti mo tongana nyen? E lingbi ti sara songo na lege ti mungo tere koli na wali na azo so sarango ye ti ala ayeke sioni mingi so tongana nyen? Tongana e sara tongaso, fade ngonzo ti mo ayeke londo na tere ti e si mo fâ e kue kue kue ti hunzi e pepe?

Esdras 9:14 ပူးပေါင်းရင်းမြစ်များ

Esdras 10:10

Wayango-sandaga Esdras alondo si lo tene na ala: “Azo ti Israel, ala sara ye so ayeke sioni mingi na lege so ala mu awali so ayeke awande ti ga awali ti ala. So ayeke mbeni siokpari so ala zia na ndö ti asiokpari so azo ni asara awe.

Esdras 9:2

Azo ti Israel amu amolenge ti amara ni so ti ga awali ti ala; ala mu nga amolenge ti amara ni so na amolenge ti ala ti koli ti ga awali ti ala. Nilaa azo so Nzapa azia ala nde ndali ti lo abongbi na azo ti kodro ni si ala ga oko. Amakonzi na akota zo ayeke akozo zo ti sara mara ti asioni ye mingi tongaso.”

Esdras 9:8

Me fadeso, gi na ya ti kete ngoi, KOTA GBIA Nzapa ti e, mo sara nzoni be na e. Mo sara si ambeni zo na popo ti e angba na fini si ala kiri ti duti na sese so mo zia ni nde ndali ti mo. Nilaa mo Nzapa ti e, mo zi le ti e, mo sara si e wara pasa ti duti na fini, ataa so e yeke na gbe ti ngbaa.

Néhémie 13:18

Akotara ti ala asara ando gi tongaso. Ndani laa Nzapa ti e asara si akpale so kue aga na ndö ti e nga na gbata ti e. Ti ala, na sarango titene lango ti wungo tere aga sioni, ala yeke sara titene ngonzo ti Nzapa akiri alondo ngangu na tere ti azo ti Israel”.

Sigingo 23:32

Alingbi ala na azo ni wala ala na anzapa ti azo ni aga ambuki pepe.

Sigingo 32:10

Fadeso, zia mbi! Ngonzo ti mbi ayeke londo na tere ti ala tongana wâ si mbi yeke hunzi ala kue. Na pekoni, mbi yeke sara titene mbeni kota mara abaa gigi na lege ti mo.”

Ésaïe 1:9

Tongana KOTA GBIA so ayeke na ndö ti dunia kue abata fade ambeni zo oko oko na ya ti kodro ni pepe, ka e ga tongana Sodome, ka e kpa Gomore.

Jérémie 44:9

Sioni so kue ababâ ti ala, agbia ti Juda na awali ti ala asara nga na sioni so ala wani na awali ti ala asara na kodro ti Juda nga na ndö ti abalabala ti Jérusalem so, be ti ala agirisa na ni awe?

Jérémie 46:28

Mo Israel, zo ti kua ti mbi, sara mbeto pepe! So tënë ti yanga ti KOTA GBIA laa. Biani, mbi yeke na mo. Amara so kue mbi kangbi mo lani na popo ti ala, mbi yeke fâ ala kue ti hunzi ala; me ti mo, mbi yeke hunzi mara ti mo pepe. Biani, mbi pika mo, me na legeni; mbi lingbi fade ti zia mo senge tongaso pepe!”

Ezekiel 6:8

Me mbi yeke zia ambeni zo na popo ti ala angba na fini na peko ti bira. A yeke kangbi azo ni so na ya ti akodro wande.

Wungo ti azo 16:21

“Ala londo na popo ti azo ni ahon, mbi yeke hunzi ala kue fafadeso.”

Jean 5:14

Na pekoni, Jésus atengbi na koli ni na ya ti kota da ti Nzapa si lo tene na lo: “Tere ti mo aga nzoni fadeso awe. Kiri mo sara siokpari pepe, ngbanga ti fade mbeni ye ti sioni asi na mo ahon ti kozo.”

Rome 6:1

Tongaso, fade e yeke tene nyen? Alingbi e ngba na ya ti siokpari si nzoni be ti Nzapa awu ahon ndoni?

Ndia ti fani use ni 9:14

Mo zia na mbi lege: mbi ye ti fâ ala kue, mbi ye ti zi iri ti ala biani biani na ndö ti sese so. Na pekoni, na lege ti mo, mbi yeke sara titene mbeni ngangu mara abaa gigi, mbeni mara so ayeke kota ahon mara ti azo ti Israel.”

Ndia ti fani use ni 9:8

Na hoto ti Horeb, ala zia ngonzo mingi na be ti KOTA GBIA, asara si lo ye lani ti fâ ala kue.

Awafango-ngbanga 2:2

Me mbi mu yanga na ala titene ala na azo ti kodro so aga ambuki pepe. Fade ala kungbi agbalaka ti azo ni kue na sese. Me ala ma yanga ti mbi pepe. Nyen laa ala sara so, nyen?