Esdras 9:13 - Mbeti ti Nzapa - Tënë so amu fini

¹³ Nzapa ti e, akpale so kue asi na e ndali ti asioni sarango ye ti e nga ndali ti kota sioni ye so e sara. Me mo fâ ngbanga na li ti e alingbi na asioni ti e ni pepe. Mo sara si e ngba na fini, e so e yeke ge so.

Esdras 9:13 ပူးပေါင်းရင်းမြစ်များ

Néhémie 13:18

Akotara ti ala asara ando gi tongaso. Ndani laa Nzapa ti e asara si akpale so kue aga na ndö ti e nga na gbata ti e. Ti ala, na sarango titene lango ti wungo tere aga sioni, ala yeke sara titene ngonzo ti Nzapa akiri alondo ngangu na tere ti azo ti Israel”.

Néhémie 9:32

Nzapa ti e, mo yeke kota Nzapa, mo yeke ngangu, mo yeke mu mbeto na zo; *mbuki so mo sara na e, mo yeke bata tënë ni mbirimbiri. Ti londo na ngoi ti agbia ti Asirii ngbii asi laso, aye ti ngangu so asi na e wani, agbia ti e na amakonzi ti e, awayango-sandaga na awayanga-Nzapa ti e, akotara ti e na azo ti mo kue, ayeke nzoni mo baa ni tongana senge ye pepe.

Mbeti ti Job 11:6

Tongana lo fa fade na mo nda ti ndara ti lo, ndara ti lo so ahon hingango ndo ti zo, ka mo hinga, mo tene, be ti Nzapa agirisa mbage ti sioni ti mo.

Abia (Psaumes) 103:10

Lo sara ye na e alingbi na siokpari ti e pepe, lo futa e alingbi na asioni ti e pepe.

Abia ti demango tere 3:22

Anzoni be ti KOTA GBIA angba lakue, ndoye ti lo ayeke hunzi laoko pepe.

Habakuk 3:2

*KOTA GBIA, mbi ma tënë so mo tene awe; mbeto agbu mbi ndali ti ye so mo sara. KOTA GBIA, na ya ti angu so ayeke ga so, sara si aye ni abaa gigi; na ya ti angu so ayeke ga so, sara si azo abaa ni. Me tongana mo sara ngonzo, mo girisa ti baa mawa ti zo pepe.

Galasii 3:4

Aye so kue asi ando na ala so, asi gi senge? Mbi baa ti mbi, mbi tene, ayeke senge pepe.