Esdras 9:12 - Mbeti ti Nzapa - Tënë so amu fini

¹² Tongaso ala azo ti Israel, ala mu amolenge ti ala ti wali na amolenge-koli ti amara ni pepe; ala soro awali na popo ti azo ti amara ni pepe ti mu na amolenge ti ala ti koli. Ala gi nzoni dutingo na nzoni maingo ti amara ni pepe; tongaso si ala, azo ti Israel, ala lingbi ti ga ngangu mara, ala yeke te anzoni ye ti sese ni si ala yeke zia sese ni na amolenge ti ala titene aga ti ala kpu na kpu.’

Esdras 9:12 ပူးပေါင်းရင်းမြစ်များ

1 Mbai 28:8

Ti fadeso, na le ti azo ti Israel kue, na le ti bongbi ti azo ti KOTA GBIA nga na le ti Nzapa ti e, ayeke nzoni ala, a-ita ti mbi, ala bata andia kue ti KOTA GBIA, Nzapa ti ala. Tongaso si ala yeke ngba na nzoni kodro so si ala yeke zia ni titene aga ti amolenge ti ala kpu na kpu.

2 Mbai 19:2

Zo ti bango nda ti aye Yehu, molenge ti Hanani, aga awara gbia Yosafat na lege si atene na lo: “Mo mu maboko na sioni zo tongaso ngbanga ti nyen? Azo so be ti ala ake *KOTA GBIA so, mo ye ala ngbanga ti nyen? Ndali ti ye so mo sara so, KOTA GBIA ayeke sara ngonzo na tere ti mo.

Esdras 9:2

Azo ti Israel amu amolenge ti amara ni so ti ga awali ti ala; ala mu nga amolenge ti amara ni so na amolenge ti ala ti koli ti ga awali ti ala. Nilaa azo so Nzapa azia ala nde ndali ti lo abongbi na azo ti kodro ni si ala ga oko. Amakonzi na akota zo ayeke akozo zo ti sara mara ti asioni ye mingi tongaso.”

Sigingo 23:32

Alingbi ala na azo ni wala ala na anzapa ti azo ni aga ambuki pepe.

Amato 13:22

Zo ti nzoni ayeke zia anzoni ye na peko ti kuâ ti lo na *ahale ti lo; me mosoro ti zo ti siokpari ayeke ngba ndali ti azo ti mbirimbiri.

Amato 20:7

Zo ti mbirimbiri so fini ti lo ayeke na legeni, amolenge ti lo ayeke baa nzoni na peko ti lo!

Ésaïe 1:19

Tongana ala yeda si ala ma tënë ti mbi, fade ala yeke te anzoni kobe ti kodro ni.

Ndia ti fani use ni 23:6

Me KOTA GBIA Nzapa ti ala ake ti ma Balaam. KOTA GBIA Nzapa ti ala asara si tënë ti dengo ba ni akiri aga tënë ti tufa na ndö ti ala, azo ti Israel, ngbanga ti so KOTA GBIA aye ala.

Ndia ti fani use ni 23:7

Na ngoi so kue ala yeke ngba na fini, fade ala yeke gi maingo ti azo ti mara ni so oko pepe, ala yeke gi nzoni dutingo ti ala oko pepe.

Ndia ti fani use ni 7:3

ala sara kogara na azo ti amara ni pepe, ala mu amolenge ti ala ti wali pepe ti ga awali ti amolenge ti ala ti koli; ala soro na popo ti amara ni pepe awali ti mu na amolenge ti ala ti koli.