Esdras 9:11 - Mbeti ti Nzapa - Tënë so amu fini

¹¹ so mo fa na e na lege ti awayanga-Nzapa, azo ti kua ti mo! Lani mo gboto mê ti e, mo tene: ‘Sese so ala yeke gue ti mu ni titene aga ti ala so ayeke *sioni, ngbanga ti so amara so aduti na sese ni ayeke *sioni; ala sara si asioni ye so zo alingbi ti baa na le ti lo fani use pepe amu ndo kue na sese ni.

Esdras 9:11 ပူးပေါင်းရင်းမြစ်များ

2 Agbia 21:16

Na ndö ni kue, Manase afâ gba ti azo so asara sioni oko pepe si mene ti azo ni amu ya ti gbata ti Jérusalem kue. Siokpari ti fango azo ni aga na ndö ti siokpari so lo sara ti pusu azo ti Juda ti sara ye so ayeke sioni na le ti KOTA GBIA.

2 Mbai 33:2

Lo sara ye so ayeke sioni na le ti *KOTA GBIA. Lo mu gi peko ti sioni sarango ye ti amara so KOTA GBIA atumba ala na ya ti kodro ni si lo mu kodro ni na azo ti Israel; sioni sarango ye so zo alingbi ti baa na le ti lo fani use pepe.

Esdras 6:21

Tongaso, azo ti Israel so alondo na kodro wande akiri, ala kue ate kobe ti Pake legeoko na azo so angba na kodro, ala so azia lani lege ti sarango ye ti akotara ti amara nde ti sese ni so aga *sioni so. Azo ni abongbi oko na a-ita ti ala, atanga ti azuife ti voro *KOTA GBIA Nzapa ti Israel.

Esdras 9:1

Na peko ti aye so, amakonzi ti azo ti Israel aga atene na mbi: “Ataa asenge zo, ataa awayango-sandaga, ataa azo ti mara ti Lévi, mbeni zo so aduti nde na azo ti ambeni mara ayeke daa pepe. Ala sara gi asioni ye so zo alingbi ti baa na le ti lo fani use pepe; asioni ye so azo ti Kanaan, azo ti mara ti Het, ti Perizi, ti Yebus, ti Amon, ti Moab, ti Ezipte na ti Amori asara.

Esdras 9:10

“Fadeso, Nzapa ti e, e lingbi ti tene nyen na peko ti ye so asi so? Biani, e zia lege ti atënë ti ndia

Jérémie 26:5

Ala ma tënë ti azo ti kua ti mbi, awayanga-Nzapa! Mbi mu ngoi ti mbi kue ti tokua na ala awayanga-Nzapa, me ala ma ala pepe.

2 Korente 7:1

A-ita ti mbi so mbi ye ala mingi, azendo so kue ayeke ndali ti e. Tongaso, e *sukula sioni so kue ayeke na tere ti e nga na be ti e. Na lege ti kpengo mbeto ti Nzapa, e gi lege ti mu tere ti e kue na lo.

Ndia ti fani use ni 12:31

Ala azo ti Israel, tongana ala yeke voro KOTA GBIA Nzapa ti ala, alingbi ala sara ye tongana ti amara ni so pepe. Biani, amara ni so ayeke sara asioni ye nde nde na nzapa ti ala, asioni ye so zo alingbi ti baa na le ti lo fani use pepe, aye so be ti KOTA GBIA ake ni: azo ni amu amolenge ti ala ti koli na ti wali ti gbi ala na wâ ti mu na *sandaga na anzapa ti ala nga!

Ndia ti fani use ni 18:12

Biani, zo ti sarango ye tongaso ayeke sioni mingi na le ti KOTA GBIA. Ndani laa, fade KOTA GBIA Nzapa ti ala ayeke tumba amara ni so na dawa ti ala, azo ti Israel.