Esdras 9:1 - Mbeti ti Nzapa - Tënë so amu fini

¹ Na peko ti aye so, amakonzi ti azo ti Israel aga atene na mbi: “Ataa asenge zo, ataa awayango-sandaga, ataa azo ti mara ti Lévi, mbeni zo so aduti nde na azo ti ambeni mara ayeke daa pepe. Ala sara gi asioni ye so zo alingbi ti baa na le ti lo fani use pepe; asioni ye so azo ti Kanaan, azo ti mara ti Het, ti Perizi, ti Yebus, ti Amon, ti Moab, ti Ezipte na ti Amori asara.

Esdras 9:1 ပူးပေါင်းရင်းမြစ်များ

Tongo nda ti aye 15:16

Fade amolenge ti mo ti molongo osio ni, ahale ti mo ayeke kiri ge, ngbanga ti so na ngoi ni so, ade sioni ti azo ti mara ti Amori ahon ndoni pepe.”

1 Agbia 11:1

Gbia Salomon aye awali mingi so ayeke ti mara nde. Kozoni, lo mu molenge ti Faraon ti wali; na pekoni lo mu ambeni wali ti mara ti Moab, ti Amon, ti Edom, ti Sidon na ti Het.

2 Mbai 33:2

Lo sara ye so ayeke sioni na le ti *KOTA GBIA. Lo mu gi peko ti sioni sarango ye ti amara so KOTA GBIA atumba ala na ya ti kodro ni si lo mu kodro ni na azo ti Israel; sioni sarango ye so zo alingbi ti baa na le ti lo fani use pepe.

2 Mbai 8:7

Ambeni zo angba na ya ti kodro ni so ala yeke ti Israel pepe: azo ti mara ti Het, ti Amon, ti Perizi, ti Hivi nga na ti Yebus.

Esdras 10:2

Tongaso Shekania, molenge ti Yehiel, mbeni zo ti kete mara ti Elam atene na Esdras: “E sara ye so ayeke sioni mingi na Nzapa ti e na lege so, na popo ti azo ti kodro ni, e mu awali so ayeke awande ti ga awali ti e. Me fadeso, mbeni ye so azo ti Israel alingbi ti zia be ti ala ti ku ayeke daa:

Esdras 10:8

Amakonzi na *akangba amu yanga atene, zo so aga pepe na ya ti lango ota, fade a yeke gbanzi akungba ti zo ni kue; na pekoni, a yeke tumba lo na ya ti bongbi ti azo so a gbu ala si a gue na ala na kodro wande.

Néhémie 13:23

Na ngoi ni so nga, mbi baa so ambeni zuife amu awali ti mara ti Asdod, ti Amon na ti Moab ti ga wali ti ala.

Néhémie 4:3

Tongaso e sambela Nzapa ti e si e zia asanziri ti duti bi na lâ ti kanga lege na ala.

Néhémie 4:7

Tongaso mbi leke mbeni ndo so gbagba ni ayeke na gbeni, na peko ti gbagba ni, mbi zia azo ni na lege ti kete mara ti ala; ayongoro zeme, alikongo na akokora ayeke na maboko ti ala.

Néhémie 9:2

Azo ti Israel azi tere ti ala si ala luti yamba na azo ti mara nde; azo ti Israel ni atene siokpari ti ala wani na gigi nga na ti akotara ti ala.

Abia (Psaumes) 106:35

Ala bongbi na azo ti amara nde si ala manda lege ti sarango ye ti azo ni.

Sigingo 13:5

Tongana KOTA GBIA asara si ala si na kodro ti azo ti Kanaan, azo ti mara ti Het, ti Amori, ti Hivi nga na ti azo ti Yebus, fade ala yeke sara matanga so na ya ti nze so. Kodro so KOTA GBIA adeba yanga ti lo na akotara ti ala ti mu ni na ala laa; ngu ti me ti bagara na mafuta ti wotoro asi singo daa.

Sigingo 23:23

“Na ndembe so ange ti mbi ayeke tambula na dawa ti ala ti gue na ala na ndo ti azo ti mara ti Amori, ti Het, ti Perizi, ti Kanaan, ti Hivi na ti Yebus, fade mbi yeke hunzi amara ni so kue.

Sigingo 33:16

Biani, tongana mo gue na e pepe, nyen laa ayeke fa atene, mo baa mbi na azo ti mo na nzoni le? Ye so ayeke fa atene, mbi na azo ti mo, e yeke nde na tanga ti amara ti ndö ti sese so ayeke so, mo yeke na popo ti e si mo yeke tambula na e.”

Ésaïe 52:11

Ala so ayeke yo akungba so a zia nde ndali ti kua ti *KOTA GBIA, ala hon, ala hon, ala londo na Babilone, ala hon! Ye so ayeke sioni, ala ndu ni pepe. Ala bata tere ti ala *nzoni na sigingo ti ala.

Jérémie 26:10

So agbenyogbia ti Juda ama tënë so, ala londo na yangbo ti gbia si ala gue na kota da ti Nzapa; ala duti na yanga ti kota da ti Nzapa so iri ni Fini yanga-da.

Jérémie 26:16

Tongaso, agbenyogbia ni na azo ni kue atene na awayango-sandaga nga na awayanga-Nzapa, atene: “Koli so alingbi na kuâ pepe! Biani, na iri ti KOTA GBIA Nzapa ti e laa lo tene tënë na e.”

Awayango-sandaga 18:3

Ye so azo asara na sese ti Ezipte, ala sara ni pepe; ala lango ando kâ. Ye so azo asara na sese ti Kanaan, ndo so mbi yeke sara titene ala gue daa so, ala sara ni pepe. Ala sara ye alingbi na andia ti azo ni pepe.

Malashii 2:11

Azo ti Juda asara ye so ayeke nde na tënë ti mbuki ni. Na Jérusalem nga na kodro ti Israel kue, ala sara ye ti sioni mingi. Biani, ndo so a zia ni nde ndali ti KOTA GBIA si lo ye tënë ni mingi so, ala sara si aga buba ye na lege ti mungo ambeni wali so ayeke voro anzapa nde.

Wungo ti azo 23:9

Na li ti akota têne so mbi yeke daa, mbi yeke baa ala; na li ti akete hoto so mbi yeke daa, le ti mbi angba ti baa ala; ala yeke azo so aduti nde. Ala bongbi tere na ambeni mara nde pepe.

Wungo ti azo 25:6

Na ndembe ni so, mbeni zo ti Israel amu mbeni wali ti mara ti Madian, lo ga na lo na popo ti azo ti Israel, taa na le ti Moïse nga na le ti bongbi ti azo ti Israel kue. Andaa azo ti Israel abongbi na yanga ti da ti bongo so KOTA GBIA na azo ti lo ayeke wara tere daa si ala yeke toto.

Ndia ti fani use ni 18:9

Moïse atene: Tongana ala li ande na sese so *KOTA GBIA amu na ala, fade ala yeke manda sioni sarango ye ti amara ni so pepe; sioni sarango ye so zo alingbi ti baa na le ti lo fani use pepe so.

Ndia ti fani use ni 23:8

Fade ala, azo ti Israel, ala yeke baa azo ti mara ti Edom tongana asioni zo pepe, ngbanga ti so ala yeke a-ita ti ala. Ala yeke baa nga azo ti Ezipte tongana asioni zo pepe, ngbanga ti so ala yeke ando awande na kodro ti ala.

Ndia ti fani use ni 7:1

Moïse atene: Fade *KOTA GBIA Nzapa ti ala ayeke gue na ala titene ala li na ya ti kodro so ala yeke mu ni titene aga ti ala. Lo yeke tumba gba ti amara nde na dawa ti ala, amara mbarambara so awu mingi si ala yeke ngangu mingi ahon ala: azo ti mara ti Het, ti Girgashi, ti Amori, ti Kanaan, ti Perizi, ti Hivi na ti Yebus.

Josué 23:12

Tongana ala zia lege ti KOTA GBIA si ala ngba na tere ti amara so ayeke na popo ti ala, tongana ala mu amolenge ti ala ti wali ti ga awali ti ala, tongana ala gue na ndo ti amara ni si amara ni aga na ndo ti ala,