Esdras 8:35 - Mbeti ti Nzapa - Tënë so amu fini

³⁵ Azo so a gbu ala lani, a gue na ala na kodro wande si ala kiri so, ala mu *asandaga so a yeke gbi ni kue na wâ na Nzapa ti Israel: ala mu na lo akoli-bagara baleoko na use ndali ti azo ti Israel kue, akoli-taba balegumbaya na omene, amolenge ti taba balembarambara na mbarambara. Ala mu nga akoli-ngasa baleoko na use ndali ti zingo siokpari na li ti ala wani. Ala mu anyama so kue na sandaga so a yeke gbi ni kue na wâ ndali ti *KOTA GBIA.

Esdras 8:35 ပူးပေါင်းရင်းမြစ်များ

Esdras 2:1

Nabukodonosor, gbia ti Babilone agbu ando azo si ague na ala na Babilone. Fadeso, mingi ti azo ni akiri na Jérusalem nga na Juda. Zo oko oko akiri na ya ti gbata ti lo wani.

Esdras 6:17

Ndali ti matanga ni, ala mu na *sandaga akoli-bagara ngbangbo oko, akoli-taba ngbangbo use, amolenge ti taba ngbangbo osio. Ndali ti sandaga ti zingo siokpari na li ti ala, ala mu akoli-ngasa baleoko na use alingbi na wungo ti amara ti Israel.

Esdras 8:34

So a diko aye ni kue si a haka ni awe, a su nengo ni kue na mbeti.

Wungo ti azo 7:27

Lo mu koli-bagara oko, koli-taba oko, kete taba oko ti ngu oko ndali ti sandaga so a yeke gbi ni kue na wâ.