Esdras 8:28 - Mbeti ti Nzapa - Tënë so amu fini

²⁸ Mbi tene na ala: “A zia ala nde ndali ti kua ti *KOTA GBIA awe. Legeoko nga a zia aye so nde ndali ti lo awe. Wen ti nginza na lôro so ayeke aye so azo amu na be ti ala wani na KOTA GBIA, Nzapa ti akotara ti ala.

Esdras 8:28 ပူးပေါင်းရင်းမြစ်များ

1 Mbai 23:28

Kua ti ala ayeke ti mu maboko na ahale ti Aaron na ya ti da ti KOTA GBIA, na ya ti gbagba ni nga na ya ti akubu ni; ala yeke *sukula sioni ti aye so kue a zia ni nde ndali ti Nzapa; ala yeke sara akua nde nde ti da ti Nzapa:

1 Mbai 26:20

Mbeni zo ti mara ti Lévi, Ahia, kua ti lo ayeke ti baa ndo na ndö ti kubu so a bata amosoro ti kota da ti Nzapa daa nga na aye so a zia nde ndali ti Nzapa.

2 Mbai 24:14

So ala hunzi kua ni awe, ala ga na tanga ti nginza ni na gbia nga na Yoyada. Azo so ayeke baa ndo na ndö ti kua ni amu nginza ni si asara na akungba ndali ti kota da ti KOTA GBIA: asembe ti sarango na kua ti KOTA GBIA, asembe ndali ti *asandaga so a yeke gbi ni kue na wâ, akopo nga na ambeni kungba so a sara na lôro nga na wen ti nginza. Na lango so kue Yoyada angba na fini, a yeke mu asandaga so a yeke gbi ni kue na wâ lakue lakue na ya ti kota da ti KOTA GBIA.

Esdras 8:27

Mbi mu na ala kota sembe ti lôro so ngere ni alingbi na ale ti lôro 1 000; ata use so a sara ni na bengba wen si ayeke za zango, apendere mingi si ayeke nga ye ti ngangu ngere tongana lôro.

Sigingo 35:29

Azo ti Israel kue, akoli wala awali ti nzoni be, na be ti ala wani, ala ga na aye so alingbi ti sara na kua so KOTA GBIA amu yanga daa na Moïse.

Ésaïe 52:11

Ala so ayeke yo akungba so a zia nde ndali ti kua ti *KOTA GBIA, ala hon, ala hon, ala londo na Babilone, ala hon! Ye so ayeke sioni, ala ndu ni pepe. Ala bata tere ti ala *nzoni na sigingo ti ala.

Wungo ti azo 7:13

Amatabisi so lo ga na ni ayeke so: kpangbara sembe oko ti wen ti nginza, nengo ni ayeke grame 1 300, du ti sembe oko ti wen ti nginza, nengo ni ayeke grame 700. Nengo ni kue alingbi na kilo so a yeke haka ka na ye na ndo so a zia nde ndali ti Nzapa. Asembe ni use kue asi na farini so a gbu ya ni na mafuta ndali ti *sandaga ti ale ti kobe.

Ndia ti fani use ni 33:8

Ndali ti mara ti Lévi, Moïse atene: “KOTA GBIA, lani Urim na Tumim ayeke ti azo ti mara ti Lévi so ayeke taa azo ti kua ti mo; azo ti mo so mo tara be ti ala lani na Masa si mo gi tënë na ala na ngu ti Meriba so.