Esdras 8:23 - Mbeti ti Nzapa - Tënë so amu fini

²³ Ndani laa e ke kobe, e hunda na Nzapa ti e ti bata e; tongaso lo ma sambela ti e.

Esdras 8:23 ပူးပေါင်းရင်းမြစ်များ

Tongo nda ti aye 25:21

Isaac avoro tere ti lo mingi na KOTA GBIA ndali ti wali ti lo, ngbanga ti so wali ti lo ni ayeke wali ti dungo ni pepe. KOTA GBIA abaa mawa ti lo si wali ti lo Rébecca amu ngo.

2 Agbia 13:4

Me Yoakaz avoro tere ti lo na KOTA GBIA titene lo kai ngonzo ti lo ni; nilaa KOTA GBIA ama lo, ngbanga ti so lo baa lege so gbia ti Sirii ayeke sara ngangu na azo ti Israel.

1 Mbai 5:20

Na ngoi ti bira ni, ala toto na Nzapa; lo yeda na sambela ti ala si lo mu maboko na ala, ngbanga ti so ala zia be ti ala na lo. Tongaso ala hon ndö ti azo ti mara ti Hagri nga na asongo ti ala.

Esdras 8:31

Na lango baleoko na use ti kozo nze ni, e londo na tere ti ngu ti Ahava ti gue na Jérusalem. Na lege, maboko ti Nzapa ti e ayeke na ndö ti e, lo bata e na maboko ti awato ti e nga na maboko ti azaragina so ayeke ku e na lege ti sara sioni na e.

Néhémie 9:1

Na lango baleuse na osio ti oko nze ni so, azo ti Israel abongbi ti ke kobe ti sambela. Ala yu bongo ti mua, ala tuku fuku ti sese na li ti ala.

Esther 4:16

“Gue mo bongbi azuife so kue ayeke na Suze, mo tene na ala titene ala ke kobe ti sambela ndali ti mbi; bi na lâ na ya ti lango ota, ala te kobe pepe, ala nyon ngu pepe. Mbi nga, mbi na azo ti kua ti mbi ti wali, e yeke sara ande tongaso. Na pekoni, mbi yeke gue na tere ti gbia, ataa so ndia agbanzi lege ni; ti kuâ ni, mbi yeke kui!”

Amato 3:5

Mo zia be ti mo na ndö ti hingango ndo ti mo wani pepe, me mo zia be ti mo kue na ndö ti KOTA GBIA.

Ésaïe 19:22

Tongaso, KOTA GBIA ayeke pika azo ti Ezipte. Lo yeke pika ala, me lo yeke kai kobela ti ala: fade ala yeke kiri na KOTA GBIA, lo yeke ma ala si lo yeke kai kobela ti ala.

Jérémie 33:3

Mo iri mbi, fade mbi yeke yeda; mbi yeke fa na mo akota ye, aye so angba na hondengo ni so mo hinga pepe.

Daniel 9:3

Mbi yo le ti mbi na nduzu ti baa ndo na mbage ti KOTA GBIA ti sambela lo, ti voro tere ti mbi na lo. Mbi ke kobe, mbi yu bongo ti mua si mbi tuku mburu ti wâ na li ti mbi.

Nzoni Tënë so Luc asu na mbeti 2:37

Na pekoni, lo ga wali-mua; lo yeke na ngu balemiombe na osio, lo ngba gi na ya ti kota da ti Nzapa; bi na lâ, lo yeke sara kua ti Nzapa, lo yeke ke kobe si lo yeke sambela.

Awatokua 10:30

Corneille akiri tënë: “Asara lango ota laso, na ngbonga ota ti peko ti bekombite, mbi yeke sambela na ya ti da ti mbi. Mo ye ti baa, mbeni koli so bongo ti tere ti lo aza zango aga aluti na dawa ti mbi;

Ndia ti fani use ni 4:29

Tongaso, na kodro ni kâ, ala yeke gi KOTA GBIA Nzapa ti ala. Tongana ala gi lo na be ti ala kue, na yingo ti ala kue, fade ala yeke wara lo.