Esdras 8:21 - Mbeti ti Nzapa - Tënë so amu fini

²¹ Kâ na tere ti ngu ti Ahava, mbi mu yanga titene e ke kobe, e sara tere ti e kete na gbe ti Nzapa. Tongaso si e, na asewa ti e, e hunda na lo ti sara si tambula ti e ague nzoni si ye asara akungba ti e pepe.

Esdras 8:21 ပူးပေါင်းရင်းမြစ်များ

2 Mbai 20:3

Mbeto agbu Yosafat si lo leke na be ti lo ti hunda *KOTA GBIA. Lo hunda na azo ti Juda kue titene ala ke kobe ti sambela.

2 Mbai 20:4

Azo ti Juda alondo na ya ti agbata kue ti kodro ni, ala bongbi tere ti ala titene ala gi KOTA GBIA.

Esdras 8:15

Mbi bongbi azo ni na tere ti ngu so ayeke sua, ague na mbage ti Ahava; e duti na ndo so lango ota. Na popo ti azo ni, mbi baa so asenge zo ayeke daa, ala na awayango-sandaga; me zo ti mara ti Lévi oko ayeke daa pepe.

Esdras 8:31

Na lango baleoko na use ti kozo nze ni, e londo na tere ti ngu ti Ahava ti gue na Jérusalem. Na lege, maboko ti Nzapa ti e ayeke na ndö ti e, lo bata e na maboko ti awato ti e nga na maboko ti azaragina so ayeke ku e na lege ti sara sioni na e.

Néhémie 9:1

Na lango baleuse na osio ti oko nze ni so, azo ti Israel abongbi ti ke kobe ti sambela. Ala yu bongo ti mua, ala tuku fuku ti sese na li ti ala.

Esther 4:16

“Gue mo bongbi azuife so kue ayeke na Suze, mo tene na ala titene ala ke kobe ti sambela ndali ti mbi; bi na lâ na ya ti lango ota, ala te kobe pepe, ala nyon ngu pepe. Mbi nga, mbi na azo ti kua ti mbi ti wali, e yeke sara ande tongaso. Na pekoni, mbi yeke gue na tere ti gbia, ataa so ndia agbanzi lege ni; ti kuâ ni, mbi yeke kui!”

Abia (Psaumes) 137:1

Kâ na yanga ti *abale ti Babilone, e duti si e yeke toto na ndembe so be ti e ati na ndö ti *Sion.

Abia (Psaumes) 5:8

Me ti mbi, ndali ti nzoni be ti mo, mbi lingbi ti li na ya ti kota da ti mo. Na mbeto na be ti mbi, mbi kuku, mbi voro mo na yanga ti kota da ti mo so ayeke nde si ayeke nzoni kue.

Abia (Psaumes) 5:9

KOTA GBIA, mo yeke mbirimbiri, fa na mbi lege ndali ti so awato ti mbi ayeke hara mbi; leke lege ti mo mbirimbiri na dawa ti mbi si mbi hon daa.

Abia (Psaumes) 8:2

*KOTA GBIA, Kota Gbia ti e, iri ti mo ayeke na gonda mingi na ndö ti sese kue! Pendere ti mo aza ahon pendere ti yayu!

Amato 3:6

Na ya ti sarango ye ti mo kue, mo dabe ti mo na lo; lo laa lo yeke leke lege so fade mo yeke tambula daa.

Ésaïe 30:21

Na ndembe so mo ye ti hon na mbage ti maboko ti koli wala na mbage ti maboko ti wali, mo yeke ma na peko ti mo mbeni go so ayeke tene: “Baa lege ni laa, mo mu ni!”

Ésaïe 35:8

Na ndo so, a yeke suru mbeni lege so a di iri ni “Lege so a zia nde”. Zo ti *sioni oko alingbi ti hon daa pepe, a yeke bata ni ndali ti azo ti KOTA GBIA titene ala tambula daa. Azo ti buba ayeke girisa lege na ndo so pepe.

Ésaïe 42:16

Mbi yeke sara si awaziba atambula na ndö ti lege so ala hinga pepe; mbi yeke sara si ala hon na ndö ti alege so ala hinga pepe. Na dawa ti ala, mbi yeke sara si vukongo ndo aga lumiere, lege so aba bango aluti mbirimbiri. Apialo so, fade mbi yeke sara ni, mbi yeke zia ni oko pepe.

Ésaïe 49:10

Nzara ti kobe na nzara ti ngu ayeke kiri ti sara ala pepe; pupu ti wâ ti benyama na sungo ti lâ ayeke zö ala pepe. Biani, mbi yeke baa mawa ti ala si mbi yeke fa lege na ala, mbi yeke gue na ala na ndo so li ti ngu ayeke daa.

Ésaïe 58:3

Me ala tene na mbi, atene: ‘So mo yeke baa e pepe so, e yeke ke kobe ngbanga ti nyen? So mo hinga tënë ni pepe so, e yeke kanga nzara ti ya ti e ngbanga ti nyen?’ Tongaso, mbi kiri tënë, mbi tene: Andaa na lango so ala ke kobe, ala yeke sara akua so ala yeke baa nzoni na peko ni, ala yeke sara ngangu na azo ti kua ti ala,

Ésaïe 58:5

Mara ti kengo kobe tongaso, lango so ala kanga nzara ti ya ti ala, so laa mbi ye ni? Ala yeke ba li ti ala na sese tongana sosongo, ala yeke yungo bongo ti mua, ala yeke lango na ya ti mburu ti wâ, so laa ala iri ni, kengo kobe? Mara ti lango tongaso laa anzere na be ti mbi?

Jérémie 10:23

KOTA GBIA, mbi hinga, zo ayeke makonzi na ndö ti lege ti lo wani pepe; zo so ayeke tambula na lege, lo yeke makonzi na ndö ti tambula ti lo pepe.

Jérémie 42:3

Ayeke nzoni KOTA GBIA, Nzapa ti mo afa na e lege so e lingbi ti mu nga na ye so e lingbi ti sara.”

Daniel 9:3

Mbi yo le ti mbi na nduzu ti baa ndo na mbage ti KOTA GBIA ti sambela lo, ti voro tere ti mbi na lo. Mbi ke kobe, mbi yu bongo ti mua si mbi tuku mburu ti wâ na li ti mbi.

Joël 1:14

Ala mu yanga titene azo azia mbeni lango nde ti ke kobe ti sambela Nzapa; ala iri azo ti bongbi ti voro Nzapa; ala bongbi *akangba na azo ti kodro kue na ya ti da ti *KOTA GBIA, Nzapa ti ala, ala dekongo na lo.

Awayango-sandaga 16:29

“So ayeke mbeni ndia so ayeke ngba kpu na kpu ndali ti ala: na lango baleoko ti nze mbarambara ni, fade ala yeke ke kobe ti sambela, ala yeke sara kua oko pepe, ataa ala azo ti Israel, ataa awande so aduti na popo ti ala.

Awayango-sandaga 16:31

Lango ni so ayeke *lango ti wungo tere, lango so ala yeke wu tere ti ala si ala yeke ke kobe. Ndia so ayeke ngba kpu na kpu.

Awayango-sandaga 23:29

Zo so ake kobe na lango ni so pepe, fade a yeke tumba lo na popo ti bongbi ti azo ti Israel.

Jonas 3:5

Azo ti Ninive ayeda na tënë ti Nzapa. Ti londo na azo ti mosoro asi na azo ti mawa, ala leke be ti ala kue ti ke kobe, ala yu bongo ti mua.

Jonas 3:7

Lo na akota zo ti Ninive amu mbeni mbela si ala dekongo na ni na ya ti gbata ni, atene: “Azo, abagara na ataba, na anyama kue, ala te mbeni ye oko pepe wala ala nyon ngu pepe.

Wungo ti azo 14:3

Ngbanga ti nyen *KOTA GBIA aga na e ge titene e kui kuâ ti yongoro zeme so? Fade awato ayeke gbu awali ti e na amolenge ti e kue. Ayeke fade nzoni titene e kiri na Ezipte!”

Wungo ti azo 14:31

Âdu ti akete molenge ti ala so lani ala tene, fade awato ayeke gbu ala so, amolenge ni laa mbi yeke sara titene ala li na ya ti kodro ni; ala yeke hinga kodro so ala, azo ti Israel ake ni so.

Awatokua 2:39

Biani, Nzapa amu zendo ni ndali ti ala, ndali ti amolenge ti ala nga ndali ti gba ti azo so kue ayeke na yongoro ndo, ala so kue fade Nzapa, Kota Gbia ti e ayeke iri ala.”

Awafango-ngbanga 20:26

Tongaso, azo ti Israel kue amu lege ague na Betel. Kâ, ala duti ti toto na dawa ti KOTA GBIA, ala ke kobe ngbii asi na lakui. Ala mu na KOTA GBIA *sandaga so a yeke gbi ni kue na wâ nga na sandaga ti beoko.

1 Samuel 7:6

Azo ti Israel abongbi na Mispa. Ala to ngu si ala tuku ni na sese na dawa ti KOTA GBIA. Na lango ni so, ala ke ti te kobe si ala tene: e sara siokpari so ake KOTA GBIA. Kâ na Mispa laa, Samuel asara kua ti wayango-sandaga na popo ti azo ti Israel.