Esdras 8:18 - Mbeti ti Nzapa - Tënë so amu fini

¹⁸ Ndali ti so maboko ti Nzapa ti e ayeke na ndö ti e, azo so mbi tokua ala so ague, aga na Sherebia, mbeni zo so le ti lo ahan mingi; Sherebia ayeke zo ti kete mara ti Mali, mbeni *hale ti azo ti mara ti Lévi, molenge ti Jacob. Sherebia na amolenge ti lo nga na a-ita ti lo laa aga; akoli kue ayeke 18.

Esdras 8:18 ပူးပေါင်းရင်းမြစ်များ

1 Mbai 6:1

Amolenge ti Lévi ayeke Gershom, Kehat na Merari.

1 Mbai 6:19

Elkana, Elkana ayeke molenge ti Yeroam, Yeroam ayeke molenge ti Eliel, Eliel ayeke molenge ti Toa, Toa ayeke molenge ti

1 Mbai 6:4

Amolenge ti Merari ayeke Mali na Mushi. Ala laa ayeke akotara ti azo ti kete mara ti Lévi.

2 Mbai 30:22

Ezekias atene tënë ti mu ngangu na be ti azo ti mara ti Lévi so kue kua ti KOTA GBIA agbu be ti ala. Na ya ti lango mbarambara kue, ala te kobe ti matanga ni, ala mu asandaga ti beoko si ala he bia ti sepela KOTA GBIA, Nzapa ti akotara ti ala.

Esdras 7:28

KOTA GBIA laa asara nzoni be na mbi na le ti gbia na awamungo-wango ti lo, nga na le ti akota zo so kue angoro lo. Be ti mbi awara ngangu ndali ti so maboko ti KOTA GBIA Nzapa ti mbi ayeke na ndö ti mbi, nilaa mbi wara lege ti bongbi ambeni kota zo ti Israel si mbi na ala, e gue so.”

Esdras 7:9

Lo fa lango ti guengo ni na Babilone na kozo lango ti kozo nze ni; lo si na Jérusalem na kozo lango ti nze oku ni, ngbanga ti so maboko ti Nzapa ti lo ayeke lani na ndö ti lo ti bata lo.

Esdras 8:16

Tongaso mbi iri amakonzi Eliezer, Ariel, Shemaya, Elnatan, Yarib, Elnatan, Natan, Zakarii, Meshulam na awafango-ndia use, Yoyarib na Elnatan.

Esdras 8:19

Ala ga nga na Hashabia; Yeshaya, zo ti kete mara ti Merari amu peko ti lo, lo na a-ita ti lo na amolenge ti ala; akoli kue ayeke 20.

Esdras 8:22

Tongana mbi hunda fade na gbia titene lo mu na e aturugu na azo ti kpengo na ambarata titene ala bata e na lege ndali ti awato ti e, ka kamene asara mbi. Biani, lani e tene na gbia, e tene: “Maboko ti Nzapa ti e ayeke na ndö ti azo so kue ayeke gi lo; me ngonzo ti lo ayeke londo ngangu na tere ti azo so azia lo.”

Esdras 8:24

Na pekoni, mbi soro akota zo ti awayango-sandaga baleoko na use, ala na Sherebia, Hashabia na amba ti ala baleoko, mbi zia ala nde.

Néhémie 10:12

Mika, Rehob, Hashabia,

Néhémie 12:24

Amakonzi ti azo ti mara ti Lévi Hashabia, Sherebia na Yeshua, molenge ti Kadmiel aluti abaa le na ambeni zo ti mara ti Lévi, ala yeke sepela Nzapa si ala yeke gonda lo, tongana ayeke ngoi ti ala ti sarango kua na ya ti kota da ti Nzapa. Amakonzi ni asara ye alingbi na yanga so David, zo ti Nzapa amu.

Néhémie 2:8

Ayeke nzoni a mu nga na mbi mbeni mbeti so mbi yeke gue na ni na Asaf, wabatango-gbako ti gbia. Tongaso, fade lo yeke mu na mbi akeke so alingbi titene a sara na ayanga ti gbagba ti bira so ayeke na tere ti kota da ti Nzapa. Mbi yeke mu nga akeke ni ti leke na agbagba ti gbata ni nga na da so mbi yeke lango ande na ya ni.” Gbia amu na mbi ambeti ni, ngbanga ti so maboko ti Nzapa ti mbi ayeke na ndö ti mbi ti bata mbi.

Néhémie 8:7

Na pekoni, ala londo, ala ngba na nduzu si azo ti mara ti Lévi Yeshua, Bani, Sherebia, Yamin, Akub, Shabetai, Hodia, Maaseya, Kelita, Azaria, Yozabad, Hanan na Pelaya ato nda ti fa nda ti Ndia na ala.

Amato 24:3

Na lege ti ndara si zo ayeke sara da; da ni ayeke luti mbirimbiri na lege ti hingango ndo ti lo;

Amato 3:6

Na ya ti sarango ye ti mo kue, mo dabe ti mo na lo; lo laa lo yeke leke lege so fade mo yeke tambula daa.

Jérémie 3:15

Fade mbi yeke mu na ala azo ti li ni so be ti mbi aye. Na lege ti nzoni hingango ndo na ndara, fade azo ni ayeke bata ala nzoni.

Daniel 1:20

Lakue gbia ayeke hunda na ala atënë so ahunda ndara na hingango ye. Nilaa lo baa amaseka-koli osio so ahinga ye fani baleoko ahon azo ti nganga na azo ti yoro so kue ayeke na ya ti kodro ti lo.

Wungo ti azo 3:20

Amolenge ti Merari na lege ti akete mara ti ala ayeke: Mali na Mushi. So ayeke akete mara ti Lévi na lege ti asewa ti ala oko oko laa.

1 Korente 14:20

A-ita, ayeke nzoni gbungo-li ti ala ayeke tongana ti amolenge pepe. Tongana ayeke tënë ti sarango sioni, ala ga tongana akete molenge so ahinga ti sara sioni pepe; me ayeke nzoni gbungo-li ti ala ayeke tongana ti akota zo.