Esdras 8:17 - Mbeti ti Nzapa - Tënë so amu fini

¹⁷ Mbi mu yanga na ala ti gue na ndo ti Ido, makonzi so ayeke lango na Kasifia. Mbi tene na ala tënë so ala lingbi ti tene na Ido nga na amba ti lo, azo ti kua ti kota da ti Nzapa si ala yeke lango na Kasifia. Mbi tokua ala titene ala gue, aga na azo ndali ti kua ti kota da ti Nzapa ti e.

Esdras 8:17 ပူးပေါင်းရင်းမြစ်များ

2 Samuel 14:19

Gbia ahunda wali ni: “Yoab ayeke na gbe ti atënë so mo tene so pepe?” Wali ni akiri tënë: “Gbia ayeke na fini! Mbi lingbi ti handa mo pepe! Biani, zo ti kua ti mo Yoab laa amu na mbi yanga; lo fa na mbi atënë so kue mbi lingbi fade ti tene.

2 Samuel 14:3

Na pekoni, mo gue, mo wara gbia. Tënë so mbi yeke tene na mo so, fade mo tene na lo.” Yoab afa na lo tënë so lo lingbi ti tene.

1 Mbai 9:2

Akozo zo so akiri na ya ti gbata ti ala ti kiri ti mu aye so ayeke lani ti ala ayeke asenge zo ti Israel, awayango-sandaga, azo ti mara ti Lévi na azo ti kua ti kota da ti Nzapa.

Esdras 2:43

Azo ti kua ti kota da ti Nzapa so akiri ayeke tongaso: azo ti ahale ti Siha, ti Hasufa, ti Tabaot,

Esdras 2:58

Ti azo ti kua ti kota da ti Nzapa na azo ti ahale ti azo ti sarango kua ti Salomon, wungo ti akoli kue ayeke 392.

Esdras 7:7

Na ya ti ngu mbarambara so Artakzerses ayeke gbia, ambeni zo ti Israel, ambeni wayango-sandaga, ambeni zo ti mara ti Lévi, ambeni zo ti hengo bia, ambeni sanziri na ambeni zo ti kua ti kota da ti Nzapa, akiri na Jérusalem.

Esdras 8:16

Tongaso mbi iri amakonzi Eliezer, Ariel, Shemaya, Elnatan, Yarib, Elnatan, Natan, Zakarii, Meshulam na awafango-ndia use, Yoyarib na Elnatan.

Sigingo 4:15

Fade mo yeke tene tënë na lo, mo yeke zia na yanga ti lo tënë so lo lingbi ti tene. Ti mbi, fade mbi yeke na ala use kue na ndembe so ala yeke tene tënë; mbi yeke fa na ala ye so ala lingbi ti sara.

Jérémie 1:9

Na pekoni, KOTA GBIA ayoro maboko ti lo, lo ndu yanga ti mbi si lo tene: “Baa, mbi zia tënë ti mbi na yanga ti mo.

Jérémie 15:19

Ndani laa, tënë so KOTA GBIA atene ayeke so: “Tongana mo kiri na mbage ti mbi, fade mbi yeke kiri na mo na kua ti mbi. Tongana mo yeke tene anengo tënë, me abuba tënë pepe, fade mo yeke duti zo ti tenengo peko ti atënë ti yanga ti mbi. Alingbi azo ti Juda laa akiri na mbage ti mo; me ayeke ti mo ti gue na mbage ti ala pepe.

Wungo ti azo 18:6

Mbi wani, mbi soro a-ita ti ala azo ti mara ti Lévi na popo ti azo ti Israel. Azo ni ayeke azo ti mbi, mbi mu azo ni na ala titene azo ni asara akua ti da ti bongo so mbi na azo ti mbi, e yeke wara tere daa.

Ndia ti fani use ni 18:18

Fade mbi yeke tokua na ala mbeni wayanga-Nzapa tongana mo; wayanga-Nzapa ni ayeke duti mbeni ita ti ala. Mbi yeke zia tënë ti mbi na yanga ti lo si lo yeke tene na ala atënë so kue mbi yeke mu yanga na lo ti tene.

Tite 1:5

Mbi zia mo na zoa ti Krete titene mo leke tanga ti gere ti kua ni si mo zia nga *akangba na ndö ti a-Eglize so ayeke na ya ti agbata ni oko oko kue. Ayeke nzoni mo sara aye ni tongana ti so mbi fa na mo.