Esdras 8:15 - Mbeti ti Nzapa - Tënë so amu fini

¹⁵ Mbi bongbi azo ni na tere ti ngu so ayeke sua, ague na mbage ti Ahava; e duti na ndo so lango ota. Na popo ti azo ni, mbi baa so asenge zo ayeke daa, ala na awayango-sandaga; me zo ti mara ti Lévi oko ayeke daa pepe.

Esdras 8:15 ပူးပေါင်းရင်းမြစ်များ

Esdras 7:24

E ye nga ti fa na awabatango-nginza, e tene: fade awayango-sandaga, azo ti mara ti Lévi, azo ti hengo bia, asanziri na azo ti kua ti kota da ti Nzapa, na tanga ti azo ti kua kue, ndia amu lege pepe titene ala futa lapo, nginza na ndö ti akungba nga na lapo ti lege.

Esdras 7:28

KOTA GBIA laa asara nzoni be na mbi na le ti gbia na awamungo-wango ti lo, nga na le ti akota zo so kue angoro lo. Be ti mbi awara ngangu ndali ti so maboko ti KOTA GBIA Nzapa ti mbi ayeke na ndö ti mbi, nilaa mbi wara lege ti bongbi ambeni kota zo ti Israel si mbi na ala, e gue so.”

Esdras 7:7

Na ya ti ngu mbarambara so Artakzerses ayeke gbia, ambeni zo ti Israel, ambeni wayango-sandaga, ambeni zo ti mara ti Lévi, ambeni zo ti hengo bia, ambeni sanziri na ambeni zo ti kua ti kota da ti Nzapa, akiri na Jérusalem.

Esdras 8:14

Utai na Zakur, azo ti kete mara ti Bigvai; akoli 70 amu peko ti ala.

Esdras 8:16

Tongaso mbi iri amakonzi Eliezer, Ariel, Shemaya, Elnatan, Yarib, Elnatan, Natan, Zakarii, Meshulam na awafango-ndia use, Yoyarib na Elnatan.

Esdras 8:2

Gershom, zo ti kete mara ti Pinas; Daniel, zo ti kete mara ti Itamar; Hatush, zo ti kete mara ti David;

Esdras 8:21

Kâ na tere ti ngu ti Ahava, mbi mu yanga titene e ke kobe, e sara tere ti e kete na gbe ti Nzapa. Tongaso si e, na asewa ti e, e hunda na lo ti sara si tambula ti e ague nzoni si ye asara akungba ti e pepe.

Esdras 8:31

Na lango baleoko na use ti kozo nze ni, e londo na tere ti ngu ti Ahava ti gue na Jérusalem. Na lege, maboko ti Nzapa ti e ayeke na ndö ti e, lo bata e na maboko ti awato ti e nga na maboko ti azaragina so ayeke ku e na lege ti sara sioni na e.

Abia (Psaumes) 137:1

Kâ na yanga ti *abale ti Babilone, e duti si e yeke toto na ndembe so be ti e ati na ndö ti *Sion.

Ezekiel 1:1

Na lango oku ti nze osio ti ngu baleota ni, mbi yeke na tere ti *bale ti Kebar na popo ti azuife so a gbu ala si a gue na ala na kodro wande. Yayu azi si na ya ti ambeni ye tongana bango-li, Nzapa afa na mbi ambeni ye.

Ezekiel 3:15

Mbi si na Tel-Abib, ndo ti azuife so a gbu ala, a gue na ala na kodro wande si ala yeke lango na tere ti *bale ti Kebar. Mbi sara lango mbarambara na popo ti ala, li ti mbi kue akpe.

Awatokua 16:13

Na *lango ti wungo tere, e sigigi na ya ti gbata ni, e gue na yanga ti *bale; e baa ti e, e tene, e yeke wara mbeni ndo ti sambelango Nzapa kâ. So e duti awe, e tene tënë na awali so abongbi tere ti ala kâ.