Esdras 7:9 - Mbeti ti Nzapa - Tënë so amu fini

⁹ Lo fa lango ti guengo ni na Babilone na kozo lango ti kozo nze ni; lo si na Jérusalem na kozo lango ti nze oku ni, ngbanga ti so maboko ti Nzapa ti lo ayeke lani na ndö ti lo ti bata lo.

Esdras 7:9 ပူးပေါင်းရင်းမြစ်များ

Esdras 7:28

KOTA GBIA laa asara nzoni be na mbi na le ti gbia na awamungo-wango ti lo, nga na le ti akota zo so kue angoro lo. Be ti mbi awara ngangu ndali ti so maboko ti KOTA GBIA Nzapa ti mbi ayeke na ndö ti mbi, nilaa mbi wara lege ti bongbi ambeni kota zo ti Israel si mbi na ala, e gue so.”

Esdras 7:8

Esdras na azo ni asi oko na Jérusalem na ya ti nze oku ti ngu mbarambara ni.

Esdras 8:18

Ndali ti so maboko ti Nzapa ti e ayeke na ndö ti e, azo so mbi tokua ala so ague, aga na Sherebia, mbeni zo so le ti lo ahan mingi; Sherebia ayeke zo ti kete mara ti Mali, mbeni *hale ti azo ti mara ti Lévi, molenge ti Jacob. Sherebia na amolenge ti lo nga na a-ita ti lo laa aga; akoli kue ayeke 18.

Esdras 8:22

Tongana mbi hunda fade na gbia titene lo mu na e aturugu na azo ti kpengo na ambarata titene ala bata e na lege ndali ti awato ti e, ka kamene asara mbi. Biani, lani e tene na gbia, e tene: “Maboko ti Nzapa ti e ayeke na ndö ti azo so kue ayeke gi lo; me ngonzo ti lo ayeke londo ngangu na tere ti azo so azia lo.”

Esdras 8:31

Na lango baleoko na use ti kozo nze ni, e londo na tere ti ngu ti Ahava ti gue na Jérusalem. Na lege, maboko ti Nzapa ti e ayeke na ndö ti e, lo bata e na maboko ti awato ti e nga na maboko ti azaragina so ayeke ku e na lege ti sara sioni na e.

Esdras 8:32

So e si na Jérusalem, e wu tere ti e na ya ti lango ota.

Néhémie 2:18

Mbi fa na ala lege so maboko ti Nzapa aduti na ndö ti mbi ti bata mbi nga na tënë so gbia atene na mbi. Tongaso ala tene: “E londo, e leke gbata ni!” Ala yeke na ngangu kue ti sara nzoni kua ni.

Néhémie 2:8

Ayeke nzoni a mu nga na mbi mbeni mbeti so mbi yeke gue na ni na Asaf, wabatango-gbako ti gbia. Tongaso, fade lo yeke mu na mbi akeke so alingbi titene a sara na ayanga ti gbagba ti bira so ayeke na tere ti kota da ti Nzapa. Mbi yeke mu nga akeke ni ti leke na agbagba ti gbata ni nga na da so mbi yeke lango ande na ya ni.” Gbia amu na mbi ambeti ni, ngbanga ti so maboko ti Nzapa ti mbi ayeke na ndö ti mbi ti bata mbi.

Abia (Psaumes) 80:18

Zia maboko ti mo na ndö ti gbia so aduti na mbage ti maboko ti mo ti koli, na ndö ti koli so awara ngangu ndali ti mo so!

Ésaïe 66:14

Tongana ala baa ande ye ni, fade be ti ala ayeke duti na ngia, tere ti ala ayeke kiri ti wara ngangu tongana fini pere na peko ti ngu-Nzapa.” Fade KOTA GBIA ayeke sara ye na ngangu ndali ti azo ti kua ti lo, me lo yeke fa ngonzo ti lo na awato ti lo.