Esdras 7:28 - Mbeti ti Nzapa - Tënë so amu fini

²⁸ KOTA GBIA laa asara nzoni be na mbi na le ti gbia na awamungo-wango ti lo, nga na le ti akota zo so kue angoro lo. Be ti mbi awara ngangu ndali ti so maboko ti KOTA GBIA Nzapa ti mbi ayeke na ndö ti mbi, nilaa mbi wara lege ti bongbi ambeni kota zo ti Israel si mbi na ala, e gue so.”

Esdras 7:28 ပူးပေါင်းရင်းမြစ်များ

Tongo nda ti aye 32:28

Zo ni ahunda lo, atene: “Iri ti mo ayeke nyen?” Jacob akiri tënë, atene: “Iri ti mbi Jacob.”

Tongo nda ti aye 43:14

Ayeke nzoni Nzapa so ngangu ti lo ahon angangu kue so, asara titene koli so abaa ala na nzoni le; lo zia lege na ita ti ala so angba kâ so, nga na Benjamin titene ala kiri. Tongana ayeke titene a zi amolenge ti mbi na maboko ti mbi, a zi ala.”

Esdras 5:5

Me le ti Nzapa ayeke na ndö ti *akangba ti azuife. Nilaa a kanga lege na ala pepe ti leke kota da ti Nzapa. Azo ni atokua mbeti na gbia Darius si ala yeke ku titene lo kiri tënë na ala na ndö ni si.

Esdras 7:14

Mbi na awamungo-wango ti mbi mbarambara, e tokua mo na Jérusalem nga na kete kodro ti Juda ti baa wala azo ayeke sara ye alingbi na Ndia ti Nzapa so mbeti ni ayeke na maboko ti mo.

Esdras 7:9

Lo fa lango ti guengo ni na Babilone na kozo lango ti kozo nze ni; lo si na Jérusalem na kozo lango ti nze oku ni, ngbanga ti so maboko ti Nzapa ti lo ayeke lani na ndö ti lo ti bata lo.

Esdras 8:1

Na ngoi so Artakzerses ayeke le-gbia, azo ti li ti asewa so ala na mbi, Esdras, e londo na Babilone e kiri na Jérusalem, iri ti ala na lege ti akotara ti ala ayeke so:

Esdras 8:15

Mbi bongbi azo ni na tere ti ngu so ayeke sua, ague na mbage ti Ahava; e duti na ndo so lango ota. Na popo ti azo ni, mbi baa so asenge zo ayeke daa, ala na awayango-sandaga; me zo ti mara ti Lévi oko ayeke daa pepe.

Esdras 8:18

Ndali ti so maboko ti Nzapa ti e ayeke na ndö ti e, azo so mbi tokua ala so ague, aga na Sherebia, mbeni zo so le ti lo ahan mingi; Sherebia ayeke zo ti kete mara ti Mali, mbeni *hale ti azo ti mara ti Lévi, molenge ti Jacob. Sherebia na amolenge ti lo nga na a-ita ti lo laa aga; akoli kue ayeke 18.

Esdras 9:9

Biani, e yeke ando angbaa, me mo Nzapa ti e, mo zia e na ya ti ngbaa ni pepe. Mo sara si agbia ti Perse asara nzoni be na e; ala kiri fini na e si e lingbi ti leke kota da ti mo nga na agbagba ni so a kungbi ando na sese; e wara ndo so e lingbi ti duti daa na Jérusalem nga na sese ti Juda si sioni ye asi na e pepe.

Néhémie 1:11

KOTA GBIA, mbi gbu gere ti mo, mo zi mê ti mo, mo ma sambela ti mbi, zo ti kua ti mo. Mo ma nga sambela ti azo ti kua ti mo, ala so ayeke na ngia ti ne iri ti mo. Mo sara si aye ti mbi, zo ti kua ti mo, aga nzoni laso. Mo sara si ye so mbi yeke hunda na gbia, lo kiri tënë na mbi na nzoni be.” Biani, mbi yeke lani zo ti mungo samba na gbia.

Néhémie 2:8

Ayeke nzoni a mu nga na mbi mbeni mbeti so mbi yeke gue na ni na Asaf, wabatango-gbako ti gbia. Tongaso, fade lo yeke mu na mbi akeke so alingbi titene a sara na ayanga ti gbagba ti bira so ayeke na tere ti kota da ti Nzapa. Mbi yeke mu nga akeke ni ti leke na agbagba ti gbata ni nga na da so mbi yeke lango ande na ya ni.” Gbia amu na mbi ambeti ni, ngbanga ti so maboko ti Nzapa ti mbi ayeke na ndö ti mbi ti bata mbi.

Abia (Psaumes) 109:12

Ayeke nzoni zo oko angba ti sara nzoni be na lo pepe, amolenge ti lo so lo kui lo zia ala so, zo oko abaa mawa ti ala pepe!

Jonas 3:7

Lo na akota zo ti Ninive amu mbeni mbela si ala dekongo na ni na ya ti gbata ni, atene: “Azo, abagara na ataba, na anyama kue, ala te mbeni ye oko pepe wala ala nyon ngu pepe.