Esdras 7:25 - Mbeti ti Nzapa - Tënë so amu fini

²⁵ “Ti mo Esdras, na lege ti ndara so Ndia ti Nzapa amu na mo si mbeti ni ayeke na maboko ti mo so, ayeke nzoni mo soro ambeni makonzi na ambeni wafango-ngbanga so fade kua ti ala ayeke ti fâ ngbanga ti azo so kue ahinga andia ti Nzapa ti mo; so ti tene azo so kue ayeke na sese ti mbage ti Do ti ngu ti Efrate. Ala yeke fa nga andia ni na azo so ahinga ni pepe.

Esdras 7:25 ပူးပေါင်းရင်းမြစ်များ

Tongo nda ti aye 41:38

Faraon ahunda ala, atene: “E lingbi ti wara mbeni zo so yingo ti Nzapa ayeke na ya ti lo tongana koli so?”

Tongo nda ti aye 41:39

Na pekoni, Faraon atene na Joseph: “So Nzapa afa na mo aye so kue so, mbeni zo so ahinga ndo si lo yeke zo ti ndara tongana mo ayeke daa pepe.

1 Agbia 3:28

Azo ti Israel kue ama tënë ti ngbanga so gbia Salomon afâ. Ala kpe mbeto ti gbia, ngbanga ti so ala baa so Nzapa amu na lo ndara ti fâ ngbanga mbirimbiri.

2 Agbia 17:27

Tongaso gbia ti Asirii amu yanga, atene: “Na popo ti awayango-sandaga so mbi mu ala na sese ti Samarii, mbi ga na ala so, ala tokua mbeni oko na Samarii. Fade lo yeke gue ti lango kâ titene lo fa na azo ni lege ti vorongo nzapa ti kodro ni.”

1 Mbai 22:12

Ayeke nzoni KOTA GBIA amu na mo lege ti hinga popo ti nzoni na ti sioni, ti duti na hingango ndo na ngoi so lo yeke zia mo gbia ti Israel, titene mo sara ye alingbi na *Ndia ti KOTA GBIA, Nzapa ti mo.

1 Mbai 23:4

David asoro azo 24 000 titene ala baa ndo na ndö ti akua ti kota da ti *KOTA GBIA, azo 6 000 tongana awakuasu nga na awafango-ngbanga;

Esdras 10:4

Mo londo, ngbanga ti so tënë ni abaa mo. E yeke na peko ti mo; kiri na peko pepe, mo sara ye!”

Esdras 6:6

Tongaso, gbia Darius asu mbeti si lo tokua na Tatenai, govoronere ti sese so ayeke na Do ti ngu ti Efrate, lo na Shetar-Boznai nga na amba ti ala, akota komanda ti sese ni; lo tene: “Ala zia tënë so!

Esdras 7:10

Biani, Esdras azia be ti lo kue ti gi nda ti *Ndia ti KOTA GBIA, ti sara ye alingbi na ni. Lo ye nga ti fa na azo ti Israel atënë ti ndia ni nga na aye so ndia afa.

Esdras 7:14

Mbi na awamungo-wango ti mbi mbarambara, e tokua mo na Jérusalem nga na kete kodro ti Juda ti baa wala azo ayeke sara ye alingbi na Ndia ti Nzapa so mbeti ni ayeke na maboko ti mo.

Néhémie 9:3

Na pekoni, ala londo aluti na nduzu, ala ma *Ndia ti *KOTA GBIA Nzapa ti ala so a diko ni na ala na ya ti ngbonga ota. Na ya ti mbeni ngbonga ota, ala kuku na sese na gbe ti KOTA GBIA Nzapa ti ala ti hunda na lo titene lo zi siokpari na li ti ala.

Abia (Psaumes) 19:7

Lo londo na mbeni mbage ti le ti nduzu, lo gue ngbii lo si na mbeni mbage ti le ti nduzu ni; ye kue ayeke na gbe ti ngangu ti sungo ti lo.

Amato 2:6

KOTA GBIA laa ayeke mu ndara na zo; hingango ye na hingango ndo alondo na lo.

Amato 6:23

Biani, andia ayeke tongana lamba, fango ye ayeke tongana lumiere. Tongana zo agboto mê ti mo ti mu na mo wango, andaa lo ye ti zia mo na lege ti fini.

Malashii 2:7

Biani, kua ti wayango-sandaga ayeke ti fa lege na azo si ala hinga Nzapa. Azo ayeke ga na mbage ti lo ti gi ti hinga ye so ndia afa, ngbanga ti so lo yeke watokua ti KOTA GBIA so ayeke na ndö ti dunia kue.

Matthieu 13:52

Lo tene na ala: “So ti tene, wafango-ndia so ahinga ye na ndö ti *Kodro-gbia ti yayu awe, lo yeke tongana mbeni wa ti da so ayeke mu afini mosoro na angbene ni kue na ya ti gogoro ti lo ti sigigi na ni.”

Marc 6:34

So Jésus asigigi na ya ti ngo ni, lo baa gba ti azo; mawa ti ala agbu lo, ngbanga ti so ala yeke tongana ataba so zo ti batango ala ayeke daa pepe. Tongaso lo fa aye mingi na ala.

Ndia ti fani use ni 16:18

Moïse atene: Ala azo ti Israel, na ya ti agbata so kue *KOTA GBIA Nzapa ti ala ayeke mu na ala, fade ala yeke soro na ya ti mara ti ala oko oko, awafango-ngbanga na akota zo ti tere ti ala; fade ala yeke fâ ngbanga ti azo ti mara ni na legeni.

Kolose 1:28

Tënë ti lo laa e yeke fa na azo. E yeke mu wango na azo kue si e yeke fa na ala ye na lege ti ndara kue, tongaso si zo oko oko na lege ti gango so lo ga oko na Christ aga kangba na lege ti Yingo.

Jacques 1:5

Tongana ndara atia mbeni zo na popo ti ala, ayeke nzoni lo hunda na Nzapa, fade Nzapa ayeke mu ni na lo. Biani, Nzapa ayeke mu ye na zo na nzoni be, lo yeke hunda yanga ti zo na peko ni pepe.