Esdras 7:23 - Mbeti ti Nzapa - Tënë so amu fini

²³ Aye so kue Nzapa ti yayu ayeke mu yanga daa ndali ti kota da ti lo, alingbi ala sara ni na taa legeni. Tongaso si ngonzo ti Nzapa alondo na tere ti kodro-gbia ti mbi, wala na tere ti mbi wani wala na tere ti amolenge ti mbi pepe.

Esdras 7:23 ပူးပေါင်းရင်းမြစ်များ

Esdras 7:13

“Mbela so mbi mu ayeke so: azo ti Israel so kue ayeke na ya ti kodro ti mbi, ataa awayango-sandaga, ataa azo ti mara ti Lévi, ataa asenge zo so aye ti kiri na Jérusalem, mo na ala alingbi ti gue senge!

Esdras 7:18

Na pekoni, mo na amba ti mo, ala yeke mu tanga ti wen ti nginza ni na tanga ti lôro ni ti sara na ye so ala baa nzoni na le ti ala ti sara, alingbi na ye so be ti Nzapa ti ala aye.

Esdras 7:22

Ala yeke mu na Esdras wen ti nginza ngbii alingbi kilo 3 000, *ble so alingbi kilo 30 000, vin so alingbi litere 4 000, mafuta so alingbi litere 4 000 na ingo so a lingbi ti fa wungo ni fango pepe.

Abia (Psaumes) 119:4

KOTA GBIA, mo laa mo mu andia ti mo na azo titene ala bata ni nzoni.

Sigingo 5:3

Moïse na Aaron atene: “Nzapa ti ahebro asi na e. Zia lege na e titene e tambula na ya ti lango ota, e gue na benyama ti mu *sandaga na KOTA GBIA, Nzapa ti e. Tongaso pepe, fade lo yeke fâ e na lege ti sioni kobela ti bubango kodro wala na lege ti bira.”

Jérémie 29:7

Ala gi lege ngangu ti sara si gbata so KOTA GBIA ague na ala daa so amai. Ala sambela KOTA GBIA ndali ti gbata ni, ngbanga ti so maingo ti ala wani alondo gi na maingo ti gbata ni.’

Zakarii 12:3

Biani, na lango ni so, fade mbi yeke sara titene Jérusalem aga tongana mbeni ngbongboro têne ndali ti amara kue; têne so zo alingbi ti yo ni na nduzu pepe. Zo so kue aye ti yo ni, lo yeke wara ka. Tongaso, amara ti sese kue ayeke bongbi oko ti tiri na lo.