Esdras 7:22 - Mbeti ti Nzapa - Tënë so amu fini

²² Ala yeke mu na Esdras wen ti nginza ngbii alingbi kilo 3 000, *ble so alingbi kilo 30 000, vin so alingbi litere 4 000, mafuta so alingbi litere 4 000 na ingo so a lingbi ti fa wungo ni fango pepe.

Esdras 7:22 ပူးပေါင်းရင်းမြစ်များ

Esdras 7:21

“Mbi, gbia Artakzerses, mbi mu yanga na awabatango-nginza ti sese ti mbage ti Do ti ngu ti Efrate titene aye so kue Esdras, wayango-sandaga na wafango-ndia ti Nzapa ayeke hunda na ala, fade ala yeke mu ni kue na legeni.

Esdras 7:23

Aye so kue Nzapa ti yayu ayeke mu yanga daa ndali ti kota da ti lo, alingbi ala sara ni na taa legeni. Tongaso si ngonzo ti Nzapa alondo na tere ti kodro-gbia ti mbi, wala na tere ti mbi wani wala na tere ti amolenge ti mbi pepe.

Ezekiel 45:14

Ala yeke zi mbage ti mafuta ti mu na sandaga. Na popo ti ta ti mafuta 100, ala yeke zi ta oko. Ala yeke haka mafuta na bat; bat baleoko laa alingbi na homer oko, bat baleoko alingbi nga na kor oko.

Awayango-sandaga 2:13

“Asandaga so kue ala yeke mu ni, fade ala yeke zia ingo daa. Ala girisa ti zia ingo daa laoko pepe, ngbanga ti so ingo ni ayeke tongana mbuki so ayeke na popo ti ala na Nzapa. Nilaa, na ya ti asandaga ti ala kue, fade ala yeke zia ingo daa.